Nace a especialista en nanomedicina Ghada Al-Mutairi. Inventou unha nanocápsula que pode detectar inflamacións dentro do corpo humano e liberar medicamentos para tratalas

Ponse lume ao alto forno n.º 1 da fábrica de ferros de Duro y Compañía en La Felguera (Asturias). Este antigo centro siderúrxico incluíuse na Listaxe Vermella de Hispania Nostra en 2022

Nace a fisióloga Bodil Schmidt-Nielsen. Xunto a Knut Schmidt-Nielsen, tivo unha longa traxectoria investigadora traballando sobre o equilibrio de auga e solutos en diferentes especies animais

Estréase a ópera El príncipe Ígor. Foi composta polo químico Aleksandr Borodín, descubridor da reacción aldólica e fundador da Escola de Medicina para Mulleres de San Petersburgo

Creación oficial da Axencia Africana de Medicamentos (AMA). Procura garantir a calidade dos medicamentos en África e fomentar o desenvolvemento de produtos médicos no continente

A investigadora e escritora Paloma Díaz-Mas, especialista en estudos sefardís, le o seu discurso de ingreso na Real Academia Española titulado Ciencia en judeoespañol

Comeza a funcionar a primeira fotolineira de España, no Real Xardín Botánico Juan Carlos I. Trátase dunha estación de recarga para vehículos eléctricos alimentada por paneis solares

Wilhelm Röntgen descobre os raios X durante un experimento con electricidade. Non os patentou para que a sociedade puidese aproveitalos de xeito gratuíto. Tampouco quixo que levasen o seu nome

Nace o microbiólogo Dimitri Ivanovski. Considérase a primeira persoa en descubrir os virus, en 1892

Celébrase o primeiro Día Mundial da Ciencia para a Paz e o Desenvolvemento. Coordinado pola UNESCO, busca sensibilizar sobre o papel da ciencia para ter sociedades pacíficas e sostibles

Falece a neuróloga e psiquiatra Frances Rix Ames. Investigou os efectos do cánnabis sobre o cerebro e liderou a investigación ética médica sobre a morte do activista anti-apartheid Steve Biko

Nace a xeóloga Irene Crespin. A súa investigación centrouse no estudo de microfósiles de Australia, con traballos notables sobre os foraminíferos, un grupo de protistas ameboides

Nace o académico Árni Magnússon. Reuniu a colección Arnamagneana de manuscritos medievais islandeses, inscrita no rexistro Memoria do Mundo da UNESCO

Nace a científica da computación Shafrira Goldwasser. En 2012 recibiu o Premio Turing (compartido con Silvio Micali) por revolucionar a ciencia da criptografía

Día Mundial do Sangue do Cordón Umbilical. Este sangue é rico en células nai que se usan na investigación e o tratamento de numerosas doenzas

Nace o poeta, escritor, historiador e filósofo Ibn al-Jatib. O seu traballo sobre a epidemia de peste que azoutou a península Ibérica en 1348 describe por primeira vez a noción de contaxio

Un equipo liderado polo Centro de Investigación Biomédica da Rioxa (CIBIR) revela unha diversidade biolóxica inesperada nun dos ecosistemas máis áridos de Europa: o campo de Tabernas

Día Europeo para o Uso Prudente dos Antibióticos. O seu obxectivo é sensibilizar sobre a ameaza que a resistencia aos antibióticos supón para a saúde pública

Nace a criptóloga e psicóloga Ann Katharine Mitchell. Traballou descifrando mensaxes codificadas da máquina alemá Enigma en Bletchley Park durante a Segunda Guerra Mundial

Falece o mineraloxista Georgius Agricola. Escribiu obras tan importantes como De re metallica, onde recolle o coñecemento da minaría, a refinación e fundición de metais da época

Nace o químico Hieronymus Theodor Richter. En 1863 descubriu o indio (número atómico 49) xunto a Ferdinand Reich, mentres buscaban talio nunhas minas de cinc

Falece o bacteriólogo Jaime Ferrán. Desenvolveu unha vacina pioneira fronte ao cólera. O seu uso foi moi polémico e tiveron que pasar 20 anos para que Ferrán fose recoñecido mundialmente por iso

Nace a enfermeira Mary Jane Seacole. Durante a guerra de Crimea creou pola súa conta un centro onde axudaba os militares feridos no campo de batalla

Nace a matemática e estatística Alison Harcourt. Xunto a Ailsa Land definiu o algoritmo de ramificación e poda, con aplicacións en campos como a loxística de transporte ou a radioterapia

Nace o botánico e xenetista Nikolái Vavílov. Identificou os centros de orixe de numerosas plantas cultivadas. Estes son os lugares onde comezou a súa domesticación e selección

Nace o enxeñeiro Willis Haviland Carrier. Desenvolveu os primeiros sistemas de aire acondicionado modernos, tanto de uso doméstico como para a aplicación en grandes espazos

A sonda espacial soviética Mars 2 estrélase no intento de aterraxe no planeta Marte. Foi o primeiro artefacto humano en chegar á superficie deste planeta

A moza astrofísica Jocelyn Bell Burnell detecta os sinais que permiten identificar o primeiro púlsar. Investigounos xunto ao seu mentor Antony Hewish, quen recibiu o Nobel. Ela non foi premiada

Nace o físico e matemático Christian Doppler. Describiu o efecto Doppler, que ten múltiples aplicacións en astronomía, comunicacións ou medicina

Os xacementos arqueolóxicos de Atapuerca son declarados como Patrimonio da Humanidade pola UNESCO. Constitúen unha fonte extraordinaria de coñecemento científico sobre a nosa especie