Naixe l’antropologa Teresa del Valle. Centró la suya investigación en a critica feminista en l’antropolochía, la etnografía d’a memoria y las metodolochías cualitativas

Lo fisico Robert Watson-Watt aconsigue una patent pa lo sistema de radar. Las suyas investigacions facioron d’o radar un instrumento esencial en a Segunda Guerra Mundial

Naixe la entomologa y ilustradora cientifica Emily L. Morton. Describió ciclos vitals d’os lepidopters, adquirindo, criando y ilustrando las distintas etapas d’a vida d’estes insectos

Naixe la micologa Catherine Gross Duncan. Va estudiar diferents aspectos d’os fongos xilofagos, como la luz solar y l’efecto sobre la respiración celular, l’efecto d’os conservants y la humedat

Naixe lo fisico Ivar Giaever. Contrimostró cómo se produciba lo fenomeno de superconductividat y recibió lo Premio Nobel per los suyos treballos en a fisica de l’estau solido

Naixe la filosofa Eulalia Pérez Sedeño. La suya investigación s’ha centrau en estudios de ciencia, tecnolochía y chenero

La Sociedat Linneana de Londres premia a lo profesor Sebsebe Demissew (Universidat d’Adís Abeba) per lo suyo treballo en a flora etiope y la preservación de conoixencias tradicionals

Naixe la conquiliologa Joyce Allan. En 1950, va publicar Australian Shells, lo primer libro que describe una gran parte d’os moluscos australians

Naixe la bioquimica Marion Webster. Aisló l’anticheno Vi d’a fiebre tifoidea y determinó la suya estructura

Muere lo botanico, naturalista y enchenyero Mariano de la Bárcena y Ramos. Va estar un hombre multifacetico y, entre atros, va describir nuevas especies vechetals y dio nombre a dos especies fósils

Naixe la bioquimica y neurocientifica Elizabeth Roboz-Einstein. Purificó y caracterizó la proteína basica d’a mielina y estudió la suya relación con malotías como la esclerosi multiple

Naixe la botanica Aino Marjatta Henssen. Va fer importants abances en a conoixencia taxonomica d’os cianolíquens (asociacions simbiontes de fongos y cianobacterias)

Naixe la psicologa clinica Martha E. Bernal. Lo suyo treballo clinico se centró fundamentalment en l’avaluación y lo tratamiento de menors con problemas de conducta

Naixe l’astronoma Priscilla Fairfield Bok. Lo suyo libro La Carrera de Sant Chaime (1941) ha estau un d’os textos astronomicos d’interés cheneral mas exitosos que s’haigan escrito

Muere lo polimata Mijaíl Lomonosov. Entre atros, enunció la lei de conservación d’a materia, destacó en o estudio cheografico d’os chelos y fundó la primera universidat rusa

Naixe lo matematico y astronomo Victor Alexandre Puiseux. Va introducir nuevos metodos sobre funcions alchebraicas (per eixemplo las series y lo teorema de Puiseux) y va contribuyir a la mecanica celeste

Lo telescopio espacial Kepler d’a NASA confirma lo descubrimiento d’a primer planeta d’a grandaria d’a Tierra en a zona habitable d’unatra estrela. Se denomina planeta Kepler-186f

Lo cientifico Azwinndini Muronga recibe lo Premio a lo Liderato Distinguiu Internacional d’a Universidat de Minnesota. La suya investigación se centra en a dinamica de fluidos relativista

S’inaugura l’Instituto d’Investigación Biomedica d’a Universidat de Stellenbosch, lo mayor laboratorio de bioseguridat d’Africa. Allí investigan la base chenetica y molecular d’a tuberculosi u lo SIDA

Naixe la bioquimica Mary Louise Foster. En a Residencia de Sinyoretas (Madrid) va fundar lo Laboratorio Foster pa amostrar tecnicas quimicas y atenuar l’ausencia de practicas en a universidat

Naixe la profesora y primatologa Satsue Mito. En 1954 descubrió l’orichen y la difusión d’o lavau de moniato per parte d’os monos

Naixe lo fisico teorico Robert Oppenheimer. Va aconseguir notables abances en o campo d’a fisica, pero lo suyo nombre ye indisolublement uniu a lo desenrollo d’as primeras armas nuclears

Muere la cheologa y especialista en corals Dorothy Hill. Estió la primer muller profesora en una universidat australiana, asinas como la primera muller que presidió l’Academia Australiana de Ciencias

Naixe la fisica y enchenyera aeroespacial Irene Sänger-Bredt. Entre la suya carrera, va asesorar en afers espacials a organismos civils y militars, institutos d’investigación y universidaz

Naixe lo matematico Andrey Kolmogorov. Escribió los fundamentos d’a teoría d’a probabilidat y influyió en a probabilidat, la teoría de conchuntos y la teoría de numeros

Muere lo matematico autodidacta Srinivāsa Aiyangār Rāmānujan. La suya conchectura sobre la función tau va ubrir nuevas linias d’investigación

Se fa en Toulouse lo primer vuelo de l’Airbus A380. Se considera l’avión de pasachers mas gran d’o mundo dica hue, con 73 metros de largaria y 24 metros d’altaria

Naixe la microbiologa Ramona Vaamonde. En setiembre de 1975 va detectar a escape un brote de colera en Santiago de Compostela, privando asinas una epidemia

Naixe la briologa y entomologa Elizabeth Gault Fisher. Entre la suya carrera, reunió una colección mas de 3500 muestras de molsas y hepaticas

Naixe la dietista y tecnologa alimentaria Mary Klicka. Va disenyar racions de minchar preparau pa l’exercito, con un sistema que calienta la birolla sin flama, gracias a una reacción exotermica