Naixe la biologa Edith Berkeley, experta en poliquetos, cucos segmentaus marinos clau en os ecosistemas. Dio prestichio a la estación biolochica de Nanaimo con a suya labor taxonomica

Muere lo cirurchano Christiaan Barnard. Va fer lo primer trasplant de corazón humano exitoso en 1967, revolucionando la medicina cardiaca mundial

La enchenyera Charlette N’Guessan se convierte en a primera muller en ganar lo Premio Africa a la Innovación en enchenyería, per lo suyo sistema de reconoixencia facial y IA pa verificar identidaz

Naixe lo filofoso y ensayista Daniel Innerarity. A traviés d’a suya teoría d’a democracia complexa ha contribuyiu a l’adaptación d’os prencipios normativos d’a democracia a las sociedaz actuals

Naixe la quimica Susi Glaubach. Treballó en a formación de glicerol entre la fermentación alcolica. Tamién estudió la producción d’insulina chunto a lo farmacologo Ernst Peter Pick

Naixe lo medico Manel Esteller Badosa. Ye un referent internacional en epichenetica y los suyos treballos son clau pa comprender millor, entre atros, lo proceso de transformación d’as celulas cancerosas

Naixe la naturalista Mary Davis Treat. Colaboró con Charles Darwin per medio de correspondencia postal, aportando observacions clau sobre plantas carnivoras

Naixe la enchenyera Eleanor Vadala. Va estar directora d’investigación d’o Centro de Desenrollo Aerio Naval en Pensilvania, an va desenvolver materials sinteticos liucheros pa lo suyo uso en aeronaus

Albert Ghiorso y Glenn T. Seaborg anuncian lo descubrimiento d’o seaborguio (numero atomico 106). Este elemento radioactivo estió nombrau en honor a Seaborg, pionero en a quimica nuclear y transuranica

Naixe la medica Maria Hervás Moncho. Entre la Guerra Civil Espanyola va dirichir en Valencia lo laboratorio de serolochía de transfusión, amillorando diagnosticos de sifilis y seguranza sanguinia

Naixe l’historiador y academico Eisha Stephen Atieno Odhiambo. Analisó los risgos d’o saber y lo poder en Africa dende la historia y la cultura

Se descubre la espelunga de Lascaux (Francia). Las suyas pinturas paleoliticas, con mas de 600 figuras animals, son Patrimonio d’a Humanidat y clau pa entender l’arte prehistorico europeu

Naixe l’arqueobotanica Maria Hopf. En 1968 cofundó l’IWGP, grupo clau que promueve l’estudio internacional de restas vechetals arqueolochicas pa entender la relación humans‑plantas

Muere lo escritor, lingüista y recopilador d’o folklore Juan Antonio Saco y Arce. Va estar autor d’a Gramatica Gallega (1868), primera descripción cientifica d’a luenga gallega

Naixe la conservacionista Yolanda Kakabadse Navarro. Estió la primer muller presidenta d’a Unión Internacional pa la Conservación d’a Naturaleza (UICN). Tamién presidió WWF

Naixe Stephanie Shirley, pionera en informatica. En 1962 va fundar Freelance Programmers, interpresa de software que promoveba treballos flexibles dende casa, mayoritariament pa mullers

S’autoriza la construcción d’un "camín de fierro" dende los chacimientos d’hulla de Llangréu y Siero ta lo puerto de Xixón. Estió la primer linia de ferrocarril de carácter industrial en Espanya

Naixe Nan McKenzie Laird. En 2021 va ganar lo Premio Internacional d’Estatistica per desenrollar metodos pa analisar datos replegaus a lo largo d’o tiempo en estudios lonchitudinals complexos

Naixe l’astronomo Christian Heinrich Friedrich Peters. Descubrió 48 asteroides entre 1861 y 1889 y elaboró cartas estelars que marcoron una fita en l’astronomía moderna

Muere lo medico Abioseh Davidson Nicol. Va describir la descomposición d’a insulina en o cuerpo humano, un abance important pa lo tratamiento d’a diabetes

Muere lo matematico y astronomo James Ivory. Formuló lo teorema de Ivory: en una familia de seccions conicas confocals, las diagonals de bels cuadrilateros tienen igual lonchitut

La Biblioteca Huntington (Los Angeles) exhibe per primer vegada en publico los manuscritos d’o mar Muerto. Lo suyo estudio ye clau pa entender la naixencia d’o cristianismo endentro d’o chudaísmo

John Curtis produce en EUA lo primer chiclé comercial con goma d’abet. Lo suyo exito marcó l’inicio d’una industria que dimpués incorporó gustos y se popularizó globalment

Naixe la biologa marina Diana Marcela Bolaños Rodríguez. Ye conoixida per los suyos estudios sobre los platihelmintos, un filo d’invertebraus conoixius como cucos plans

Naixe la fisica Susana Marcos Celestino. Especializada en optica, ye reconoixida per las suyas contribucions a lo desenrollo d’instrumentos de diagnostico y corrección en oftalmolochía

Naixe l’astronoma Reysa Bernson. Ye conoixida per la suya labor de divulgación de l’astronomía en Francia per medio de demostracions publicas y lo desenrollo de planetarios

Jean-François Champollion anuncia que ha descifrau la Piedra de Rosetta, clau pa entender los hieroglificos y dar orichen a la echiptolochía moderna

Se celebra lo Día Mundial contra la Rabia. Promoviu dende 2007 per l’Alianza Mundial pa lo Control d’a Rabia, ye un homenache a Louis Pasteur, creador d’a primer vacuna antirrabica

La gravedat d’a Tierra captura temporalment a l’asteroide 2024 PT5, d'11 metros de diametro. Per 57 días, este asteroide se convertió en o que se conoixe como «miniluna»

Naixe la botanica Helia Bravo Hollis. Pionera en o estudio de cactacias, va fundar lo Chardín Botanico d’a UNAM. Cuantas especies como Opuntia heliae y Ariocarpus bravoanus levan lo suyo nombre