Espublízase Species Plantarum de Carl Linnaeus. Esti trabayu considérase’l puntu de partida oficial de la taxonomía vexetal qu’inda s’usa anguaño, según el códigu internacional

Naz la física Gladys Isabel Harper. Estudió rayos X y desenvolvió una teoría p’analizar radiación compuesta y crear rayos monocromáticos, clave pa la espectroscopía moderna

Muerre’l naturalista y oceanógrafu Odón de Buen. Ente les sos numberoses aportaciones, la que más trescendió foi la creación del Institutu Español d’Oceanografía nel 1914

Naz la química Agnes Fay Morgan. El so trabayu rellacionó la merma de la densidá ósea col aumentu de la edá y correllacionó los niveles de colesterol nel sangre col consumu de grases na dieta

Muerre la inxeniera Sonny Jiménez de Tejada. Recuérdasela pola so contribución al accesu de les muyeres a la universidá en Colombia, país del que foi la primer llicenciada n’inxeniería civil y de mines

Naz Elizabeth Joan Stokes. Desenvolvió un métodu estandarizáu pa comprobar la sensibilidá a los antibióticos, conocíu como’l métodu de Stokes, que foi la prueba estándar hasta los años 1980

Naz el matemáticu Giuseppe Veronese. Descubrió la “superficie de Veronese”, una idea clave na xeometría qu’estudia formes n’espacios de más dimensiones

Muerre la entomóloga Yiau-Min Huang. Destaquen les sos investigaciones al rodiu de los mosquitos implicaos na tresmisión del dengue, el chikungunya, el Zika y la fiebre mariella

Naz el virólogu Albert Kapikian. Identificó’l virus de Norwalk (un tipu de norovirus) y desenvolvió la primer vacuna contra’l rotavirus. Los dos virus causen gastroenteritis

d.c. Astrónomos de la dinastía Han en La China documenten una mancha solar, ún de los primeros rexistros escritos d’esti fenómenu astronómicu

Naz Anna Marguerite McCann. Foi precursora nel campu de l’arqueoloxía subacuática dende la década de 1960. Entamó a bucear con Jacques Cousteau esplorando naufraxos romanos antiguos cerca de Marsella

Naz Ana María Cano González, caderalga de filoloxía románica, especialista en llingua asturiana y n’omomástica y lexicoloxía romániques. Presidió l’Academia de la Llingua Asturiana (ALLA) a lo llargo de 16 años

Llánzase la sonda MarumaSat I nel marcu del proyeutu educativu NOSA (Axencia Espacial Escolar Gallega). La sonda xubió hasta 25.000 metros y dempués pudo recuperase con éxitu

Naz la xeóloga y astronauta de la NASA Jessica Watkins. Nel 2022 convirtióse na primer muyer negra n’efeutuar una misión de llarga duración na Estación Espacial Internacional

Muerre l’historiador Amadou Hampâté Bâ. Fixo investigaciones etnolóxiques y recopiló tradiciones africanes; recuérdaselu pola so frase: “Cuando una persona vieya muerre, una biblioteca arde”

L’inxenieru eléctricu ya inventor Nikola Tesla presenta’l so sistema pa xenerar y tresmitir corriente alterna, base de la electrificación a gran escala

Naz la inventora Mary Kenner. Conózsela pol desenvolvimientu del cinturón sanitariu axustable con un bolsín impermeable pa compreses, diseñáu pa evitar que’l sangre menstrual manchara la ropa

Día Internacional de los Museos. Ye un bon día pa recordar que los museos científicos tienen un papel fundamental pa facer llegar la ciencia al conxuntu de la sociedá

Dase’l Premiu d’Investigación Téunica “Juan de la Cierva” a Piedad de la Cierva Viudes, pol so trabayu de fabricación de lladriyos refractarios con cascariella d’arroz

El cartógrafu Abraham Ortelius espubliza Theatrum Orbis Terrarum, el primer atles modernu que xuntó mapes coherentes del mundu, marcando l’entamu de la cartografía científica

Naz la paleobotánica Emily Dix, esperta en plantes fósiles del Carboníferu. Los sos estudios nel sur de Gales ayudaron a entender la formación del carbón y la historia vexetal de la Tierra

Celébrase’l Día Internacional de la Diversidá Biolóxica, que recuerda la importancia de protexer la variedá de la vida na Tierra y los ecosistemes que la sustenten

Muerre’l científicu Olumbe Bassir. Les sos principales investigaciones centráronse na nutrición y nes toxines alimentaries. Defendió la ciencia como ferramienta pa la paz y el desenvolvimientu

Naz la botánica Ynes Mexia. Recoyó más de 145.000 plantes n’América. El so trabayu permitió descubrir cientos d’especies nueves y ameyorar el conocimientu botánicu mundial

Naz el matemáticu y lóxicu Raymond Smullyan. Ye famosu poles sos cosadielles, filosofía y maxa, que combinaben entretenimientu y razonamientu n’obres qu’inspiraron xeneraciones

Naz el naturalista Felipe Poey Aloy. Estudió los pexes de Cuba a lo llargo de 50 años. La so obra Ictioloxía Cubana ye fundamental pa la zooloxía y publicóse entera nel 2000

Naz l’historiador, sociólogu, xeógrafu y filósofu Ibn Jaldún. Consideráu’l padre de la socioloxía, la so obra Al-Muqaddimah analizó’l funcionamientu de les sociedaes, la economía y la política

Naz la química Xu Xiaobai. Investigó materiales fluorescentes y compuestos químicos complexos, qu’ayudaron al avance de les lluminaries y al estudiu d’hidrocarburos aromáticos

Muerre la ecológa y limnóloga Kathleen E. Carpenter. Destacó pola so investigación de los efeutos de la contaminación minera nos organismos acuáticos. Nel 1928 publicó’l primer llibru británicu sobre limnoloxía

Naz Helen Patricia Sharman, química y cosmonauta. Nel 1991 convirtióse na primer persona británica en viaxar al espaciu y na primer muyer en visitar la estación espacial Mir

Naz la micóloga Ethel Mary Doidge. Gracies a los sos conocimientos sobre bacteries y fungos, llogró resolver problemes importantes pa l’agricultura