Naz la viróloga Laura Ayres. Coordinó la primer Encuesta Serolóxica Nacional de Portugal pa determinar la prevalencia d’enfermedaes nel país

Inxenieros del institutu KAIST (Corea del Sur) desendolquen un robó inspiráu nel velocirraptor, capaz de correr a 46 km/h. Amuesen cómo la biomecánica animal pue impulsar la robótica moderna

Naz la inxeniera química María Escudero Escribano. Investiga procesos nuevos y materiales pa la conversión d’enerxía renovable y la producción de combustibles verdes y productos caltenibles

Los hermanos Montgolfier realicen n’Annonay (Francia) la primer demostración pública del so globu aerostáticu d’aire caliente, marcando l’entamu de la era de l’aviación

La comunidá científica da a conocer los cinco primeros casos de SIDA en Los EE.XX. Investigaciones posteriores descubrieron munchos casos anteriores

Naz l’historiador Jaume Vicens Vives. La so investigación centróse na Cataluña de la Baxa Edá Media, siendo consideráu una autoridá na historia económica y social

Los arqueólogos Abdelouahed Ben-Ncer y Jean-Jacques Hublin presenten el descubrimientu de los restos fósiles más antiguos d’Homo sapiens en Jebel Irhoud (Marruecos)

Naz Zoraida Luces, precursora de la botánica en Venezuela. Especialista nel estudiu de les gramínees, trabayó nel Institutu Botánicu de Venezuela, institución que tamién llegó a presidir

Naz William Joscelyn Arkell, espertu en fósiles del Xurásicu. El so llibru del 1956 xuntó y analizó estudios sobre esa era, una obra clave qu’organizó y unificó’l conocimientu del Xurásicu

Naz la bioquímica Norah Olembo. Esta precursora na bioteunoloxía africana fundó’l Biotechnology Trust Africa pa impulsar l’usu de productos bioteunolóxicos agrícoles anovadores

Naz la precursora en química y farmacia Josefa González Aguado. Trabayó na determinación de les rayes analítiques cuantitatives de dellos metales. La so carrera quedó truncada pola guerra civil española

Naz la física nuclear Eva Crane. Recibió una colmena como regalu de boda y acabó dedicando 60 años de carrera investigadora al estudiu de les abeyes

L’inxenieru Arthur Zang gana’l Premiu África a l’Anovación n’Inxeniería pol so Cardio-Pad, una tableta médica que realiza y tresmite electrocardiogrames nel 20 minutos

Muerre la nutricionista Elsie Widdowson. Investigó al rodiu de la desnutrición y, na Segunda Guerra Mundial, supervisó l’amiestu de vitamines a los alimentos y el racionamientu n’El Reinu Xuníu

Naz la informática Hu Qiheng. Impulsó la intelixencia artificial y el reconocimientu de patrones, y llogró que China se coneutara a internet per primer vegada nel 1994

Naz la investigadora en medicina nuclear y bioquímica Katherine Austin Lathrop. Miembru del Proyeutu Manhattan, foi precursora nel estudiu de los efeutos de la radiación nos seres vivos

Muerre l’últimu páxaru de la especie Ammospiza maritima nigrescens, tamién llamáu gurrión costeru escuru, marcando la so estinción definitiva

Amelia Earhart conviértese na primer muyer en travesar l’Atlánticu n’avión. Anque nun pilotó nesi viaxe, la so fazaña convirtióla nun símbolu de l’aviación y la igualdá de xéneru

Naz la viróloga Susana López Charretón. Conózsela poles sos investigaciones al rodiu del rotavirus y pol so llabor divulgativu en temes de viroloxía

China presenta’l Sunway TaihuLight, la supercomputadora más rápida del mundu nel so momentu, con un rindimientu superior a 125 petaflops

La Xunión Astronómica Internacional da los nomes de Nix y Hidra a los satélites del sistema binariu formáu por Plutón y Caronte

Muerre’l médicu, filósofu y astrónomu Ibn Sina (Avicena), conocíu como’l príncipe de los médicos. Describió munches enfermedaes y propunxo tratamientos basaos en diagnósticos precisos

Muerre’l cardiólogu Germán Somolinos. Tres de la guerra civil española exilióse a Méxicu, onde destacó como historiador con investigaciones valioses sobre la práutica médica del sieglu XVI

Naz Rosemary Lowe-McConnell, reconocida polos sos estudios sobre pexes tropicales gracies a espediciones n’África y Suramérica. Nel 1997 recibió la Medaya Linneana pola so carrera científica

Marie Skłodowska-Curie defende la so tesis doctoral (titulada Investigaciones al rodiu de les sustancies radioactives) na Facultá de Ciencies de París, algamando la mención cum laude

Abre al públicu la Torre CN de Toronto (Canadá). Convirtióse na estructura autoportante más alta del mundu, con 553 metros

Descríbese una especie nueva de musaraña elefante: Macroscelides micus. Con un pesu d’unos 28 gramos, considérase la más pequeña d’elles

Naz el químicu Emile Erlenmeyer. Sintetizó la guanidina y la tirosina y esplicó la estructura de compuestos como la lactona, pero ye mundialmente conocíu pol matraz que lleva’l so nome

Muerre la ornitóloga y educadora Audrey Msimanga. Investigó cómo enseñar ciencia en contestos llocales, diversos y multillingües, y lideró escueles en Suráfrica

La ONU declara’l Día Internacional de los Asteroides. Brian May, guitarrista de Queen y astrofísicu, impulsó esta fecha p’alertar al rodiu del riesgu d’impautos espaciales