Naixe Montserrat Soliva Torrentó. Estió especialista en compostache y en l’uso de residuos organicos pa preservar lo medio ambient, protecher lo suel y incrementar la productividat agraria

Naixe la informatica, inventora y activista Lynn Conway. Lo suyo treballo innovador en o disenyo de hardware va tener un impacto revolucionario en tota la industria informatica

Muere la chenetista Elisabeth Schiemann. Los suyos treballos sobre las relacions evolutivas d’importants cereals, como lo trigo y l’hordio, tienen gran influencia en a biolochía vechetal d’o present

Naixe la enchenyera aeroespacial Diana Trujillo Pomerantz. Treballa en o Laboratorio de Propulsión a Churro, an lidera l’equipo responsable d’o brazo robotico d’o rover Perseverance

Richard Stallman inicia lo desenrollo d’o sistema operativo GNU. Este programador y activista se considera lo fundador formal d’o movimiento d’o software libre

Naixe la medica María Castellano Arroyo. Especializada en medicina legal y forense y medicina d’o treballo, se va convertir en a primer catedratica en una facultat de medicina en Espanya (en Zaragoza)

Naixe l’enchenyero Bisi Ezerioha. Prencipió la suya carrera en a industria farmaceutica, dedicando-se posteriorment a l’automoción. Ha construyiu beluns d’os motors mas potents de Honda

Lo naturalista Odón de Buen describe dos nuevos tipos d’isopodos (crustacios) y dos gobidos (peixes) en as Islas Balears

Naixe l’historiador y dramaturgo Djibril Tamsir Niane. Transcribió y estudió la epopeya de Sundiata, un poema epico mandinga. Estió un d’os editors d’a Historia Cheneral d’Africa d’a UNESCO

Naixe la bioquimica Filomena Nitti. Va estudiar substancias activas sobre lo sistema nervioso, va codescubrir lo papel d’a histamina en as reaccions alerchicas y va desenrollar lo primer antihistaminico

Muere la epidemiologa y virologa Dorothy Millicent Horstmann. La suya investigación sobre la propagación d’o poliovirus en o fluxo sanguinio estió clau pa desenrollar la vacuna contra la poliomielitis

Naixe la botanica y ilustradora cientifica Priscilla Susan Falkner Bury. Va publicar una d’as obras mas bellas sobre lidios d’o sieglo XIX

Naixe l’astronoma Waltraut Seitter. En Münster, organizó lo Prochecto de desplazamiento enta lo royo de Münster (MRSP) y lo Münster Red Sky Survey, un catalogo de galaxias de l’hemisferio sud

Día Mundial d’a Lochica. Destaca la importancia d’a lochica en o desenrollo d’a conoixencia y rinde homenache a los lochicos Kurt Gödel (feneixiu este día en 1978) y Alfred Tarski (naixiu este día en 1901)

Naixe Aitor Villafranca Velasco, Premio Nacional d’Investigación 2024. Investiga en optica integrada y ye un d’os fundadors de PRISMA, asociación que treballa per los dreitos LGTBQIA+ en ciencia

Naixe la fisica Phyllis Bolds. Lo suyo treballo sobre frecuencias de vibración d’os helicopteros va aduyar a contrimostrar que la curva de preba de vibración d’helicopteros utilizada en 1970 yera inadecuada

Muere lo cientifico Albert Schatz. Estió codescubridor d’a estreptomicina, un antibiotico aislau a partir d’a bacteria Streptomyces griseus

Lesley Lokko ye la primer arquitecta afrodescendient en recibir la Medalla d’Oro de l’Instituto Reyal d’Arquitectos Britanicos. Reconoixe la suya contribución a la chusticia y democratización de l’arquitectura

Lo quimico teorico y Premio Nobel Roald Hoffmann visita lo MUDIC. Destaca tamién la suya faceta como poeta, explorando las buegas d’a ciencia y la belleza d’as letras y las moleculas

Investigadors d’a Universidat de Cambridge publican l’articlo que confirma la existencia d’ADN con una helice cuatriple en celulas humanas

Naixe la cheologa Edelmira Inés Mórtola. ​Investigó en l’aria de mineralochía y tenió una extensa carrera como docent. Entre las suyas publicacions destaca lo libro Nocions de Mineralochía

L’humanista, lexicografo y gramatico Antonio de Nebrija prene posesión d’a catedra de Prima de Gramatica en a Universidat de Salamanca

Naixe la fisica Elizabeth Riddle Grieus. Estió una pionera en fisica de neutrons y en a detección y medición de neutrons rapidos

Muere la fisica Li Fanghua. Se va adedicar fundamentalment a la fisica de difracción, la microscopia electronica d’alta resolución y la investigación cristalografica

Muere lo bacteriologo Kiyoshi Shiga. Descubrió la bacteria Shigella, l’achent causant d’a shichelosi, un tipo de disentería que se transmite per vía fecal-oral

Naixe la quimica Rachel Lloyd. Lo suyo treballo pa determinar la concentración de sacarosa d’a remolacha zucrera va aduyar a lo desenrollo d’a industria zucrera comercial en Norteamerica

Muere la tecnologa d’os alimentos Nunuk Nuraini. En 1982 creó lo saborizant ixuto de mi goreng pa la marca Indomie. Ye un d’os saborizants pa fideus instantanios mas famosos d’o mundo

Naixe la paleontologa Andreína Celeste Marina Bocchino. Ye conoixida per lo suyo treballo en paleontolochía de vertebraus

S’apreba l’Estatuto de l’Achencia Espacial Africana (AfSA). Con siede en Lo Caire (Echipto) busca promover y coordinar lo desenrollo d’actividaz espacials en Africa

Naixe lo medico virologo Max Theiler. En 1951 va recibir lo Premio Nobel en Fisiolochía u Medicina per lo suyo treballo pionero en o desenrollo d’una vacuna contra la fiebre amariella

Naixe lo fisico Rudolf Ludwig Mössbauer. Recibió lo Premio Nobel de Fisica per investigar l’absorción d’a resonancia d’a radiación gamma y per descubrir l’efecto que leva lo suyo nombre