Naz la especialista en nanomedicina Ghada Al-Mutairi. Inventó una nanocápsula que pue detectar inflamaciones dientro del cuerpu humanu y lliberar medicamentos pa tratales

Préndese’l fornu altu núm. 1 de la fábrica de fierro de Duro y Compañía en La Felguera (Asturies). Esti centru siderúrxicu antigüu incluyóse na Llista Colorada d’Hispania Nostra en 2022

Naz la fisióloga Bodil Schmidt-Nielsen. Xunto a Knut Schmidt-Nielsen, tuvo una llarga trayeutoria investigadora trabayando sobre l’equilibriu d’agua y solutos en diferentes especies animales

Estrénase la ópera El príncipe Ígor. Compúnxola’l químicu Aleksandr Borodín, descubridor de la reaición aldólica y fundador de la Escuela de Medicina pa muyeres de San Petersburgo

Creación oficial de l’Axencia Africana de Medicamentos (AMA). Busca garantizar la calidá de los medicamentos n’África y fomentar el desarrollu de productos médicos nel continente

La investigadora y escritora Paloma Díaz-Mas, especialista n’estudios sefardinos, llee’l so discursu d’ingresu na Real Academia Española tituláu Ciencia en judeoespañol

Comienza a funcionar la primer fotolinera d’España, nel Real Xardín Botánicu Xuan Carlos I. Trátase d’una estación de recarga pa vehículos llétricos alimentada por paneles solares

Wilhelm Röntgen descubre los rayos X durante un esperimentu con lletricidá. Nun los patentó pa que la sociedá pudiera aprovechalos de baldre. Tampoco nun quixo que llevaren el so nome

Naz el microbiólogu Dimitri Ivanovski. Ta considerada la primer persona en descubrir los virus, en 1892

Celébrase’l primer Día Mundial de la Ciencia pa la Paz y el Desarrollu. Coordináu pola UNESCO, busca sensibilizar sobre’l papel de la ciencia pa tener sociedaes pacífiques y caltenibles

Muerre la neuróloga y siquiatra Frances Rix Ames. Investigó los efeutos del cannabis sobre’l cerebru y llideró la investigación ética médica sobre la muerte del activista anti-apartheid Steve Biko

Naz la xeóloga Irene Crespin. La so investigación centróse nel estudiu de microfósiles d’Australia, con trabayos notables sobre los foraminíferos, un grupu de protistes ameboides

Naz l’académicu Árni Magnússon. Reunió la coleición Arnamagneana de manuscritos medievales islandeses, inscrita nel rexistru Memoria del Mundu de la UNESCO

Naz la científica de la computación Shafrira Goldwasser. En 2012 recibió’l Premiu Turing (compartíu con Silvio Micali) por revolucionar la ciencia de la criptografía

Día Mundial del Sangre del Cordón Umbilical. Esti sangre ye rico en célules madre que s’usen na investigación y el tratamientu de numberosas enfermedaes

Naz el poeta, escritor, historiador y filósofu Ibn al-Jatib. El tratáu qu’escribió sobre la epidemia de peste qu’azotó la península Ibérica en 1348 describe per primer vez la noción de contaxu

Un equipu llideráu pol Centru d’Investigación Biomédica de La Rioja (CIBIR) revela una diversidá biolóxica inesperada nún de los ecosistemes más secos d’Europa: el campo de Tabernas

Día Europeu pal Usu Prudente de los Antibióticos. El so oxetivu ye sensibilizar sobre l’amenaza que supón pa la salú pública la resistencia a los antibióticos

Naz la criptóloga y sicóloga Ann Katharine Mitchell. Trabayó descifrando mensaxes codificaos de la máquina alemana Enigma en Bletchley Park na Segunda Guerra Mundial

Muerre’l mineraloxista Georgius Agricola. Escribió obres tan importantes como De re metallica, onde recueye’l conocimientu de la minería, el refináu y la fundición de metales de la época

Naz el químicu Hieronymus Theodor Richter. En 1863, descubrió l’indiu (númberu atómicu 49) xunto a Ferdinand Reich, de la que buscaben taliu nunes mines de cinc

Muerre’l bacteriólogu Jaime Ferrán. Desarrolló una vacuna pionera pal cólera. El so usu foi mui polémicu y tuvieron que pasar 20 años pa que reconocieren a Ferrán a nivel mundial por ello

Naz la enfermera Mary Jane Seacole. Na guerra de Crimea creó pela so cuenta un centru onde ayudaba a los militares firíos nel campu de batalla

Naz la matemática y estadística Alison Harcourt. Xunto a Ailsa Land definió l’algoritmu de ramificación y poda, con aplicaciones en campos como la loxística de tresporte o la radioterapia

Naz el botánicu y xenetista Nikolái Vavílov. Identificó los centros d’orixe de numberoses plantes cultivaes. Estos son los sitios onde comenzó la domesticación y la seleición d’estes

Naz l’inxenieru Willis Haviland Carrier. Desarrolló los primeros sistemes d’aire acondicionáu modernos, mesmo d’usu domésticu que d’aplicación en grandes espacios

La sonda espacial soviética Mars 2 choca nel intentu d’aterrizax nel planeta Marte. Foi’l primer artefautu humanu en llegar a la superficie d’esti planeta

L’astrofísica moza Jocelyn Bell Burnell detecta les señales que permiten identificar el primer púlsar. Investigóles xunto al so mentor Antony Hewish, que recibió’l Nobel. A ella nun la premiaron

Naz el físicu y matemáticu Christian Doppler. Describió l’efeutu Doppler, que tien múltiples aplicaciones n’astronomía, comunicaciones o medicina

Los xacimientos arqueolóxicos d’Atapuerca declárense como Patrimoniu de la Humanidá pola UNESCO. Constitúin una fonte de conocimientu científicu estraordinaria sobre la nuesa especie