Naz la bióloga Edith Berkeley, esperta en poliquetos, guxanos segmentaos marinos clave nos ecosistemes. Dio prestixu a la Estación Biolóxica de Nanaimo col so llabor taxonómicu

Muerre’l ciruxanu Christiaan Barnard. Realizó’l primer tresplante de corazón humanu esitosu nel 1967, revolucionando la medicina cardiaca mundial

La inxeniera Charlette N’Guessan conviértese na primer muyer en ganar el Premiu África a l’Anovación n’Inxeniería, pol so sistema de reconocimientu facial ya IA pa certificar identidaes

Naz el filósofu y ensayista Daniel Innerarity. Cola so teoría de la democracia complexa, contribuyó a adautar los principios normativos de la democracia a les sociedaes actuales

Naz la química Susi Glaubach. Trabayó na formación de glicerol durante la fermentación alcohólica y estudió la producción d’insulina xunto col farmacólogu Ernst Peter Pick

Naz el médicu Manel Esteller Badosa. Ye un referente internacional n’epixenética y los sos trabayos son clave pa comprender meyor, ente otros, el procesu de tresformación de les célules canceroses

Naz la naturalista Mary Davis Treat. Collaboró con Charles Darwin per correspondencia postal, apurriendo observaciones fundamentales sobre plantes carnívores

Naz la inxeniera Eleanor Vadala. Foi direutora d’investigación del Centru de Desendolcu Aéreu Naval en Pensilvania, onde desarrolló materiales sintéticos llixeros pal so usu n’aeronaves

Albert Ghiorso y Glenn T. Seaborg anuncien el descubrimientu del seaborxu (númberu atómicu 106). Esti elementu radioactivu nomóse n’honor a Seaborg, precursor na química nuclear y tresuránica

Naz la médica Maria Hervás Moncho. Na Guerra Civil Española, dirixó en Valencia’l llaboratoriu de seroloxía de tresfusión, ameyorando los diagnósticos de sífilis y la seguridá sanguínea

Naz l’historiador y académicu Eisha Stephen Atieno Odhiambo. Analizó los riesgos del saber y del poder n’África dende la historia y la cultura

Descúbrese la cueva de Lascaux (Francia). Les sos pintures paleolítiques, con más de 600 figures animales, son Patrimoniu de la Humanidá y una clave pa entender l’arte prehistóricu européu

Naz l’arqueobotánica Maria Hopf. Nel 1968 cofundó’l IWGP, grupu clave qu’impulsa l’estudiu internacional de restos vexetales arqueolóxicos pa entender la rellación ente humanos y plantes

Muerre l’escritor, llingüista y recopilador del folclor Juan Antonio Saco y Arce. Foi autor de la Gramática Gallega (1868), primer descripción científica de la llingua gallega

Naz la conservacionista Yolanda Kakabadse Navarro. Foi la primer muyer presidenta de la Xunión Internacional pa la Conservación de la Naturaleza (UICN) y presidió tamién la WWF

Naz Stephanie Shirley, precursora n’informática. Nel 1962 fundó Freelance Programmers, empresa de software que promovía trabayos flexibles dende casa, principalmente pa muyeres

Autorízase la construcción d’un “camín de fierro” dende los xacimientos hulleros de Llangréu y Siero hasta’l puertu de Xixón. Foi la primer llinia de ferrocarril industrial d’España

Naz Nan McKenzie Laird. Nel 2021 ganó’l Premiu Internacional d’Estadística por desenvolver métodos p’analizar datos recoyíos a lo llargo del tiempu n’estudios llonxitudinales complexos

Naz l’astrónomu Christian Heinrich Friedrich Peters. Descubrió 48 asteroides ente 1861 y 1889 y ellaboró cartes estelares que marcaron un fitu na astronomía moderna

Muerre’l médicu Abioseh Davidson Nicol. Describió la descomposición de la insulina nel cuerpu humanu, un avance importante pal tratamientu de la diabetes

Muerre’l matemáticu y astrónomu James Ivory. Formuló’l teorema d’Ivory: nes families de seiciones cóniques confocales, les diagonales de ciertos cuadriláteros tienen el mesmu llargor

La Biblioteca Huntington (Los Ángeles) amuesa per primer vegada en público los manuscritos del mar Muertu. El so estudiu ye clave pa entender l’orixe del cristianismu dientro del xudaísmu

John Curtis produz en Los EE.XX. el primer chicle comercial con goma d’abetu. El so éxitu marcó l’entamu d’una industria que dempués incorporó sabores y que se popularizó a nivel mundial

Naz la bióloga marina Diana Marcela Bolaños Rodríguez. Ye conocida polos sos estudios sobre los platelmintos, un filu d’invertebraos conocíos como guxanos planos

Naz la física Susana Marcos Celestino. Especializada n’óptica, ta reconocida poles sos contribuciones al desenvolvimientu d’instrumentos de diagnósticu y correición n’oftalmoloxía

Naz l’astrónoma Reysa Bernson. Conózsela pol so llabor de divulgación de l’astronomía en Francia al traviés de demostraciones públiques y el desarrollu de planetarios

Jean-François Champollion anuncia que descifró la Piedra de Rosetta, clave pa entender los xeroglíficos y dar orixe a la exiptoloxía moderna

Celébrase’l Día Mundial contra la Rabia, promovíu dende 2007 pola Alianza Mundial pal Control de la Rabia, n’homenax a Louis Pasteur, creador de la primer vacuna antirrábica

La gravedá de la Tierra captura temporalmente l’asteroide 2024 PT5, de 11 metros de diámetru. A lo llargo de 57 díes, esti asteroide celeste convirtióse no que se conoz como una “minilluna”

Naz la botánica Helia Bravo Hollis. Precursora nel estudiu de les cactácees, fundó’l Xardín Botánicu de la UNAM. Delles especies lleven el so nome, como Opuntia heliae y Ariocarpus bravoanus