Nace José de Acosta. A súa obra acerca da diversidade bioxeográfica e cultural de América é pioneira ao achegar unha visión global. Isto anticipa e serve de base ao estudo moderno dos ecosistemas

A computadora ENIAC (Electronic Numerical Integrator And Computer) é apagada de xeito definitivo. É considerada a primeira computadora dixital de propósito xeral

Persoal investigador da Universidade de California, en Los Ángeles, consegue, mediante enxeñaría xenética, que bacterias E. coli produzan un 50 % máis de biocombustible a partir de azucre

O inventor Blasco de Garay realiza o seu primeiro experimento no porto de Málaga. A súa idea era aplicar unha roda que, movida por persoas, actuase como motor nos barcos

Descobren un exemplar de Malacocincla perspicillata no sur de Borneo. A última observación desta especie de ave tivera lugar en 1848

Ten lugar o lanzamento da sonda Ulysses desde o transbordador espacial Discovery. Este proxecto conxunto da ESA e a NASA tivo como obxectivo estudar o Sol en todas as súas latitudes

O biólogo Sydney Brenner recibe o Premio Nobel en Fisioloxía ou Medicina polas súas descubertas sobre a regulación xenética no desenvolvemento e a apoptose

Wangari Maathai convértese na primeira muller africana en recibir o Premio Nobel da Paz. O seu traballo no Movemento Cinto Verde impulsou a plantación de millóns de árbores

O biofísico Michael Levitt recibe o Premio Nobel en Química xunto con Arieh Warshel e Martin Karplus polo seu desenvolvemento de modelos multiescala para entender sistemas químicos complexos

Celébrase o primeiro Día Mundial da Saúde. Cada ano esta data serve para realizar campañas de sensibilización e eventos enfocados no coidado da saúde mental

Nace a astrónoma Marieme Chadid. É considerada como a primeira astrónoma do mundo comprometida coa instalación dun grande observatorio astronómico na Antártida

Inaugúrase o Colexio Médico Feminino de Pensilvania. Considérase a segunda institución médica que se estableceu no mundo para que as mulleres puidesen acceder ao título de Medicina

Falece a axudante de laboratorio Andromache Papanicolaou. Durante 21 anos foi voluntaria para que o seu esposo George lle realizase citoloxías diarias na súa procura dunha proba do cancro de útero

O médico Janusz T. Paweska recibe en Breslavia (Polonia) a estatuíña de Sapere Auso polo seu traballo sobre doenzas virais, incluído o control de gromos de ébola e febre do val do Rift

Nace a médica Zohra Begum Kazi. Foi cirurxiá asistente e loitou contra supersticións e crenzas retrógradas, promovendo a medicina moderna entre as mulleres da India e Bangladesh

Nace a matemática e psicóloga Elizabeth Loftus. A súa investigación enfocouse en como a información se organiza de xeito semántico e dá lugar á memoria de longo prazo

O enxeñeiro Guglielmo Marconi pon en funcionamento o primeiro servizo comercial de telegrafía sen fíos transoceánico, entre as localidades de Glace Bay (Canadá) e Clifden (Irlanda)

O naturalista Charles Darwin embarca no HMS Beagle após finalizar a súa exploración das illas Galápagos. Esta viaxe sería a inspiración para escribir A orixe das especies

Nace a bióloga e bioxeógrafa Gretchen C. Daily. É cofundadora do Proxecto capital natural, que busca integrar os valores da natureza na planificación, a política e as finanzas

A sonda espacial soviética Venera 9 entra na órbita do planeta Venus. Foi a primeira astronave que enviou á Terra unha imaxe da superficie doutro planeta

A bióloga mariña e oceanógrafa Sallie W. Chisholm recibe o Premio Ramón Margalef de Ecoloxía polos seus estudos sobre os organismos fotosintéticos mariños

Nace o naturalista Johann Reinhold Forster. É coñecido pola súa contribución ás orixes da ornitoloxía en Europa e Norteamérica e por acompañar a James Cook na súa segunda viaxe ao Pacífico

Alberto Santos Dumont gaña a Copa Archdeacon. Fora convocada para premiar o primeiro voo de máis de 25 metros nunha nave autopropulsada e máis pesada que o aire. Dumont voou 60 metros

Día das Bibliotecas. As bibliotecas son centros de información en que se almacena o coñecemento científico contido en libros e revistas

O médico e microbiólogo Stamen Grigorov publica o descubrimento de Lactobacillus bulgaricus. Esta bacteria provoca a fermentación do leite e transfórmao en iogur

Nace a astrónoma Henrietta Hill Swope. Estudou as estrelas variables. En particular, mediu a relación período-luminosidade das estrelas Cefeidas

Falece a mestra e inventora Ángela Ruiz Robles. En 1949 patentou a enciclopedia mecánica, un invento que se considera precursor do libro electrónico

Nace a botánica e micóloga Gulielma Lister. Foi a principal referente mundial en mixomicetos e encargouse de catalogar coleccións botánicas en distintos museos, como en París e Estrasburgo

Gottfried Wilhelm Leibniz escribe por primeira vez o símbolo da integral. O traballo deste polímata abrangue tamén a filosofía, a xurisprudencia, a física e a xeoloxía

Un insecto folla da colección do Museo Nacional de Ciencias Naturais (MNCN-CSIC) resulta ser unha nova especie: Phyllium regina. Recollido en 1896 en Indonesia, non se coñecen máis exemplares

Nace a física Li Lin. Realizou importantes contribucións aos programas chineses de metalurxia, enerxía nuclear e supercondutividade de alta temperatura