Nace a bioquímica e nutricionista Gladys Anderson Emerson. Xunto a Herbert Evans e Oliver Emerson illou a vitamina E en forma pura

Nace o investigador en nutrición animal Donald Palmquist. Experto en metabolismo lipídico, desenvolveu novas estratexias para mellorar a alimentación das vacas leiteiras

Nace a física Hendrika Johanna van Leeuwen. É coñecida polas súas contribucións temperás á teoría do magnetismo

O gramático e humanista Antonio de Nebrija asina un contrato como lector da Universidade de Salamanca. Nel comprométese a dar dúas leccións diarias: de Elocuencia e de Poesía

Nace o arabista Miguel Asín Palacios. Estudou a filosofía islámica e as relacións que ligaron a cultura islámica e a cristiá

Lanzan a sonda nipoa Nozomi a Marte. Unha serie de fallos no sistema eléctrico fixeron imposible que alcanzase a órbita deste planeta

Nace a descifradora de códigos Jean Valentine. Durante a Segunda Guerra Mundial, traballou en Bletchley Park descifrando códigos matemáticos para interceptar as comunicacións alemás

Nace o pianista George Antheil. Xunto á enxeñeira e actriz Hedy Lamarr, patentou un sistema de comunicación sen fíos para longas distancias, considerado como o precursor da wifi

Nace o médico Carlos Chagas. Descubriu unha nova doenza infecciosa, a tripanosomíase americana, describindo o seu patóxeno, o seu vector, as súas manifestacións clínicas e a súa epidemioloxía

Nace a física e investigadora médica Edith Hinkley Quimby. Foi unha das primeiras persoas que determinou a distribución da cantidade de radiación nos tecidos dos pacientes

Segundo estimacións realizadas pola ONU, o planeta Terra alcanzou os cinco mil millóns de habitantes neste día. Actualmente xa supera os oito mil millóns

Nace a bioquímica Mildred Cohn. Foi pioneira no uso da resonancia magnética nuclear para o estudo das reaccións enzimáticas, en particular no adenosintrifosfato

Nace a química Niveen Khashab. É coñecida polo seu traballo innovador en materiais híbridos intelixentes e polo desenvolvemento de técnicas para monitorizar a actividade antioxidante intracelular

Nace a física Gertrude Scharff Goldhaber. Estudou as seccións eficaces das reaccións neutrón-protón e o neutrón-núcleo e a emisión de radiación gamma e a absorción polos núcleos

Nace o químico Albert Ghiorso. Codescubriu 12 elementos: americio, curio, berkelio, californio, einsteinio, fermio, mendelevio, nobelio, laurencio, rutherfordio, dubnio e seaborgio

Engala a histórica misión espacial Apollo 11. Catro días despois, Neil Armstrong e Buzz Aldrin poñen pé sobre a superficie da Lúa, mentres Michael Collins voa no módulo de mando

Os primeiros restos coñecidos do homínido Paranthropus boisei son descubertos pola antropóloga Mary Leakey. Este achado tivo lugar na garganta de Olduvai (República Unida de Tanzania)

Nace Mary Sears, comandante da primeira unidade de oceanografía da Mariña de EE. UU. durante a II Guerra Mundial. Como científica, sentou as bases da oceanografía moderna

Nace a matemática María Josefa Wonenburger Planells, investigadora na teoría de grupos e na teoría de álxebras de Lie. Foi a primeira muller española en conseguir unha bolsa Fulbright

Nace a astrónoma Julie Marie Vinter Hansen. Foi amplamente recoñecida polos seus cálculos precisos de órbitas de planetas menores e cometas

Inaugúrase o ferrocarril transiberiano. A súa liña principal ten 9288 km e une Moscova con Vladivostok, no mar do Xapón. Supuxo un gran reto para a enxeñaría da época

Día de Aproximación de Pi. A fracción 22/7 é igual a 3,1428…, de modo que este é o día do ano que máis se achega ao número π

Nace a médica Martina Castells i Ballespí. Foi unha das primeiras tres mulleres en se matricular (1877) e licenciar (1882) en Medicina en España

O macizo occidental dos Picos de Europa convértese no primeiro espazo natural protexido de España, baixo o nome de Parque Nacional da Montaña de Covadonga

Gretchen C. Daily recibe o Premio Ramón Margalef de Ecoloxía. Esta ecóloga e profesora é coñecida por integrar os valores da natureza na toma de decisións

Comezan as obras da Fábrica Duro e Compañía, na Felguera (Asturias). Chegou a ser o centro siderúrxico máis importante de España. Está na Listaxe Vermella do Patrimonio de Hispania Nostra

Nace a matemática Irene Fischer. Foi unha das científicas recoñecidas internacionalmente no eido da xeodesia durante a idade de ouro das misións espaciais Mercury e Apolo

Día Mundial da Hepatite. O seu obxectivo é concienciar sobre as hepatites víricas, que inflaman o fígado e causan doenzas hepáticas graves e cancro de fígado

Falece a premio nobel Dorothy Crowfoot Hodgkin. Determinou a estrutura tridimensional de moléculas como a penicilina ou a insulina. A estrutura 3D é chave para entender as súas funcións

Falece o médico Albert Neisser. Descubriu a bacteria Neisseria gonorrhoeae, causante da infección de transmisión sexual denominada gonorrea

Nace o agrónomo Thomas Lecky. As súas investigacións sobre a cría e mellora de gando vacún deron lugar a novas razas adaptadas ás condicións climáticas de Xamaica