Naixe la entomologa Clare R. Baltazar. Descubrió 108 especies y ueito cheneros nuevos de avrispas parasitas. Lo suyo treballo aduyó muito a lo control de plagas en Filipinas

Naixe la fisica Katharina Boll-Dornberger. Va introducir lo concepto matematico de grupoide pa describir cristals desordenaus. Va estudiar estructuras organicas y inorganicas y va amillorar los metodos de difracción

Naixe la neurologa Łucja Frey. Descubrió en 1923 lo sindrome que posteriorment se clamó sindrome de Frey: en minchar, cualques personas sienten sudor y calor en un caixo per danyo nervioso

Naixe la enchenyera quimica Mary Sherman Morgan. Va inventar lo combustible liquido hydyne, que va empentar lo codete Chupiter-C y va aduyar a lanzar lo primer satelite estausunidense, l’Explorer 1

Muere la enchenyera Olive Dennis. Fació innovacions que amillororon la comodidat d’os viaches en tren, como asientos reclinables, tapicería antitacas u luces que podeban atenuar-se de nueits

La BBC nombra a Quarraisha Abdool Karim, epidemiologa y cofundadora de CAPRISA (Centro pa la Investigación d’o SIDA en Sudafrica), como una d’as siet mullers pioneras en a ciencia

Con nomás 19 anyos, Odón de Buen exposa lo suyo treballo Apunts cheografico-botanicos sobre la zona central d’a Peninsula Iberica, en o cual incluye plantiamientos precursors d’a ecolochía en Espanya

Muere lo medico Carlos Chagas. Va descubrir la malotía de Chagas, identificando lo parasito Trypanosoma cruzi, lo suyo insecto vector y los sintomas clinicos, revolucionando la medicina tropical

Naixe lo microbiologo Hideyo Noguchi. Estió lo primero en obtener cautivos puros de Treponema pallidum, la bacteria causant d’a sifilis, en un medio de cautivo puro, abanzando en o suyo diagnostico

La investigadora y virologa Mireille Dosso ye gualardonada con a Medalla UNESCO/Institut Pasteur per la suya destacada labor en microbiolochía y salut publica en Africa Occidental

Naixe la quimica Martha Annie Whiteley. Mientres la Primera Guerra Mundial participó en o desenrollo de gas mostaza y en a sintesi d’anestesicos como procaína y fenacetina

Alberto Santos Dumont gana lo premio de l’Aeroclub de Francia en establir lo primer récord de distancia de vuelo: 220 metros

Phillip Tobias, paleoantropologo, recibió lo Premio Balzan d’Antropolochía Fisica per lo suyo treballo en os puestos de fósils d’hominidos de Sudafrica, fundamentals pa entender la evolución humana

Se descubre Sedna, un obchecto ubicau dillá de Neptuno, lo cuerpo menor d’o Sistema Solar, numero 90377. Va estar detectau dende l’observatorio de Mont Palomar (California)

Se publica en a revista cientifica PNAS lo descubrimiento d’os fitocromos, pigmentos que permiten a las plantas detectar la luz roya y roya leixana, regulando lo suyo creiximiento y desenrollo

Naixe la farmacologa Eva King Killam. Va investigar cómo los farmacos afectan a lo celebro y a lo comportamiento. Va estudiar epilepsia, dependencia de opiacios y estructuras cerebrals como l’hipocampo

Douglas Engelbart patenta l’indicador de posición X-Y pa pantallas u ratez d’ordinador. L’inventó pa permitir seleccionar textos en a pantalla y manipular-los

Naixe la neurocientífica Edith Graef McGeer. Ye conoixida per lo suyo treballo y contribucions a la investigación d’a prevención y lo tratamiento de l’Alzheimer y atras malotías neurodechenerativas

Naixe lo lingüista, epigrafista y etnologo Yuri Valentínovich Knórozov. Especializau en a luenga maya, las suyas hipotesis contribuyioron a-saber-lo a lo descriframiento d’o sistema d’escritura maya

Naixe Berta de Haas-Lorentz. Va estar la primera persona en estudiar teoricament las fluctuacions termicas en circuitos electricos, considerando los electrons como particlas brownianas

Naixe l’astronoma Elena Kazimirtchak-Polonskaïa. Ye conoixida per los suyos estudios sobre las perturbacions de meteoros y contrimostrar la influencia gravitacional de planetas chigants como Chupiter y Saturno

Naixe lo fisico Louis Néel. Va descubrir l’antiferromagnetismo y la temperatura de Néel, conceptos clau en o estudio d’o magnetismo y aplicacions tecnolochicas como la memoria magnetica

Naixe la matematica Elizabeth Scott. Combinó estatistica con astronomía y meteorolochía. Descubrió l’efecto Scott y promovió la igualdat de chenero en a ciencia

Naixe lo fisico Tsung-Dao Lee. Chunto a Chen-Ning Yang, va descubrir que las interaccions febles violan la simetría de paridat, una troballa clau en a fisica de particlas

Albert Einstein presenta las suyas ecuacions d’a teoría cheneral d’a relatividat debant de l’Academia Prusiana d’as Ciencias (Alemanya)

Se fa la devantadera d’a primera planta maremotriz d’o mundo. Situada en l’estuario de Rance, en a Bretanya, va estar la primer planta electrica que usaba la puyada y baixada de las mareas pa chenerar electricidat

Se fa lo primer trasplant parcial de cara d’a historia. La pacient estió Isabelle Dinoire, una muller francesa que heba sufierto grieus lisions facials dimpués d’estar atacada per lo suyo can

Naixe la microbiologa Ángela Restrepo Moreno. A lo largo d’a suya vasta carrera se va especializar en malotías causadas per fongos, lo suyo diagnostico y lo suyo tratamiento

S’aplica per primera vegada la maniobra de Blalock-Taussig a un bebé d'11 meses pa tratar lo sindrome d’o bebé azul, marcando una fita en a cardiolochía pediatrica

Naixe Jane Wright, conoixida per contribuyir a lo desenrollo d’a quimioterapia cuentra lo cáncer. Va fer servir cautivos de teixius humans pa prebar farmacos y desenvolvió catéters pa administrar medecinas