Naixe Wilhelmine Mimi Johnson. Estió la primer cheologa de Noruega, fotografió minas en Kongsberg y estió conservadora d’o Museu Cheolochico de Tøyen. Ubrió camín en un mundo dominau per hombres

L’astronomo Karl Wilhelm Reinmuth descubre l’asteroide Aethusa (1064), ubicau en o cinturón prencipal entre Marte y Chupiter. Va estar nombrau como una planta toxica europea

Naixe la quimica Carmenza Duque Beltrán. Ye especialment conoixida per las suyas investigacions sobre l’aroma d’as fruitas y los compuestos quimicos presents en os organismos marinos

Naixe Eeva Therman-Patau. Va publicar extensament sobre chenetica d’o cáncer, anomalías d’o cromosoma X y desenrollo sexual, entre atros temas

Naixe lo filologo, lingüista y naturalista Ivar Aasen. Establió un estándard d’escritura d’a luenga noruega (landsmål) a partir de dialectos de l’ueste d’o país, que estió adoptau como oficial en 1885

Naixe la virologa Ana Gligić. Va fer importants contribucions a la comprensión y lo control d’as fiebres hemorrachicas virals, incluyiu lo virus de Marburgo

Naixe la ictiologa Elly Cordiviola. Estió pionera en estudiar los peixes d’o río Paraná, las suyas migracions y reproducción. Lo suyo treballo aduyó a conservar la biodiversidat acuatica archentina

Naixe la biologa Jeanne Renaud-Mornant. Va descubrir decenas d’especies de tardigrados, animals microscopicos capaces de sobrevivir en condicions extremas

Muere l’horticultor Edmond Albius. Con 12 anyos, inventó lo metodo de polinización d’a orquidia Vanilla planifolia que encara hue permite lo suyo cautivo rendable difuera d’o suyo habitat natural

Naixe la biologa Mary Alice McWhinnie. Va estar la primer muller en navegar per dos meses en l’Antarctico. Lo suyo obchectivo yera estudiar la relación entre la temperatura de l’augua y la fisiolochía d’o kril

Naixe la medica Ruth Wynne-Davies. Especialista en ortopedia, investigó y escribió, entre atros temas, sobre la chenetica d’o piet equinovaro y la escoliosi

Se fa un eclix total solar. Puede veyer-se en l’extremo norte de Siberia, l’extremo ueste d’Islandia, la isla de Groenlandia y la mayor parte d’o norte d’Espanya

Naixe la cheologa Maureen Muggeridge. En 1979, descubrió lo deposito de diamants d’Argyle, en o norte d’Australia Occidental, un d’os mas grans d’o mundo

Naixe lo polimata Carlos de Sigüenza y Góngora. Va estar un d’os promotors d’as matematicas en a Nueva Espanya y va dirichir las excavacions en Teotihuacán en 1675, las primeras d’o Mexico virreinal

Naixe l’aduyanta de laboratorio Andromache Papanicolaou. Per 21 anyos, estió voluntaria pa que lo suyo hombre George le fese citolochías diarias en busqueda d’una preba d’o cáncer d’utero

Naixe Arthur Cayley, matematico britanico, creador d’o calculo matricial, base de l’alchebra linial. Va publicar mas de 900 articlos y va revolucionar la cheometría

Philiswa Nomngongo recibe lo Premio a las Mullers en a Ciencia en Sudafrica. Investiga la quimica analitica ambiental y l’uso de nanomaterials pa lo tratamiento y analís d’auguas

Día Internacional de l’Arqueolochía. Esta ciencia d’a rama d’as humanidaz permite entender lo nuestro pasau y present. La calendata recuerda l’asasinato de l’arqueologo sirio Khaled al Asaad

Las canyas Belka y Strelka viachan ta l’espacio exterior en o Korabl-Sputnik 2, acompanyadas de ratos, ratas y plantas. Estioron los primers sers vivos en sobrevivir a un viache espacial

Ronald Ross observa lo parasito d’a malaria en un mosquito Anopheles. Lo suyo descubrimiento va permitir entender cómo se transmite la malotía. Va ganar lo Premio Nobel de Fisiolochía u Medicina en 1902

Naixe lo quimico Charles Frédéric Gerhardt. Treballó en la reforma d’a notación de formulas quimicas. Tamién estudió, entre atros, la sintesi de l’acido acetilsalicilico, base de l’aspirina

Naixe lo bioquimico Christopher J. Chetsanga. Va fer contribucions pioneras en o estudio d’a reparación de l’ADN, descubrindo enzimas clau en este proceso fundamental en la luita contra lo cáncer

Naixe la fisica y meteorologa Anna Mani. Disenyó instrumentos pa medir radiación solar, ozón y aire, claus pa entender lo clima y las enerchías limpias

Naixe la entomologa Annette Braun. Va estar una reconoixida experta en microlepidopters, chicotas palometas que las suyas larvas viven dentro de fuellas. Va describir mas de 340 especies y va revolucionar la entomolochía

Muere l’arquitecto y enchenyero Eugénio dos Santos. Estió responsable d’a reconstrucción de Lisbona dimpués d’o tierratrémol de 1755, seguindo criterios antisismicos que marcoron una fita en a enchenyería

Naixe la programadora Karen Spärck Jones. Va desenvolver l’indicador IDF, que mide la relevancia d’una parola en un texto pa identificar información clau en documentos dichitals

Naixe la inventora Carrie Jane Everson. Patentó un metodo pa deseparar minerals usando bambollas d’aceite, base d’a flotación per espuma. La suya tecnica revolucionó la minería moderna

Día Mundial d’o Sindrome de Turner, una anomalía cromosomica que va estar descrita per Henry Turner en 1938. Afecta a personas de sexo femenino y puede causar baixa estatura u infertilidat, entre atros

Naixe la filologa Maria Goyri. Estió pionera en filolochía y literatura espanyola. Defendió la educación d’as mullers y estudió lo romancero popular chunto a Ramón Menéndez Pidal

La ONU confirma la erradicación d’a benzina con plumo a nivel mundial. Este logro evita mas d'1,2 millons de muertes anyals y cabida mas de 2,4 billons de dólars

Naixe la medica y pedagoga Maria Montessori. Lo suyo metodo educativo, usau en tot lo mundo, fomenta l’autonomía infantil y l’aprendizache a traviés d’a experiencia