Meten presa per segunda vegada a la química María Teresa Toral. La Premiu Nobel Irène Joliot-Curie media na causa y la presión internacional llogra que la so condena se reduza a dos años de prisión

Descúbrese en Zhoukoudian (China) el craniu cuasi completu del denomináu "Home de Pekín" (Homo erectus pekinensis). Datáu en 780.000 años, ye una pieza fundamental nel rompecabeces de la evolución humana

Realízase en Puigcerdà (Girona) la primer vacunación masiva n’España contra la viruela, sacada alantre pol médicu Francesc Piguillem cola vacuna que descubrió Edward Jenner nel 1798

Muerre’l matemáticu, astrónomu y poeta Omar Jayam. Corrixó’l calendariu zoroástricu (persa), qu’inda s’usa anguaño n’Irán y L’Afganistán

Célebrase, como cada añu dende’l 2013, el Día Mundial del Suelu, pa concienciar sobre la importancia d’un suelu vidable y promover la so xestión caltenible

Naz Niccolò Zucchi, flaire xesuita, astrónomu y físicu. Entre los sos inventos, un telescopiu refleutor col qu’observó per primer vegada les bandes de Xúpiter

La sonda atmosférica de la misión Galileo entra na atmósfera de Xúpiter tres seis años de viaxe, realizando les primeres midíes direutes d’esti planeta xigante gaseosu

Científicos del GSI (Centru d’Investigación Alemán), dirixíos por Sigurd Hofmann, llogren crear per primer vegada l’elementu químicu roentxeniu al fusionar bismutu y níquel

Naz la destacada profesora Angie Turner King, una de les primeres muyeres afroamericanes con títulos en química y matemátiques y un doctoráu. Inspiró a estudiantes como Katherine Johnson

Marie Skłodowska-Curie recibe’l so segundu Premiu Nobel, esta vegada en Química, pol descubrir los elementos poloniu y el radiu. Ye, d’esta manera, la na primer persona en ganar dos Nobel en distintes ciencies

La misión Apolo 17 alluniza nel valle de Taurus-Littrow. Foi la última vegada na que los seres humanos caminaron pela Lluna, marcando’l fin de les misiones Apolo

Espublízase’l Diccionariu de la Historia Natural d’Odón de Buen, qu’introduz la xeografía biolóxica, una nueva rama de la bioloxía considerada antecedente de la ecoloxía moderna

Naz Elizabeth Alexander, considerada la primer muyer radioastrónoma. A lo llargo de la Segunda Guerra Mundial interpretó señales anómales de radar como emisiones solares, un descubrimientu clave nel campu

Naz Helen Blair Barlett. Doctora en mineraloxía, desenvolvió un aisllante cerámicu pa buxíes, meyorando’l so rindimientu. Foi la primer muyer n’algamar el rangu de científica en General Motors

Naz el químicu Avelino Corma Canós. Reconocíu pola so investigación sobre catalizadores aplicaos al refináu d’hidrocarburos y derivaos de biomasa, meyorando la so eficiencia y caltenibilidá

Naz la inmunóloga Eleanor Albert Bliss. La so investigación contribuyó al usu xeneralizáu d’antibióticos en medicina y foi precursora nel usu de sulfonamides pa tratar infeiciones bacterianes

El microbiólogu congoleñu Jean-Jacques Muyembe-Tamfum ye reconocíu pola revista Nature por liderar la investigación que descubrió’l tratamientu más eficaz contra l’Ébola, el mAb114

Naz la médica Gladys Rowena Henry Dick, que xunto al so home identificó la bacteria que causa la escarlatina, causa de muerte infantil y desenvolvió una vacuna y antitoxina pa tratalo

Entama’l The Great Smog de Londres, una borrina denso y tóxico causao pola contaminación que provocó miles de muertes y tresformó la llexislación ambiental británica

Naz Rose Eudora Collom, botánica autodidacta que, a los 44 años, entamó a estudiar la flora d’Arizona. Foi la primer botánica asalariada del Gran Cañón y descubrió diverses especies

L’Axencia Europea del Medicamentu aprueba la vacuna de Pfizer frente a la COVID-19, una ferramienta clave na llucha contra la pandemia

Naz la farmacóloga María José Alonso Fernández. Foi precursora na aplicación de la nanoteunoloxía en fármacos pa llograr el máximu beneficiu na so alminsitración y efeutos

Naz l’inxenieru aeronáuticu Pablo Álvarez Fernández. N’abril del 2024 graduóse como astronauta de l’Axencia Espacial Europea (ESA), convirtiéndose nel segundu español en facelo

Naz la xeóloga Carlota Escutia Dotti. Destaca polos sos trabayos sobre la evolución xeolóxica de L’Antártida y el papel del casquete polar nos cambeos climáticos globales

La erupción del volcán Cumbre Vieja na islla canaria de La Palma, n’España, declárase oficialmente terminada. Marcó un episodiu dramáticu pa la islla

Paténtase la radio FM, inventada por Edwin Armstrong. Esta teunoloxía permitió tresmisiones d’escucha más llimpies, con menos interferencies y meyor calidá que la radio AM

Naz la criptonalista Margaret Betts. Trabayó en Bletchley Park ente’l 1943 y el 1945, operando máquines pa descifrar códigos nazis na Segunda Guerra Mundial

Naz Carl Remigius Fresenius, ún de los químicos más importantes de la historia. Padre de la química analítica, sistematizó métodos y espardiólos per tol mundu

Naz l’historiador, antropólogu, físicu y políticu Cheikh Anta Diop. Estudió los oríxenes de la humanidá y la cultura africana precolonial. La universidá de Dakar lleva’l so nome

Muerre’l químicu y físicu Robert Boyle. Gracies a la so fortuna pudo dedicar muncho tiempu a la investigación, describiendo por exemplu la rellación ente presión y volume de los gases (llei de Boyle)

Naz la neurociruxana Serafima Bryusova. Ente otros, estudió’l dolor nel cerebru, los tumores y la presión intracranial y contribuyó al avance de la ciruxía cerebral