La quimica María Teresa Toral ye engarcholada per segunda vegada. La Premio Nobel Irène Joliot-Curie media en a causa y la presión internacional aconsigue que la suya condena se reduzca a dos anyos de presón

Se descubre en Zhoukoudian (China) lo cranio cuasi completo d’o clamau "Hombre de Pekín" (Homo erectus pekinensis). Datau en 780.000 anyos, ye una pieza fundamental en o puzle d’a evolución humana

Se fa la primera vacunación masiva en Espanya contra la picueta. La fa lo medico Francesc Piguillem en Puigcerdà (Girona), con a vacuna descubierta per Edward Jenner en 1798

Muere lo matematico, astronomo y poeta Omar Jayam. Va correchir lo calandario zoroastrico (persa), que contina utilizando-se actualment en Irán y Afganistán

Se celebra, como cada anyo dende 2013, lo Día Mundial d’o Solero, pa concenciar sobre la importancia d’un solero saludable y promover la suya chestión sostenible

Naixe Niccolò Zucchi, fraire chesuita, astronomo y fisico. Entre los suyos inventos, un telescopio reflector con o cual va observar per primera vegada las bandas de Chupiter

La sonda atmosferica d’a misión Galileo ingresa en l’atmosfera d’a planeta Chupiter, dimpués de seis anyos de viache, fendo las primeras medicions directas d’esta planeta chigant gasiosa

Cientificos d’o GSI, centro d’investigación alemán, dirichius per Sigurd Hofmann, aconsiguen crear per primera vegada l’elemento quimico roentguenio en fusionar bismuto y níquel

Naixe la destacada profesora Angie Turner King, una d’as primeras mullers afroamericanas con títol en quimica y matematicas y un doctorau. Inspiró a estudiants como Katherine Johnson

Marie Skłodowska-Curie recibe lo suyo segundo Nobel, esta vegada en Quimica, per descubrir los elementos polonio y radio, estando la primera persona en recibir dos Premios Nobel en diferents ciencias

La misión Apolo 17 alunizó en a val de Taurus-Littrow. Estió la zaguer vegada que humans caminoron sobre la Luna, marcando la fin d’as misions Apolo

Se publica lo Diccionario d’a Historia Natural d’Odón de Buen que introduz la cheografía biolochica, una nueva rama d’a biolochía. Se considera un antecedent d’a ecolochía moderna

Naixe Elizabeth Alexander, considerada la primera muller radioastronoma. Entre la Segunda Guerra Mundial, interpretó sinyals anomalos de radar como emisions solars, troballa clau en este campo

Naixe Helen Blair Barlett. Doctora en mineralochía, va desenvolver un aislant ceramico pa buchías, amillorando lo suyo rendimiento. Va estar la primera muller en aconseguir lo rango de cientifica en General Motors

Naixe lo quimico Avelino Corma Canós. Ye reconoixiu per la suya investigación sobre catalizadors aplicaus a lo refinau d’hidrocarburos y derivaus d’a biomasa, amillorando la suya eficiencia y sostenibilidat

Naixe la immunologa Eleanor Albert Bliss. La suya investigación va contribuyir a l’uso cheneralizau d’antibioticos en medicina. Va estar pionera en l’uso de sulfonamidas pa tratar infeccions bacterianas

Jean-Jacques Muyembe-Tamfum, microbiologo congolenyo, estió reconoixiu per la revista Nature per liderar la investigación que descubrió lo tratamiento mas efectivo pa l’Ebola, mAb114

Naixe Gladys Rowena Henry Dick medica que, chunto a lo suyo esposo, va identificar la bacteria causant d’a escarlatina, causa de muerte infantil alavez, y va desenvolver una vacuna y antitoxina pa tratar-la

Prencipia lo Gran Smog de Londres, una densa boira toxica causada per contaminación que provocó milars de muertes y transformó la lechislación ambiental britanica

Naixe Rose Eudora Collom, botanica autodidacta que, a los 44 anyos, va prencipiar a estudiar la flora d’Arizona. Va estar la primer botanica remunerada d’o Gran Canyón y va descubrir cuantas especies

L’Achencia Europea d’a Medecina apreba la vacuna de Pfizer cuentra la COVID-19. Estió una ferramienta clau en la luita cuentra la pandemia

Naixe la farmacologa María José Alonso Fernández. Ye pionera en l’aplicación d’a nanotecnolochía en farmacos, pa aconseguir lo maximo beneficio en a suya administración y efectos

Naixe l’enchenyero aeronautico Pablo Álvarez Fernández. En abril de 2024 se graduó como astronauta de l’Achencia Espacial Europea (ESA), convertindo-se en o segundo espanyol en fer-lo

Naixe la cheologa Carlota Escutia Dotti. Ye conoixida per lo suyo treballo sobre la evolución cheolochica de l’Antarctida y lo papel d’o casquet polar en os cambios climaticos globals

La erupción d’o volcán Cumbre Vieja en a isla canaria de La Palma, en Espanya, ye declarada oficialment concluyida. Marcó un episodio dramatico pa la isla

Se patenta la radio FM, inventada per Edwin Armstrong. Esta tecnolochía va permitir transmisions d’audio mas limpias, con menos interferencias y millor calidat que la radio AM

Naixe la criptoanalista Margaret Betts. Treballó en Bletchley Park dende 1943 dica 1945, operando maquinas pa descifrar codigos nazis en a Segunda Guerra Mundial

Naixe Carl Remigius Fresenius, un d’os quimicos mas importants d’a historia. Pai d’a quimica analitica, va sistematizar metodos y los va difundir mundialment

Naixe l’historiador, antropologo, fisico y politico Cheikh Anta Diop. Estudió los oríchens d’a humanidat y la cultura africana precolonial. La universidat de Dakar adoptó lo suyo nombre

Muere lo quimico-fisico Robert Boyle. Gracias a la suya fortuna, va poder adedicar muito tiempo a la investigación, describindo, per eixemplo, la relación entre presión y volumen d’os gases (lei de Boyle)

Naixe la neurocirurchana Serafima Bryusova. Entre atros, estudió la dolor en o celebro, tumors y la presión intracranial, contribuyindo a l’abance d’a cirurchía cerebral