Muere lo matematico y astronomo Abu’l-Wafa. Introdució la función tanchent, amilloró metodos pa calcular las tablas de trigonometría y descubrió la formula d’o sino pa la cheometría esferica

Naixe Mário Schenberg, reconoixiu como lo fisico teorico mas important de Brasil. Son especialment conoixidas las suyas contribucions esencials pa entender las estrelas

Karl Benz patenta oficialment lo Benz Patent Motorwagen, considerau lo primer automóbil autopropulsau per motor de combustión interna

Naixe la matematica Carme Torras Genís. Especialista en intelichencia artificial y robotica, compachina la suya investigación sobre robotica asistencial con a escritura literaria y la tecnoetica

Naixe la petrologa Ljudmila Dólar Mantuani. Publicó extensament sobre tecnolochía d’o fornigón y los factors relacionaus con a calidat de l’arido

Se crea l’Academia Africana de Ciencia (AAS) en Nairobi (Kenia), como una institución panafricana dedicada a impulsar la ciencia en Africa

Naixe la fisiologa y toxicologa Anna Baetjer. Investigó cómo lo treballo industrial afecta a la salut d’as mullers y proposó milloras de seguranza y d’horarios (per las responsabilidaz domesticas)

L’enchenyero quimico Noël N’Guessan gana lo Premio Africa a la Innovación en enchenyería per lo sistema Kubeko pa la chestión de subproductos d’as cullitas y la suya transformación en compost y gas

Naixe la medica Mathilde Krim. Estió miembro de l’equipo que desenvolvió per primera vegada un metodo pa la determinación prenatal d’o sexo

Naixe l’agronoma y cientifica Eva Ekeblad. Va descubrir cómo fer farina y alcol con trunfas, aduyando a combatir la fambre. Va estar la primer muller en dentrar en l’Academia de Ciencias de Suecia

Lo cientifico Amedeo Avogadro publica un asayo sobre lo conteniu molecular d’os gases. La suya hipotesi resultaría en a lei d’Avogadro, fundamental pa la quimica moderna

Naixe lo medico Albert Calmette. Va descubrir, de conchunta con l’albéitar Camille Guérin, una forma atenuada de Mycobacterium tuberculosis que s’emplegó en a vacuna pa la tuberculosi

Sara García Alonso recibe lo Premio Ada Byron a la Muller Tecnologa. Esta investigadora en biolochía molecular ye amás miembro d’a reserva d’astronautas de l’Achencia Espacial Europea

Jane Goodall plega en a reserva d’o Gombe Stream (Tanzania) pa iniciar lo suyo revolucionario estudio d’o comportamiento d’os chimpancés en libertat

Naixe la botanica Almira Lincoln Phelps. Los suyos escritos sobre botanica influyioron sobre atras mullers d’a epoca que s’adedicoron a esta ciencia, como Eunice Newton Foote

L’explorador Michel Siffre s’endintró en una espelunga pa fer un experimento pionero de cronobiolochía y percepción d’o tiempo. Va salir dos meses dimpués pensando que nomás heban pasau 35 días

Naixe la neurofisiologa Marcelle Lapicque. Ye conoixida per las suyas investigacions sobre los impulsos nerviosos (cronaxia) y los efectos d’os verenos, especialment la estricnina, sobre la cronaxia

Naixe lo fisico Hendrik Lorentz. Va estar gualardonau con o Premio Nobel en 1902 per las suyas investigacions sobre la influencia d’o magnetismo en os fenomenos electricos

Se publica lo primer mapa cerebral completo d’una mosca d’a fruita (Drosophila melanogaster) con resolución nanometrica, fendo servir 7.000 cortes y 21 millons d’imáchens

Naixe la cheologa Ellen Louise Mertz. Va fer una investigación pionera pa los Ferrocarrils Estatals Daneses que va servir de base pa la construcción de l’antigo puent d’o Chicot Belt

L’experimento DONUT de Fermilab muestra per primera vegada interaccions d’o neutrino tau captadas en placas d’emulsión, confirmando la existencia d’esta particla

Se celebra una Conferencia Internacional en a cual se decide crear la Organización Mundial d’a Salut (OMS) como organización global pa amillorar la salut publica

Eileen Collins se convierte en a primera muller en comandar una misión d’un transbordador espacial d’a NASA (la misión STS-93 d’o Columbia)

Naixe la quimica Ruth Pirret. Chunto a Frederick Soddy, va investigar la quimica d’os elementos radioactivos. La suya investigación va contribuyir a la comprensión d’a desintegración radioactiva

Lo medico patologo forense Bennet Omalu publica lo suyo descubrimiento, la encefalopatía traumatica cronica (CTE) en chugadors de futbol americano, marcando una fita en a medicina esportiva

Naixe James Ephraim Lovelock, medico, meteorologo, escritor, inventor, quimico atmosferico y ambientalista, famoso per la hipotesi Gaia, que visualiza a la Tierra como un sistema autorregulau

Los medicos Frederick Banting y Charles Best aconsiguen aislar y purificar insulina a partir de pancreas de can. Liberoron la suya patent pa lo beneficio d’a humanidat

Naixe la quimica Sossina M. Haile. Investigadora en l’aria de ciencia d’os materials, ye conoixida per desenvolver las primeras pilas u celdas de combustible d’acidos solidos

Naixe la biologa Marion J. Lamb. Estudió l’efecto de condicions ambientals –como la calor, la radiación u la polución– en l’actividat metabolica y la variabilidat chenetica d’a mosca Drosophila

Se licencia Isabel Ovín Camps, primera espanyola licenciada en ciencias quimicas, dimpués de completar los suyos estudios en a Universidat de Sevilla

Naixe la zoologa Marvalee Hendricks Wake. Ye conoixida per la suya investigación sobre la biolochía d’o desenrollo, anatomía y reproducción d’as cecilias, un tipo d’anfibios sin extremidaz