Lo malacologo József Vágvölgyi descubre a la tartuga George lo ensolicau. Lo levó ta la Estación Cientifica Charles Darwin con fembras d’una especie semellant (Chelonoidis becki), esperando conservar los suyos chens

Naixe lo medico Francisco Javier Balmis. Va encabezar la Reyal Expedición Filantropica pa difundir la vacuna d’a picueta per America y las islas Filipinas

Naixe lo medico Carlos Juan Finlay. Descubrió que la fiebre amariella se transmite per un vector, lo mosquín fembra de Aedes aegypti, y estió proposau dica en siet ocasions pa lo Premio Nobel

Naixe la enchenyera aeroespacial JoAnn Hardin Morgan. Va treballar en os programas Mercury, Gemini y Apolo. Va tener acceso a lo panel de control en a sala de lanzamiento de l’Apolo 11

Un consorcio liderau per l’Instituto de Biomedicina de Valencia (CSIC) troba nuevos casos de tuberculosi resistent a antibioticos que no heban estau detectaus con o metodo de referencia

Lo matematico autodidacta Srinivasa Ramanujan ye eslechiu miembro d’a Sociedat Matematica de Londres (Reino Uniu). En a suya curta vida, va fer contribucions extraordinarias a las matematicas

Naixe la psicologa Eleanor Gibson. Estudió los procesos de desenrollo d’a lectura y aprendizache perceptivo en edaz tempranas

Naixe Johannes Ingenhusz. Se considera lo descubridor d’a fotosintesi, lo proceso per lo cual las plantas sintetizan moleculas organicas en presencia de luz, liberando oxicheno

Muere la paleoantropologa Mary Leakey. En a gorguera d’Olduvai (Tanzania) descubrió las restas humanas fósils d’una especie a la cual denominoron Zinjanthropus boisei

L’oceanografo Fernando Fraga ingresa en a Reyal Academia Gallega de Ciencias. Va describir cómo lo comportamiento d’as auguas causa, en gran parte, la gran riqueza de las rías gallegas

Naixe lo lingüista y filologo Pierre Bec (Pèire Bèc). Especializau en as luengas romanicas, ye particularment conoixiu per los suyos estudios sobre la luenga y literatura occitana

Se da per finalizada la erupción d’o volcán de Tajogaite, en a dorsal de Cumbre Vieja (Isla d’a Palma, Canarias). En total, esta erupción estromboliana duró 85 días

Naixe la biologa Ethel Browne Harvey, conoixida per las suyas troballas sobre división celular. Va aconseguir desenrollar uegos enucleaus d’arizo de mar per medio de partenochenesis artificial

Muere la paleontologa Nieves López Martínez. Destacó per la suya fayena investigadera y docent. Estió una d’as responsables d’a modernización d’os estudios paleontolochicos en Espanya

Naixe la historiadora Maria Lúcia Mott. Destacan las suyas investigacions sobre historia d’a salut, estando amás pionera d’os estudios de chenero en Brasil

Muere lo medico Ibn Nafis. Ye famoso per los suyos descubrimientos sobre la circulación pulmonar, sieglos antes d’as descripcions de Miguel Serveto u William Harvey

Naixe l’enchenyero Alec Issigonis. Va adedicar la suya carrera profesional a la construcción d’automóbils. Lo suyo mayor exito va estar lo Mini, un d’os autos mas iconicos d’o sieglo XX

Naixe lo virologo Robert H. Purcell. Ye conoixiu per los suyos estudios sobre los virus d’as hepatitis. Descubrió lo virus d’a hepatitis A (VHA) chunto a Kapikian y Feinstone

Naixe la inmunologa Helen Lee Gruehl Aikman. Va estar coautora de mas d’una docena d’articlos cientificos sobre sensibilidat a las proteínas, alerchias y asma

Prencipia la expedición Challenger que constituyió la primer gran campanya oceanografica mundial. Esta data se considera a ormino como la naixencia d’a oceanografía

Muere la ictiologa Rosemary (Ro) Lowe-McConnell. Ye conoixida per los suyos estudios sobre peixes tropicals, gracias a las suyas expedicions en Africa y Sudamerica. En 1997 va recibir la Medalla Linneana

Naixe la ilustradora cientifica Georgiana Elizabeth Ormerod. La suya chirmana, la entomologa Eleanor Ormerod, fació servir los suyos dibuixos d’insectos en publicacions y en clases en colechios agricolas

Naixe lo chugador d’escaques, matematico y filosofo Emanuel Lasker. Las suyas prencipals aportacions matematicas se centroron en o campo de l’alchebra abstracta

Naixe la paleobotanica Inna A. Dobruskina. Estió una d’as prencipals expertas en o Triasico. Detaca la suya monografía sobre las flors d’o Triasico en Eurasia

Naixe lo quimico Martin Gouterman. Aplicando la teoría cuantica, va proposar lo modelo d’os cuatro orbitals moleculars en o estudio d’as porfirinas. Tamién va estar un destacau activista

María Ángeles Durán recibe la Medalla d’Oro a lo Merito en o Treballo. La suya investigación se centra en l’analisi d’o treballo no remunerau y la suya relación con a estructura social y economica

Naixe l’enchenyero de software Linus Torvalds. Ye conoixiu per desenrollar lo nuclio de Linux, un software libre y de codigo ubierto. Tamién va desenrollar lo software de control de versions Git

Naixe lo matematico y astronomo Ibn-Al Banna al-Marrakushi. Un d’os suyos treballos mas famosos incluye cómo calcular radices cuadradas d’un numero y una teoría de fraccions continas

Muere la neurocientifica Rita Levi-Montalcini. En 1986 va recibir lo Premio Nobel chunto a lo bioquimico Stanley Cohen, per descubrir lo primer factor de creiximiento conoixiu en o sistema nervioso

Muere la quimica Piedad d’a Cierva Viudes, pionera en radiación artificial en Espanya. Tamién investigó sobre vidre optico u sobre la fabricación de ladriellos refractarios