Muere la etologa Jane Goodall. Ye reconoixida internacionalment per haber estudiau per seis decenios las interaccions socials y familiars d’os chimpancés salvaches en Tanzania

Lo quimico Manuel Ballester Boix recibe lo Premio Principe d’Asturias d’Investigación Cientifica y Tecnica. Lo churau va destacar los suyos estudios sobre radicals libres de gran estabilidat

Naixe l’albéitar James Alfred Wight, conoixiu per lo pseudonimo James Herriot. Los suyos libros con chanzas d’a suya vida como albéitar rural han suscitau numerosas vocacions en tot lo mundo

Se sinya en Madrid l’acuerdo per lo cual se declara l’Antarctida reserva natural pa la paz y la ciencia, se prohibe la minería fueras d’a que se fa pa investigación y se regula l’impacto ambiental

Naixe la bioquimica Elizabeth Bugie Gregory. Chunto a Selman Waksman y Albert Schatz identificó la estreptomicina, lo primer antibiotico eficaz contra la tuberculosi

Naixe la bioquimica Nine Choucroun. Colaboradora de Jean Perrin, va desenrollar, entre atras, la tecnica d’a electroforesi, que permite deseparar moleculas como proteínas u ADN

Naixe lo fisico Niels Bohr. Ye conoixiu per desenrollar la teoría atomica y la mecanica cuantica. Recibió lo Premio Nobel de Fisica en 1922 per las suyas investigacions sobre la estructura de l’atomo

Naixe Emily Blackwell. Va estar cofundadora y prencipal motor de creiximiento de l’Hespital de Mullers y Ninos de Nueva York, y va promover la formación medica femenina

S’observa la supernova SN 1604, conoixida como supernova de Kepler, la zaguera vista en a nuestra galaxia. En o momento d’a suya observación estió l’obchecto mas brilant en o ciel a excepción d’o Sol

Naixe Eugen Wüster, considerau lo pai d’a terminolochía como disciplina autonoma. Tamién va treballar sobre los problemas d’a Bibliografía u lo sistema de Clasificación Decimal Universal

Ahmed Zewail recibe lo Premio Nobel de Quimica per las suyas investigacions pioneras en a femtoquimica, que estudia las reaccions quimicas en escalas de tiempo extremadament breus

Se lanza oficialment la Sociedat Africana de Chenetica Humana (AfSHG) pa promover la investigación en chenetica humana en Africa y fomentar la colaboración cientifica

Naixe la exploradora y etnografa Mary Henrietta Kingsley. Lo suyo treballo contribuyió a dar forma a las percepcions occidentals d’a cultura d’Africa y lo colonialismo

Naixe la fisica Wang Yening. Va publicar mas de 200 articlos cientificos y ye especialment reconoixida per las suyas investigacions en superconductividat d’alta temperatura

Allan M. Cormack y Godfrey Hounsfield reciben lo Premio Nobel de Fisiolochía u Medicina per posar las bases teoricas y construyir lo primer escáner de tomografía computarizada, revolucionando lo diagnostico medico

 William Rowan Hamilton concibe los cuaternions, una extensión d’os numeros complexos que no cumple la propiedat commutativa. Va anotar la suya formula base en un puent de Dublín

Naixe la microbiologa y nutricionista Audrey Josephine Cahn. Estió una d’as primeras expertas en recomendar la inchesta de grasas poliinsaturadas y lo suyo treballo estió clau pa compilar tablas de calorías

La Reyal Escuela d’Albeitaría en Madrid ubre las suyas puertas. Va estar la primera institución estatal en Espanya adedicada a la ensenyanza albeitaría reglada

Max Planck formula una nueva lei de radiación pa cuerpos negros en asumir que la enerchía s’emite en paquez u quanta, lo que marcó l’inicio d’a teoría cuantica

Naixe la tecnologa d’alimentos Mary Earle. Va formar parte d’a chunta directiva de l’Instituto d’Investigación de Cautivos y Alimentos de Nueva Zelanda y va dirichir la Chunta d’a Industria Porcina

Muere entre la Batalla de Trafalgar lo cientifico y marino Cosme de Churruca, qui realizó importants aportes en cartografía, cheografía y matematicas aplicadas a la navegación

Naixe l’arqueologa Annette Laming Emperaire. Va adedicar gran parte d’a suya vida a la prospección arqueolochica de Sudamerica descubrindo en 1975 lo fósil humano mas antigo d’o continent

La ecologa Sandra Díaz recibe lo Premio Ramón Margalef d’Ecolochía per desenvolver lo concepto de diversidat funcional y contrimostrar cómo lo cambio ambiental global afecta a ecosistemas vechetals

Naixe la medica Tsai-Fan Yu. Va codesenrollar una explicación d’a causa d’a gota y va experimentar con as primeras medecinas pa tratar esta malotía, remedios que encara s’emplegan en l’actualidat

Naixe la quimica Marjorie J. Vold. La suya investigación, centrada en coloides -una mescla no homochenia de dos u mas fases-, estió reconoixida con a Medalla Garvan-Olin de l’American Chemical Society

La NASA lanza la misión STEREO, dos sondas que estudian lo Sol en 3D, revelando cómo ocurren las erupcions solars y aduyando a prevenir danyos en satelites y rez electricos

Naixe la medica, escritora y activista politica echipcia Nawal El Saadawi. Doctora en psiquiatría, ye reconoixida per denunciar la practica d’a mutilación chenital femenina

Revelan que en as auguas de Dallol (Etiopía), ni los microbios mas resistents sobreviven. Allí, cualques minerals imitan formas organicas y dan razón de falsos positivos en a busqueda de vida extraterrestre

Naixe lo medico y biologo Baruj Benacerraf Lasry. Ganó lo Nobel per descubrir chens que regulan la respuesta immunolochica, clau pa entender trasplants y malotías autoimmunes

En Nueva Zembla (Oceano Arctico), se fa la detonación d’a bomba de hidrocheno sovietica baltizada como Bomba d’o Zar, la mayor arma nuclear construyida dica hue

Seguntes calculos estatisticos aproximaus, naixe l’habitant 7.000 millons d’a planeta Tierra. S’estima que en octubre de 2026 i habrá 1.300 millons d’habitants mas