Naz Montserrat Soliva Torrentó. Foi especialista en compostax y nel usu de residuos orgánicos pa caltener el mediu ambiente, protexer el suelu y aumentar la productividá agraria

Naz la informática, inventora y activista Lynn Conway. El so trabayu anovador nel diseñu de hardware tuvo un impautu revolucionariu en tola industria informática

Muerre la xenetista Elisabeth Schiemann. Los sos trabayos sobre les rellaciones evolutives de cereales importantes, como’l trigu y la cebada, tienen gran influyencia na bioloxía vexetal d’anguaño

Naz la inxeniera aeroespacial Diana Trujillo Pomerantz. Trabaya nel Llaboratoriu de Propulsión a Chorru, onde dirixe l’equipu responsable del brazu robóticu del rover Perseverance

Richard Stallman entama’l desenvolvimientu del sistema operativu GNU. Esti programador y activista considérase’l fundador formal del movimientu del software llibre

Naz la médica María Castellano Arroyo. Especializada en medicina llegal y forense y en medicina del trabayu, foi la primer catedrática nuna facultá de medicina n’España (en Zaragoza)

Naz l’inxenieru Bisi Ezerioha. Empezó la so carrera na industria farmacéutica, dedicándose dempués al mundu del motor. Construyó dalgunos de los motores más potentes d’Honda

El naturalista Odón de Buen describe dos tipos d’isópodos nuevos (crustaceos) y dos góbidos (pexes) en Les Islles Baleares

Naz l’historiador y dramaturgu Djibril Tamsir Niane. Trescribió y estudió la epopeya de Sundiata, un poema épicu mandinga. Foi ún de los editores de la Historia Xeneral d’África de la UNESCO

Naz la bioquímica Filomena Nitti. Estudió sustancies actives sobre’l sistema nerviosu, codescubrió’l papel de la histamina nes reaiciones alérxiques y desenvolvió’l primer antihistamínicu

Muerre la epidemióloga y viróloga Dorothy Millicent Horstmann. La investigación d’ella sobre l’espardimientu del poliovirus nel fluxu sanguineu foi clave pa desenvolver la vacuna contra la poliomielitis

Naz la botánica ya ilustradora científica Priscilla Susan Falkner Bury. Publicó una de les obres más estraordinaries sobre llirios del sieglu XIX

Naz l’astrónoma Waltraut Seitter. En Münster, organizó’l Proyeutu del treslláu hacia’l coloráu de Münster (MRSP) y el Münster Red Sky Survey, un catálogu de galaxes del hemisferiu sur

Día Mundial de la Lóxica. Destaca la importancia de la lóxica nel desenvolvimientu del conocimientu y rinde homenax a los lóxicos Kurt Gödel (muertu esti día nel 1978) y Alfred Tarski (nacíu esti día nel 1901)

Naz Aitor Villafranca Velasco, Premiu Nacional d’Investigación 2024. Investiga n’óptica integrada y ye ún de los fundadores de PRISMA, asociación que trabaya polos derechos LGTBQIA+ na ciencia

Naz la física Phyllis Bolds. El so trabayu al rodiu de les frecuencies de vibración d’helicópteros ayudó a demostrar que la curva de prueba de vibración utilizada nel 1970 yera errónea

Muerre’l científicu Albert Schatz. Foi codescubridor de la estreptomicina, un antibióticu aislláu a partir de la bacteria Streptomyces griseus

Lesley Lokko ye la primer arquiteuta afrodescendiente n’algamar la Medaya d’Oru del Institutu Real d’Arquiteutos Británicos. Reconózse-y la so contribución a la xusticia y la democratización de l’arquiteutura

El químicu teóricu y Premiu Nobel Roald Hoffmann visita’l MUDIC. Destaca tamién la so faceta como poeta, esplorando les fronteres ente la ciencia y la guapura de les lletres y les molécules

Investigadores de la Universidá de Cambridge publiquen l’artículu que confirma la existencia d’ADN con una héliz cuádruple en célules humanes

Naz la xeóloga Edelmira Inés Mórtola. Investigó nel campu de la mineraloxía y tuvo una amplia carrera como docente. Ente les sos publicaciones destaca’l llibru Nociones de Mineralogía

L’humanista, lexicógrafu y gramáticu Antonio de Nebrija toma posesión de la cátedra de Prima de Gramática na Universidá de Salamanca

Naz la física Elizabeth Riddle Graves. Foi precursora na física de neutrones y na deteición y midimientu de neutrones rápidos

Muerre la física Li Fanghua. Dedicóse principalmente a la física de difraición, la microscopía electrónica d’alta resolución y la investigación cristalográfica

Muerre’l bacteriólogu Kiyoshi Shiga. Descubrió la bacteria Shigella, l’axente que causa la shigelosis, un tipu de disentería que se tresmite per vía fecal-oral

Naz la química Rachel Lloyd. El so trabayu pa determinar la concentración de sacarosa de la remolacha azucarera ayudó al desenvolvimientu de la industria azucrera comercial en Norteamérica

Muerre la teunóloga de los alimentos Nunuk Nuraini. Nel 1982 creó’l saborizante secu de mi goreng pa la marca Indomie. Ye ún de los saborizantes pa fideos instantáneos más famosos del mundu

Naz la paleontóloga Andreína Celeste Marina Bocchino. Conózsela pol so trabayu en paleontoloxía de vertebraos

Apruébase l’Estatutu de l’Axencia Espacial Africana (AfSA). Con sede n’El Cairu (Exiptu), busca promover y coordinar el desenvolvimientu d’actividaes espaciales n’África

Naz el médicu virólogu Max Theiler. Nel 1951 recibió’l Premiu Nobel en Fisioloxía o Medicina pol so trabayu precursor nel desenvolvimientu d’una vacuna contra la fiebre mariella

Naz el físicu Rudolf Ludwig Mössbauer. Recibió’l Premiu Nobel de Física pola investigación al rodiu de l’absorción de la resonancia de la radiación gama y por descubrir l’efeutu que lleva’l so nome