Naz l’antropóloga Teresa del Valle. Centró la so investigación na crítica feminista dientro de l’antropoloxía, la etnografía de la memoria y les metodoloxíes cualitatives

El físicu Robert Watson-Watt llogra una patente pal sistema de radar. Les sos investigaciones fixeron del radar un instrumentu esencial na Segunda Guerra Mundial

Naz la entomóloga ya ilustradora científica Emily L. Morton. Describió ciclos de vida de los lepidópteros, alquiriendo, criando ya ilustrando les distintes etapes de la vida d’estos inseutos

Naz la micóloga Catherine Gross Duncan. Estudió distintos aspeutos de los fungos xilófagos, como la lluz solar y l’efeutu na respiración celular, l’efeutu de los conservantes y la humedá

Naz el físicu Ivar Giaever. Demostró cómo se producía’l fenómenu de la superconductividá y recibió’l Premiu Nobel polos sos trabayos en física del estáu sólidu

Naz la filósofa Eulalia Pérez Sedeño. La so investigación centróse nos estudios en ciencia, teunoloxía y xéneru

La Sociedá Linneana de Londres premia al profesor Sebsebe Demissew (Universidá d’Adís Abeba) pol so trabayu al rodiu de la flora etíope y el caltenimientu de los saberes tradicionales

Naz la conquilióloga Joyce Allan. Nel 1950 publicó Australian Shells, el primer llibru que describe una gran parte de los moluscos australianos

Naz la bioquímica Marion Webster. Aislló l’antíxenu Vi de la fiebre tifoidea y determinó la estructura d’esti

Muerre’l botánicu, inxenieru ya naturalista Mariano de la Bárcena y Ramos. Foi un home polifacéticu que, ente otros llogros, describió especies vexetales nueves y dio nome a dos especies fósiles

Naz la bioquímica y neurocientífica Elizabeth Roboz-Einstein. Purificó y carauterizó la proteína básica de la mielina y estudió la so rellación con enfermedaes como la esclerosis múltiple

Naz la botánica Aino Marjatta Henssen. Fixo avances importantes nel conocimientu taxonómicu de los cianolliques (asociaciones simbiótiques de fungos y cianobacteries)

Naz la psicóloga clínica Martha E. Bernal. El so trabayu clínicu centróse principalmente na evaluación y nel tratamientu de menores con problemes de conducta

Naz l’astrónoma Priscilla Fairfield Bok. El so llibru La vía Lláctea (1941) ye ún de los testos astronómicos d’interés xeneral más exitosos que s’escribieron

Muerre’l polímata Mijaíl Lomonósov. Ente otros llogros, enunció la llei de conservación de la materia, destacó nel estudiu xeográficu del xelu y fundó la primer universidá rusa

Naz el matemáticu y astrónomu Victor Alexandre Puiseux. Introduxo métodos nuevos de funciones alxebraiques (como les series y el teorema de Puiseux) y contribuyó a la mecánica celeste

El telescopiu espacial Kepler de la NASA confirma’l descubrimientu del primer planeta del tamañu de la Tierra na zona habitable d’otra estrella. Nómase Kepler-186f

El científicu Azwinndini Muronga recibe’l Premiu al Lideralgu Distinguíu Internacional de la Universidá de Minnesota. La so investigación céntrase na dinámica de fluyíos relativista

Inaugúrase l’Institutu d’Investigación Biomédica de la Universidá de Stellenbosch, el mayor llaboratoriu de bioseguridá d’África. Ellí investiguen la base xenética y molecular de la tuberculosis o’l SIDA

Naz la bioquímica Mary Louise Foster. Na Residencia de Señoritas (Madrid) fundó’l Llaboratoriu Foster pa enseñar téuniques químiques y compensar la falta de práutiques na universidá

Naz la profesora y primatóloga Satsue Mito. Nel 1954 descubrió l’orixe y l’espardimientu del llaváu de batata per parte de los monos

Naz el físicu teóricu Robert Oppenheimer. Llogró notables avances nel campu de la física, pero’l so nome ta rellacionáu dafechu al desenvolvimientu de les primeres armes nucleares

Muerre la xeóloga y especialista en corales Dorothy Hill. Foi la primer muyer profesora nuna universidá australiana y tamién la primer muyer que presidió l’Academia Australiana de Ciencies

Naz la física ya inxeniera aeroespacial Irene Sänger-Bredt. A lo llargo de la so carrera, asesoró en temes espaciales a organismos civiles y militares, institutos d’investigación y universidaes

Naz el matemáticu Andrey Kolmogórov. Escribió los fundamentos de la teoría de la probabilidá y tuvo influencia na probabilidá, la teoría de conxuntos y la teoría de númberos

Muerre’l matemáticu autodidacta Srinivāsa Aiyangār Rāmānujan. La so conxetura sobre la función tau abrió llinies d’investigación nueves

Desarróllase en Toulouse’l primer vuelu del Airbus A380. Considérase l’avión de pasaxeros más grande del mundu hasta’l momentu, con 73 metros de llargor y 24 metros d’altor

Naz la microbióloga Ramona Vaamonde. En setiembre del 1975 detectó rápido un brote de cólera en Santiago de Compostela, evitando asina una epidemia

Naz la brióloga y entomóloga Elizabeth Gault Fisher. A lo llargo de la so carrera, xuntó una coleición con más de 3.500 muestres de musgos y hepátiques

Naz la dietista y teunóloga alimentaria Mary Klicka. Diseñó raciones de comida preparada pal exércitu, con un sistema que calienta la comida ensin llama, gracies a una reaición exotérmica