Llanzamientu de la Sociedá Africana de Ciencies de Llaboratoriu Clínicu (ASLM). El so oxetivu ye ameyorar l’accesu a servicios de diagnósticu y medicina de llaboratoriu de calidá n’África

Muerre’l médicu y astrónomu Heinrich Olbers. Plantegó la paradoxa d’Olbers: nun universu infinitu y estáticu, el cielu nocherniegu tendría de ser brillante dafechu, ensin zones que nun tuvieren lluz

Naz la bióloga Anita Hoffmann Mendizábal. Foi precursora nel estudiu de los arácnidos y los ácaros en Méxicu, y xuntó una coleición acarolóxica con más de 100.000 exemplares d’ácaros

La científica Duni Sawadogo recibe’l Premiu Harambee. Especializada n’hematoloxía, conózsela pola llucha contra’l tráficu de medicines falses, que perxudiquen principalmente a muyeres y menores

Naz el matemáticu Laurent Schwartz. Foi ún de los grandes matemáticos franceses del sieglu XX y el primeru n’algamar la Medaya Fields (polos sos trabayos sobre teoría de distribuciones)

Naz el matemáticu Kunihiko Kodaira, ganador de la Medaya Fields. Conózselu poles contribuciones a la xeometría alxebraica y a la teoría de la variedá complexa

Naz el matemáticu y astrónomu John Herschel. Tamién fixo avances nel campu de la fotografía, como la invención de la cianotipia, un procedimientu fotográficu monocromu en color azul de Prusia

Naz la botánica Luz María Villarreal de Puga. Descubrió los maíces perennes Zea perennis, en Ciudá Guzmán, y Zea diploperennis, na Sierra de Manantlán

Naz la bacterióloga Nancy Atkinson. Especializóse nel estudiu de la bacteria Salmonella. Trabayó tamién nel desenvolvimientu d’antibióticos y vacunes, y nel aislamientu del virus de la poliomielitis

Naz la xeógrafa, arqueóloga ya historiadora Josefina Oliva Teixell. Escribió dellos llibros d’historia y xeografía, y tamién traduxo al castellanu obres de l’antropóloga Laurette Sejourné

Naz el médicu Harald zur Hausen. Recibió un Premiu Nobel por descubrir que’l virus del papiloma humanu yera la causa principal del cáncer de cuellu d’úteru

Naz la bióloga Aida González de Infante. Especializóse en limnoloxía y realizó importantes estudios sobre’l plancton nes agües del continente americanu

Naz l’astrónomu aficionáu Percival Lowell. Dedicó años a la observación de Marte. Tamién trabayó na busca del Planeta X, l’hipotéticu planeta más p’allá de Neptunu

Muerre’l físicu teóricu, cosmólogu y divulgador científicu Stephen Hawking. Conózselu polos estudios sobre los furacos negros

Naz el meteorólogu Wasaburo Oishi. Conózselu por descubrir les corrientes en chorru a gran altitú. Pa llegar a una audiencia internacional, espublizaba los sos informes n’esperantu

Naz el médicu Lelio Olchese Zeno. Especializáu en traumatoloxía, ye conocíu, ente otros llogros, pol so desenvolvimientu de métodos pa tratar rotures de coldu en menores

Reconozse al biofísicu Alexandre Quintanilha como Gran Oficial de la Orde Militar de Santiago de la Espada. Tres de doctorase en física del estáu sólidu, reorientó la carrera a la bioloxía

L’astrónomu Karl Wilhelm Reinmuth descubre l’asteroide Aralia (973). Recibe’l so nome pola planta aralia, nativa d’Asia y d’América

Naz l’arqueóloga Gertrud Dorka. Na década de 1950, dirixó escavaciones en Berlín, ciudá qu’inda se taba reconstruyendo tres de la Segunda Guerra Mundial

Día Mundial de la Salú Bucodental. La Federación Dental Internacional adoptó esti día pa concienciar del impautu de les enfermedaes orales na salú xeneral y nel bientar

Naz la cristalógrafa ya historiadora de la ciencia Gabrielle Donnay. Esperta n’estructura y química de los cristales, dedicó parte de la so carrera a recopilar investigaciones en cristalografía

Reconocen a la pediatra y epidemióloga Heather Zar col Premiu L’Oréal-UNESCO poles sos investigaciones na salú infantil, sobre manera nes enfermedaes respiratories como l’asma y la neumonía

Naz la entomóloga Amelia Tonon. Analizó la evolución y la fisioloxía de les célules vitelines, trató anomalíes embrionaries y estudió’l fenómenu del albinismu

Naz la inxeniera xeóloga Josefa Cuevas Aguilar. Dedicó la so carrera profesional a la micropaleontoloxía, especialmente dende l’Institutu Mexicanu del Petroleu

Naz la informática Charlotte Davis Mooers. Foi coinventora d’un dispositivu pa seleicionar les tarxetes perforaes que s’usaben pa la recuperación d’información al traviés de codificación zato

Muerre la médica Odile Schweisguth. Ta considerada la fundadora de la oncoloxía pediátrica n’Europa. Creó’l primer departamentu de cáncer infantil nel Institutu Gustave Roussy

Muerre l’escritor de ciencia ficción Stanisław Lem. Los llibros d’él esploren el sitiu de la humanidá nel universu y les sos llendes, incluyíos los problemes de comunicación con otros seres

Naz la paleobotánica Suzanne Leclercq. Conózsela sobre manera polos estudios de les plantes del periodu Devónicu

Naz l’antropólogu Aleš Hrdlička. Ente otres, formuló la teoría que postula que los humanos llegaron a América dende Asia travesando L’Estrechu de Bering

Naz la física teórica Alexandra Olaya Castro. Conózsela pol so trabayu en física cuántica biomolecular y pola so investigación sobre los efeutos cuánticos na fotosíntesis

Día Mundial de les Lipodistrofies. Busca sensibilizar sobre’l problema de salú pública que representen les lipodistrofies, un conxuntu d’enfermedaes que provoquen perda de texíu adiposo