Naz la divulgadora astronómica Mary Proctor. Conocíenla como «l’astrónoma de los neños» por escribir dellos artículos y llibros de divulgación sobre astronomía pal públicu mozu

Acaba la construcción de la Torre CN en Toronto (Canadá). Con 553 m d’altura. Nel so momentu foi la estructura autoportante más alta del mundu hasta 2007

Naz la paleontóloga Maria Rita Palombo. La so investigación céntrase nel estudiu de los mamíferos fósiles del Pliocenu y Pleistocenu de les islles del Mediterraneu

Los restos d’Odón de Buen regresen al so pueblu natal, Zuera, dende Méxicu, onde morrió exiliáu. Esti naturalista y oceanógrafu destacáu fundó l’Institutu Español d’Oceanografía

Naz la microbióloga Patricia Ann Webb. Carauterizó y clasificó enfermedaes contaxoses graves, incluyíes les que provocaron los virus de Lassa, Machupo y Ébola

Naz la médica Adelaida Avagyan. Investigó sobre productos cárnicos y sobre’l papel del seleniu y de la vitamina A como axentes proteutores énte l’envenenamientu crónicu con cloroprenu

Muerre la profesora y primatóloga Satsue Mito. En 1954 descubrió l’orixe y la difusión del llaváu de batata per parte de los monos

La bioteunóloga Yi So-yeon conviértese na primer persona de Corea del Sur en viaxar al espaciu esterior, nel vuelu espacial Soyuz TMA-12. Na espedición fixo 18 esperimentos

Naz la química Betty Lou Raskin. Desarrolló un poliestirenu en forma d’espuma que se tresforma en fumu opaco adecuao pa la escritura aérea o pa posible proteición contra la contaminación

Naz el biólogu Antonio Lazcano Araujo. Ye conocíu poles sos investigaciones sobre l’orixe de la vida o abioxénesis, y de la evolución temprana d’esta, al traviés d’análisis xenómicos

Naz la computadora humana Barbara Jean Paulson. Dende’l Llaboratoriu de Propulsión a Reaición de la NASA, calculó a mano la trayeutoria de numberosos cohetes. Foi clave nel programa Viking

Naz el bioquímicu Otto Fritz Meyerhof. Recibió’l Premiu Nobel de Fisioloxía o Medicina en 1922 polos descubrimientos que fixo sobre la oxidación celular y el metabolismu de los músculos

Naz la bioquímica y microbióloga Leone Norwood Farrell. Identificó cepes microbianes d’importancia industrial y desarrolló téuniques anovadores pa la fabricación de vacunes y antibióticos

La empresa Texas Instruments produz el que ta consideráu como’l primer transistor comercial fechu de siliciu. El físicu Gordon Teal dirixó los trabayos que lo fixeron posible

Naz la química orgánica Jiang Lijin. Estudió’l mecanismu del efeutu fototerapéuticu de les hipocrelinas. Tamién investigó les estructures y tresferencies d’enerxía lluminoso n’algues marines

Naz l’inxenieru ya inventor Rachid Yazami. Ye conocíu pola so contribución al desarrollu del ánodu de grafitu pa bateríes d’iones de litiu y polos sos trabayos sobre les bateríes de fluoruru

Naz la matemática Vittoria Notari Cuzzer. La so producción científica céntrase nel campu de la xeometría alxebraica y la enseñanza de les matemátiques

Naz la inxeniera química Aïda Espinola. Foi una de les pioneres na xeneración de lletricidá al traviés de piles de combustible

Naz l’arqueóloga Dolores Echaide Itarte. Tuvo un papel crucial, anque poco conocíu, nos xacimientos de Torralba y Ambrona. Tamién escavó n’Aitzbitarte IV, Lezetxiki y As Gándaras de Budiño

Naz la bioquímica Gertrude Erika Perlmann. Estudió la química de les proteínes, la bioloxía de les fosfoproteínes y la estructura y l’aición de la pepsina y el pepsinóxenu

Naz l’astrofísicu Cheick Modibo Diarra. Foi’l primer africanu na NASA, onde trabayó, ente otres, na misión Mars Pathfinder, la primer misión exitosa n’unviar un rover a Marte

Naz Francisco de Paula Martí Mora. Introduxo la estenografía n’España, promovió la taquigrafía ya inventó la «pluma-fuente», la que podría ser la primer pluma estilográfica de la historia

El médicu Carlos Chagas describe per primer vez el protozóu Trypanosoma cruzi, que causa la tripanosomiasis americana. Esta enfermedá entá afeuta a millones de persones n’América

Naz el llebrel afganu Snuppy na Universidá de Seúl (Corea del Sur). Foi’l primer perru clonáu del mundu

Naz la física y filósofa Ilse Rosenthal-Schneider. Collaboró y caltuvo correspondencia colos físicos Albert Einstein (sobre aspeutos filosóficos de la física), Max von Laue y Max Planck

Naz el xeólogu y paleontólogu Christian Leopold Freiherr von Buch. Recuérdenlu pola so definición científica del sistema Xurásicu

La epidemióloga Quarraisha Abdool Karim recibe la condecoración de la Orde de Mapungubwe (Sudáfrica) pol so llabor destacáu nel campu de la investigación sobre’l sida y la tuberculosis

Naz la entomóloga Elizabeth Nesta Marks. Describió especies nueves de mosquitos, mosques de la fruta, chinches, cucaraches y cabarres

Naz la matemática Vera Nikolaevna Maslennikova. Trabayó n’hidrodinámica matemática de fluyíos en rotación y n’espacios funcionales

L’inxenieru Casiano de Prado y los paleontólogos Louis Lartet y Édouard de Verneuil llocalicen el xacimientu de San Isidro (Madrid), que foi clave nel estudiu tempranu del paleolíticu n’España