Muerre la química ya inventora Helen Murray Free. Xunto col home, Alfred, desarrolló les primeres tires reactives d’inmersión y llectura, pal usu d’estes en pruebes de diagnósticu

Abre oficialmente l’Institutu de Ciencia y Teunoloxía Espacial de Ghana (GSSTI) pa investigar sobre astrofísica, teledeteición, xestión de recursos naturales o predicción meteorolóxica

Naz el zoólogu Iliá (Élie) Méchnikov. Pioneru nos campos de la inmunoloxía y la xerontoloxía, sentó les bases del conceutu probióticu y la rellación ente salú, microbiota intestinal y dieta

Naz la entomóloga Maria Matilde Principi. Estudió los inseutos neuropteroideos, qu’inclúin les nomaes formigues lleón, que s’alimenten d’otros inseutos más pequeños

Inaugúrase en Bélxica’l primer ferrocarril d’Europa continental: la llinia Bruseles-Malines

Naz l’inxenieru Wifredo Ricart. Trabayó nel diseñu y fabricación tanto de motores d’aviación como de camiones y automóviles, como’l míticu deportivu Pegaso Z-102

Muerre’l físicu Allan MacLeod Cormack. Xunto a Godfrey Newbold Hounsfiel, recibió’l Premiu Nobel de Fisioloxía o Medicina en 1979 pol desarrollu de la tomografía axial computarizada (TAC)

Naz la médica Flora Murray. Xunto a la so pareya, Louisa Garrett Anderson, fundaron la so propia organización hospitalaria de muyeres p’atender a los soldaos firíos na Primer Guerra Mundial

El CSIC crea la Medaya Margarita Salas. Dende entós, esti gallardón reconoz cada añu la meyor trayeutoria en supervisión o direición de personal investigador

Naz el físicu Jean Augustin Fresnel. Tuvó un papel clave na aceutación de la teoría ondulatoria de la lluz ya inventó’l lente de Fresnel, mui útil en faros, semáforos o televisores

Muerre l’académica Hubertine Rose Éholie. Especializada en química, ye conocida polos sos esfuerzos p’amenorgar la fienda de xéneru nel mundu académicu

La NASA anuncia’l cultivu de plantes en regolitu. Les muestres d’esti tipu de suelu llunar truxéronles a la Tierra los astronautes de la misión Apolo

Naz la sismóloga Inge Lehmann. Descubrió la discontinuidá que separa’l nucleu esternu del nucleu internu, y que lleva’l so nome n’honor d’ella: discontinuidá de Lehmann

Naz el médicu Magnus Hirschfeld. Defendió que la orientación sexual ye innata y non una eleición, y que la comprensión científica de la sexualidá fomenta la tolerancia pa coles minoríes sexuales

Naz la xenetista y estadística Helen Alma Newton Turner. Foi una autoridá líder na cría d’oveyes y aplicó la xenética cuantitativa pa meyorar la calidá y la producción de llana merino

Naz el físicu Johannes Georg Bednorz. Xunto a Karl Alexander Müller, recibió’l Premiu Nobel de Física polos descubrimientos nel campu de la superconductividá de materiales cerámicos

Gallardonen al botánicu Sebsebe Demissew cola Medaya Cuatrecasas a la Escelencia en Botánica Tropical de la Institución Smithsoniana pol so trabayu na conservación de la bayurosa flora etíope

Muerre l’informáticu teóricu Christopher Strachey. Ente otros, desarrolló ún de los primeros programes de música pa computadora

Naz Mary Louisa Willard. Especializada en microquímica, introduxo l’análisis del pelo y el sangre pa identificar armes sospechoses d’asesinatu. Conocíenla como Lady Sherlock

Publícase’l descubrimientu de ferramientes de piedra de 3,3 millones d’años en Turkana (Kenia). Dende 1996, el Proyeutu Arqueolóxicu Turkana Occidental (WTAP) investiga los oríxenes de la humanidá

La investigadora Rayyanah Barnawi conviértese na primer muyer astronauta d’Arabia Saudita. Na Estación Espacial Internacional estudió’l comportamientu de célules madre en gravedá cero

Día Internacional del síndrome 22q11. L’oxetivu ye sensibilizar d’esta enfermedá rara y promover la investigación y avances nel diagnósticu y tratamientu de la mesma

Naz la malacóloga Myra Keen. La so investigación abarcó la sistemática de los moluscos, la paleontoloxía de los moluscos marinos, asina como la fauna de los moluscos marinos de la provincia Panámica

Espublízase Una mujer silenciada, d’Antonina Rodrigo. Narra la vida y exiliu de la científica María Teresa Toral, qu’estudió la determinación de los pesos atómicos de los elementos químicos

Naz la fitopatóloga Louise Jensen Stakman. Ente otros, investigó los fungos imperfeutos que son patóxenos de los cereales

Muerre l’entomólogu y activista ambiental Thomas R. Odhiambo. Investigó’l control d’inseutos vectores d’enfermedaes y fundó’l Centru Internacional de Fisioloxía y Ecoloxía d’Inseutos (ICIPE)

Naz la química Sibyl Taite Widdows. Investigó sobre la composición y secreción del lleche humano

Naz el llingüista Joseph Greenberg. Trabayó clasificando les llingües y buscando universales llingüísticos. Propunxo una clasificación de les llingües d’África en cuatro unidaes filoxenétiques

Muerre’l matemáticu y astrónomu Ibn al-Samh. Inventó l’ecuatoriu, un instrumentu astronómicu emplegáu pa determinar les posiciones del Sol, la Lluna y los planetes nel horizonte

Muerre’l llingüista Louis Hjelmslev. Xunto a Hans Jørgen Uldall, desarrolló la glosemática, dedicada al estudiu de los glosarios con un enfoque científicu similar al del cálculu matemáticu

Muerre l’inventor y empresariu Angelo Moriondo. Ye conocíu por patentar la que se considera como la primer máquina moderna de café espresso