Naz la entomóloga Clare R. Baltazar. Descubrió 108 especies y ocho xéneros nuevos d’aviespes parásites. El so trabayu ayudó enforma al control de plagues en Filipines

Naz la física Katharina Boll-Dornberger. Introduxo’l conceutu matemáticu de grupoide pa describir cristales desordenaos. Estudió estructures orgániques ya inorgániques y ameyoró los métodos de difraición

Naz la neuróloga Łucja Frey. Descubrió nel 1923 el síndrome que dempués se conoció como síndrome de Frey: al comer, dalgunes persones sienten sudu y calor nun carriellu por dañu nerviosu

Naz la inxeniera química Mary Sherman Morgan. Inventó’l combustible llíquido hydyne, que propulsó’l cohete Jupiter-C y ayudó a llanzar el primer satélite de Los Estaos Xuníos, l’Explorer 1

Muerre la inxeniera Olive Dennis. Realizó anovamientos qu’ameyoraron la comodidá de los viaxes en tren, como asientos reclinables, tapiceríes antimanches y lluces que podríen baxase pela nueche

La BBC noma a Quarraisha Abdool Karim, epidemióloga y cofundadora de CAPRISA (Centru pa la Investigación del SIDA n’África del Sur), como una de les siete muyeres precursores na ciencia

Namás con 19 años, Odón de Buen espón el so trabayu Apuntes xeográfico-botánicos sobre la zona central de la Península Ibérica, nel qu’inclúi plantegamientos precursores de la ecoloxía n’España

Muerre’l médicu Carlos Chagas. Descubrió la enfermedá de Chagas, identificando’l parásitu Trypanosoma cruzi, el so vector y los síntomes clínicos, revolucionando la medicina tropical

Naz el microbiólogu Hideyo Noguchi. Foi’l primeru n’algamar cultivos puros de Treponema pallidum, la bacteria causante de la sífilis, nun mediu de cultivu puru, avanzando nel so diagnósticu

La investigadora y viróloga Mireille Dosso recibe la Medaya UNESCO/Institut Pasteur pol so destacáu llabor en microbioloxía y salú pública n’África Occidental

Naz la química Martha Annie Whiteley. A lo llargo de la Primer Guerra Mundial participó nel desenvolvimientu del gas mostaza y na síntesis d’anestésicos como la procaína y la fenacetina

Alberto Santos Dumont gana’l Premiu del Aeroclub de Francia al establecer el primer récor de distancia en vuelu: 220 metros

El paleoantropólogu Phillip Tobias recibe’l Premiu Balzan d’Antropoloxía Física pol so trabayu nos sitios de fósiles d’homínidos de Suráfrica, fundamentales pa entender la evolución humana

Descúbrese Sedna, un cuerpu menor del Sistema Solar (númberu 90377) asitiáu más p’allá de Neptunu. Detectóse dende l’observatoriu de Monte Palomar (California)

Espublízase na revista PNAS el descubrimientu de los fitocromos, pigmentos que dexen a les plantes detectar la lluz collorada y collorada llonxana, regulando’l so crecimientu y desenvolvimientu

Naz la farmacóloga Eva King Killam. Investigó cómo los fármacos afeuten al cerebru y al comportamientu. Estudió la epilepsia, la dependencia d’opiáceos y estructures cerebrales como l’hipocampu

Douglas Engelbart patenta l’indicador de posición X-Y pa pantalles o mur d’ordenador. Inventólu pa poder escoyer testos na pantalla y manipulalos

Naz la neurocientífica Edith Graef McGeer. Conózsela polos sos trabayos y contribuciones na prevención y tratamientu del Alzheimer y otres enfermedaes neurodexeneratives

Naz el llingüista, epigrafista y etnólogu Yuri Valentínovich Knórozov. Especializáu na llingua maya, les sos hipótesis contribuyeron enforma al descifráu del sistema d’escritura maya

Naz Berta de Haas-Lorentz. Foi la primer persona n’estudiar teóricamente les fluctuaciones térmiques en circuitos eléctricos, considerando los electrones como partícules brownianes

Naz l’astrónoma Elena Kazimirtchak-Polonskaïa. Conózsela polos sos estudios sobre perturbaciones de meteoros y por demostrar la influencia gravitacional de planetes xigantes como Xúpiter y Saturnu

Naz el físicu Louis Néel. Descubrió l’antiferromagnetismu y la temperatura de Néel, conceutos clave nel estudiu del magnetismu y les sos aplicaciones teunolóxiques, como la memoria magnética

Naz la matemática Elizabeth Scott. Combinó estadística con astronomía y meteoroloxía. Descubrió l’efeutu Scott y promovió la igualdá de xéneru na ciencia

Naz el físicu Tsung-Dao Lee. Xunto a Chen-Ning Yang, descubrió que les interaiciones febles violen la simetría de paridá, un descubrimientu decisivu na física de partícules

Albert Einstein presenta les ecuaciones de la teoría xeneral de la relatividá ante l’Academia Prusiana de les Ciencies (Alemaña)

Inaugúrase la primer planta maremotriz del mundu nel estuariu de Rance (Bretaña, Francia), que xenera electricidá cola xubida y baxada de les marees

Realízase’l primer tresplante parcial de cara de la historia. La paciente foi Isabelle Dinoire, una muyer francesa que sufriera graves lesiones faciales porque l’atacara’l perru

Naz la microbióloga Ángela Restrepo Moreno. A lo llargo de la so carrera especializóse n’enfermedaes causaes por fungos, el so diagnósticu y tratamientu

Aplícase per primer vegada la maniobra de Blalock-Taussig a un nácaru de 11 meses pa tratar el síndrome del “nácaru azul”, marcando un fitu na cardioloxía pediátrica

Naz Jane Wright, reconocida pola so contribución al desenvolvimientu de la quimioterapia contra’l cáncer. Usó cultivos de texíos humanos pa probar fármacos y diseñó catéteres p’alministrar medicamentos