Muerre la investigadora Fanny Hesse. Incorporó l’agar como solidificante nos medios de cultivu pal crecimientu de microorganismos nel llaboratoriu

Nel Muséu Nacional de Ciencies Naturales, inaugúrase la exhibición de «Dippi», una réplica de la cadarma d’un diplodocus de 27 metros qu’ayudó a popularizar la paleontoloxía n’España

L’investgador y químicu Georges Claude presentó la llámpara de neón nel Salón del Automóvil de París: exhibió dos tubos de neón encarnao, de 12 metros de llargor caún

Naz la xeóloga Ethel Currie. Investigó nel campu de la paleontoloxía, estudiando fósiles d’oricios de mar y goniatítidos (un orde estintu qu’evolucionó a partir de los nautiloides)

Muerre’l botánicu y médicu Caspar Bauhin. Introduxo la nomenclatura binominal na clasificación de los organismos. La válvula ileocecal ye conocida como válvula de Bauhin n’honor a él

Naz la ornitóloga y etóloga Margaret Morse Nice. Ye conocida pola investigación sobre los gurriones. Foi l’autora de la obra Studies in the Life History of the Song Sparrow

Naz la matemática Mary Ellen Rudin. Ye conocida poles construcciones y contraexemplos a conxetures famoses; la más conocida de toes ye la del espaciu Dowker

Naz la matemática Julia Robinson. Estudió ecuaciones diofántiques y la teoría de la decibilidá: contribuyó a la demostración del teorema de Matiyasevich sobre la irresolubilidá del décimu problema de Hilbert

Naz la informática Grace Murray Hopper. Foi pionera nel mundu de les ciencies de la computación, siendo la primer programadora n’usar l’ordenador Mark I

Naz la oceanógrafa Carmen Aldecoa. En 1918, foi la primer científica que contrató l’Institutu Español d’Oceanografía. Tres dexar el puestu por una enfermedá, dedicó la vida a la docencia

Naz la física nuclear Toshiko Yuasa. En 1954 publicó un artículu avisando sobre los peligros de les pruebes de la bomba d’hidróxenu n’El Atolón de Bikini

Naz el científicu Oleg Gazenko. Participó nel programa soviéticu d’animales nel espaciu, onde seleccionó y entrenó a la perra Laika, el primer animal n’orbitar la Tierra

Naz el físicu ya inventor Kristian Birkeland. Investigó l’aurora boreal ya inventó un sistema industrial pa fixar el nitróxenu del aire y usalo pa la producción d’abonos

Complétase la secuencia del xenoma de la primer planta, Arabidopsis thaliana. Esta especie garróse como modelu pa la investigación

L’astrónomu Simon Marius fai la primer observación de la galaxa d’Andrómeda, describiéndola como dalgo asemeyao a «la llama d’una vela vista al traviés d’un cuernu»

Naz l’inxenieru, inventor y poeta Piet Hein. Diseñó xuegos nuevos, como’l Cubu Soma (un puzzle mecánicu) o Hex (un xuegu astrautu con bases matemátiques fondes)

Naz la informática Mary Kenneth Keller. Foi codesarrolladora del llinguaxe de programación BASIC y cofundadora de l’Asociación pal Usu d’Ordenadores n’Educación (ASCUE)

Naz l’inxenieru Leonardo Torres Quevedo. Inventó l’Ajedrecista, el primer computador mecánicu que yera quien a xugar al axedrez, y el Telekino, pa controlar inxenios al traviés d’ondes de radio

Naz la física Claudine Hermann. Ye especialista en física del estáu sólidu, trabayó a nivel institucional pa meyorar la situación de les muyeres en ciencia en xeneral y en física en particular

Según el calendariu xulianu, naz el profesor de bioquímica y escritor Isaac Asimov. Publicó obres bien conocíes de divulgación científica y ciencia-ficción, como The Foundation series o I, Robot

Marie y Pierre Curie descubren el radiu. Tres retirar l’uraniu d’una muestra d’uraninita, diéronse cuenta qu’esta entá yera radioactiva pola presencia de radiu, un elementu químicu nuevu

L’Asamblea Xeneral de les Naciones Xuníes aprueba crear un Día Internacional añal pa reconocer el papel críticu de les muyeres y les neñes na ciencia y la teunoloxía: el 11 de febreru

Naz la química Helen Abbott Michael. Ye conocida por ser la fundadora de la fitoquímica, al investigar la rellación ente la composición química de les plantes y el crecimientu d’estes

L’inxenieru canadiense Reginals Fessenden fai la primer tresmisión de radio qu’incorporaba música. El mesmu Reginald tocó’l villancicu O Holy Night col vigulín

Naz la química y estadística Frances Wood. Empezó trabayando na polimerización y fermentación de la uva, cambiando, más tarde, los intereses que tenía pa la estadísitca médica

Asocede’l terremotu de Sumatra-Andamán, ún de los rexistraos con más importancia (9,3 Mw o magnitú de momentu) Depués vieno un tsunami que dexó más de 280.000 muertos

Naz la programadora Betty Jean Jennings Bartik. Foi una de les programadores orixinales de la computadora ENIAC

Naz la bióloga Berthe Kolochine-Erber. Foi una reconocida especialista en leptospirosis, una enfermedá zoonótica producía pola bacteria Leptospira interrogans

Naz l’astrónoma Vera Fedorovna Gaze. Estudió nebuloses d’emisión y planetes menores

L’astrónomu Edwin Hubble anuncia la esistencia d’otres galaxes diferentes a La Vía Láctea. Nes observaciones que fixo usó’l telescopiu Hooker (de 2,54 m), el más potente del mundo nesi momentu

Naz el profesor de matemátiques Jaime Escalante. Consiguió qu’estudiantes d’orixe humilde destacaren polos conocimientos que teníen nesta materia. La película Stand and Deliver contó esta historia