Nace a pioneira da aviación Amy Johnson. Estableceu varios récords de voos de longa distancia, pois foi, por exemplo, a primeira muller en voar soa desde Gran Bretaña a Australia

Falece o humanista Elio Antonio de Nebrija. É un dos lingüistas máis sobranceiros da lingua castelá. En 1492 publicou a primeira gramática desta lingua

Investigadores xaponeses desenvolven un fígado a partir de células nai e transplántano con éxito en ratos

O módulo de aterraxe da nave Mars Pathfinder (NASA) aterra en Marte. O devandito módulo liberou posteriormente o astromóbil que realizou múltiples experimentos na superficie marciana

Nace a astrónoma Louise Freeland Jenkins. Foi coñecida polas súas investigacións sobre a paralaxe trigonométrica de estrelas próximas. Tamén estudou estrelas variables

Nace a bioquímica Mária Wollemann. Especializouse en neuroquímica e neurofarmacoloxía e investigou, entre outros, sobre os receptores opioides

Nace a bióloga Rose Epstein Frisch. Descubriu que un baixo nivel de graxa corporal é un factor que contribúe á infertilidade

Nace o químico farmacéutico John Stith Pemberton. Inventou unha bebida baseada en follas de coca e noz de cola para a súa venda en farmacias, malia que se faría máis famosa como refresco: a Coca-Cola

Nace a matemática Kathleen Booth. Entre as súas moitas achegas, codeseñou un dos primeiros ordenadores operativos e escribiu un dos primeiros libros sobre deseño de computadoras

Lanzan o primeiro prototipo do foguete Troposphère. O programa Troposphère, desenvolvido ao 100 % na República Democrática do Congo, ten como obxectivo poder lanzar satélites desde este país

Ten lugar o anuncio oficial da descuberta arqueolóxica do exército de guerreiros de terracota que custodia a tumba de Qin Shi Huang, preto da cidade de Xi’an (China)

Os químicos William Ramsay e Morris Travers descobren o xenon (número atómico 54) en residuos de aire licuado. Emitía un brillo azul ao facer saltar unha chispa nun tubo de baleiro

Nace a astrónoma Mary Lea Heger. Realizou importantes descubrimentos sobre o medio interestelar. Foi a descubridora, en 1922, das bandas difusas interestelares

A empresa de investigación, desenvolvemento e distribución de videoxogos Nintendo estrea Mario Bros. Este videoxogo de arcade foi creado por Shigeru Miyamoto e Gunpei Yokoi

Fúndase a Real Academia Nacional de Medicina de España. Entre os seus obxectivos atópase o asesoramento ás institucións en asuntos relacionados coa medicina, a saúde e a sanidade

Estados Unidos realiza a proba Trinity. Foi a primeira proba dunha arma nuclear da historia. Os habitantes da zona non foron previdos nin evacuados malia o risco potencial

Nace o xeólogo e paleontólogo Amanz Gressly. Considérase un dos fundadores da estratigrafía moderna e a paleoecoloxía

Nace o científico Nobuhiro Satō. Tentou integrar a ciencia occidental (especialmente a astronomía) co pensamento político e filosófico xaponés

Publícase a primeira reconstrución tridimensional dun cranio humano mediante tomografía por computador (TC)

Falece o matemático John Playfair. Publicou unha edición anotada dos Elementos de Euclides en 1795 en que utilizaba unha notación alxébrica para abreviar as demostracións

A estación aeroespacial de Fresnedillas (Madrid) convértese na primeira en recibir o sinal de aluaxe do Apolo 11. Desde alí reenviouse á NASA en Houston (Estados Unidos)

Día Mundial do Cerebro. Procura concienciar sobre os coidados deste órgano vital do corpo humano e a importancia da prevención de doenzas que causan a súa deterioración

Falece a astronauta Sally Ride. Xunto á súa moza, Tam O’Shaughnessy, fundou a empresa Sally Ride Science para promover a educación en ciencia e tecnoloxía, con especial atención ás nenas

Nace o xenetista Trefor Jenkins. É coñecido polo seu traballo sobre marcadores xenéticos, o que axudou a clarificar as orixes de diversos grupos nativos de África

A cosmonauta Svetlana Savítskaya convértese na primeira muller en realizar unha saída ao espazo aberto. O seu paseo espacial durou tres horas e trinta e cinco minutos

Nace a ilustradora científica Pauline Rifer de Courcelles. As súas pinturas de aves ilustran obras de ornitoloxía do zoólogo Anselme Gaëtan Desmarest e mais do naturalista Coenraad Jacob Temminck

Nace a micóloga Marguerite Augusta Marie Löwenhielm. Estudou a eficacia de novas variedades de vide para sobrevivir á praga da filoxera, que arrasaba as colleitas de uva no seu tempo

Nace o premio nobel Baruch S. Blumberg. Identificou o virus da hepatite B e desenvolveu a súa vacina. Na súa honra celébrase hoxe o Día Mundial contra a Hepatite

Nace o botánico George C. Clerk. Foi un pioneiro da patoloxía vexetal en Ghana e toda África occidental, investigando tamén a micoloxía e a ecoloxía desta rexión

Nace a botánica e ilustradora Matilda Smith. Foi especialmente admirada pola súa habilidade para crear ilustracións cribles a partir de espécimes secos, aplanados e ás veces imperfectos

Falece o agrónomo Melaku Worede. Construíu un dos mellores centros de conservación de sementes do mundo, protexendo a riqueza xenética etíope, que inclúe cultivos tolerantes á seca