Ten lugar o Gran Terremoto de Lisboa. A busca dunha explicación científica reuniu un importante equipo de especialistas e sentou as bases da sismoloxía moderna

Nace o biólogo Pere Alberch. Dirixiu o Museo Nacional de Ciencias Naturais, reformou os departamentos de investigación, alentou a modernización das coleccións e fixo estimulantes exposicións

Nace a xeóloga Eileen Hendriks. Aínda que non puido acceder a unha categoría profesional acorde coa súa preparación, foi premiada polo seu traballo sobre a xeoloxía de Devon e Cornualles (Gran Bretaña)

Nace o enxeñeiro eléctrico e premio nobel Charles Kuen Kao. Foi pioneiro no desenvolvemento e uso da fibra óptica en telecomunicacións

Nace a bióloga mariña e oceanógrafa Sallie W. Chisholm. Codescubridora do fitoplancto mariño máis abondoso, o Prochlorococcus, é experta en ecoloxía e evolución dos microbios oceánicos

Nace a astrónoma Ida Barney. É coñecida polos seus 22 volumes de medidas astrométricas de 150.000 estrelas

Falece a bioquímica Margarita Salas. Impulsou a bioloxía molecular en España e illou o enzima ADN polimerase a partir do fago phi 29, un descubrimento que permitiu amplificar o ADN

Nace a científica Kamal Ranadive. Estableceu o primeiro laboratorio de investigación de cultivos de tecidos da India e é coñecida polo seu traballo sobre a relación entre cancros e virus

Nace Ignacio Bolívar, un dos entomólogos máis brillantes da súa época. Como director do Museo Nacional de Ciencias Naturais, recuperou o esplendor que este tivera nos seus inicios

Nace o astrofísico teórico e cosmólogo Ígor Nóvikov. Formulou o principio de autoconsistencia de Nóvikov para resolver os problemas dos paradoxos nas viaxes a través do tempo

Concédese a patente US1781541 a Albert Einstein e Leó Szilárd polo seu invento: o refrixerador Einstein. Durante anos, ambos os físicos traballaron para mellorar a tecnoloxía de refrixeración doméstica

Nace a bioquímica e nutricionista Taneko Suzuki. Foi experta en química de proteínas e no desenvolvemento de alimentos a partir de proteínas de peixe, como o concentrado Marinbeef

Nace a botánica e bibliotecaria Mary Ellinor Lucy Archer. Impulsou a introdución da clasificación decimal universal no CSIRO e foi pioneira no concepto de préstamos interbibliotecarios

Nace Fang Fang Kullander. Recoñecida polas súas contribucións á acuicultura na China e ao coñecemento das augas continentais de Myanmar. Fundou o proxecto sino-europeo ECOCARP

Nace a veterinaria Agnes Sjöberg. Considérase a primeira europea, e probablemente a primeira muller no mundo, en defender o seu doutoramento en Veterinaria (sobre a secreción ocular de cabalos)

Desde o Radiotelescopio de Arecibo (Porto Rico), envíase a Mensaxe de Arecibo cara ao espazo exterior. Inclúe datos sobre a situación do sistema solar, da Terra e do ser humano

Falece a médica Matilda Evans. Defendeu unha mellor atención médica ás persoas afroamericanas, en particular a nenas e nenos

Nace o naturalista e oceanógrafo Odón de Buen. Entre as súas numerosas achegas, a que máis trascendeu é a creación do Instituto Español de Oceanografía en 1914

Nace o microbiólogo Carl Friedländer. Identificou a bacteria Klebsiella pneumoniae, causante de pneumonía. Esta bacteria é coñecida como bacilo de Friedlander

Fúndase o Instituto SETI, unha organización sen ánimo de lucro dedicada á procura de vida intelixente no Universo

Nace a médica Clotilde-Camille Deflandre. É coñecida por descubrir, xunto a Paul Carnot, a eritropoetina, a principal estimuladora natural de produción de glóbulos vermellos (eritrocitos)

Nace a química Pauline Ramart. Os seus traballos sobre a relación entre o espectro da radiación ultravioleta e as reaccións químicas vinculadas á radioloxía

O enxeñeiro químico Erik Rotheim patenta o primeiro bote de aerosol con válvula que podía conter e dispensar produtos e sistemas propulsores. Foi o precursor do pulverizador moderno

Nace a fisioterapeuta Bessie Blount Griffin. Ensinou novos xeitos de realizar tarefas cotiás a ex-soldados coas mans incapacitadas e inventou un sistema de alimentación para persoas amputadas

Nace a estatística Martha Bilotti-Aliaga. Desenvolveu innovadores métodos para a ensinanza da estatística, espertando o espírito crítico e o razoamento entre o seu estudantado

Nace a botánica e limnóloga Ruth M. Patrick. Foi pioneira en utilizar as diatomeas para diagnosticar o estado de saúde dos ecosistemas de auga doce

O carballo (Quercus robur L.) do Bosque do Banquete de Conxo gaña o concurso Árbore do Ano en España 2022. Con máis de 250 anos, foi defendido por Rosalía de Castro nunha denuncia ecolóxica pioneira

Nace a enxeñeira agrónoma Johanna Döbereiner. Estudou a fixación biolóxica de nitróxeno, axudando a diminuír a dependencia do fertilizante nitroxenado nos cultivos de soia no Brasil

Nace o enxeñeiro John Fleming. Inventou o díodo de baleiro, un fito que é considerado como o inicio da electrónica

Solicítase a patente dun método para a produción de lácteos con baixo contido en lactosa. Está baseado na dixestión enzimática da lactosa presente no leite