Muerre la oncóloga ya investigadora clínica Mildred Vera Peters. Demostró qu’una tumorectomía y radiación yeren tan eficaces como la mastectomía pa tratar el cáncer de mama

Naz la química orgánica Katō Sechi. Trabayó nel Institutu d’Investigación Física y Química RIKEN en Tokio, siendo pionera nel análisis con espectroscopía

Naz la xeóloga y esploradora espacial y marina Kathryn Dwyer Sullivan. Foi la primer astronauta en facer una actividá estravehicular y demostró que’l Challenger podía repostar n’órbita

Muerre Henrietta Lacks. Ensin tener el so consentimientu, recoyéronse célules del cáncer d’uteru que tenía, faciendo la primer llinia de cultivu celular inmortal denominada HeLa

Naz la especialista n’agricultura Elizabeth Coleman White. Collaboró col botánicu Frederick Vernon Coville pa desarollar y comercializar un arándanu cultivao

Celébrase per primer vez el Día Internacional de la Xeodiversidá. Tien como oxetivu promover una meyor comprensión de los procesos dinámicos de la Tierra

Naz la programadora y analista Henriette Avram. Desarrolló’l formatu MARC 21 pa catalogar documentos de manera automatizada. Esti sistema úsase na comunidá bibliotecaria internacional

Naz la xeóloga y paleontóloga Gertrude Lilian Elles. Xunto a Ethel Wood escribió Monograph of British Graptolites, una obra de referencia na paleontoloxía a lo llargo munchos años

Naz la inxeniera química Germaine Benoit. Ye conocida sobre manera poles contribuciones que fixo al estudiu de les sustancies simpaticomimétiques

Entra en vigor el Tratáu sobre l’Espaciu Ultraterrestre. Representa’l marcu xurídicu básicu del derechu internacional del espaciu. Aprobáronlu más de 100 países

Naz la xeóloga y paleontóloga Henriette Delamarre de Monchaux. Foi especialista en faluns, con muncho interés xeolóxicu y d’utilidá como abonu agrícola pa suelos arciellosos ácidos

La URSS pon n’órbita terrestre’l Vosjod 1, la primer nave con tripulación con persones y el primer vuelu ensin traxes espaciales

La científica Maria Isabel Andrade recibe’l premiu Mundial d’Alimentación. El trabayu que fixo sobre variedaes biofortificaes de batata contribuye a la meyora de la seguridá alimentaria n’África

Naz la física y matemática Mary Tsingou. Foi una de les primeres programadores de la computadora MANIAC

Naz la médica Augusta Déjerine-Klumpke. Describió una parálisis de raíces inferiores del plexu braquial, depués de les descripciones de lesiones altes del plexu de Duchenne y Erb

Naz l’arqueóloga y antropóloga Alicia Dussán de Reichel. Foi pionera nel desarrollu de les ciencies sociales y humanes en Colombia y nos estudios de xéneru na rexón d’El Caribe

Abre al públicu’l Real Gabinete d’Historia Natural, anguaño conocíu como’l Muséu Nacional de Ciencies Naturales. Foi la primer coleición a la que tuvo accesu tol mundu ensin importar la condición social

Les biólogues Sandra Myrna Díaz y Joanne Chory reciben el premiu Princesa d’Asturies pola contribución al conocimientu de la bioloxía de les plantes

Naz la inventora Amanda T. Jones. Trabayó na teunoloxía aplicada a la conservación d’alimentos y ye conocida por idear un sistema nuevu d’envasáu alimenticiu al vacíu, el métodu de Jones

Naz el físicu y premiu Nobel James Chadwick. Ye conocíu a nivel mundial pol descubrimientu del neutrón, una partícula subatómica ensin carga neta

Naz la nutricionista Elsie Widdowson. Investigó sobre desnutrición y, con Robert McCance, supervisó l’añadíu de vitamines a los alimentos y el racionamientu na II Guerra Mundial en Reinu Xuníu

Naz l’inxenieru de radio Karl Guthe Jansky. Demostró que la radiación recibida con un llargor d’onda de 14,6 metros nun venía del sol, sinón de la constelación de Saxitariu

Naz el meteorólogu Tetsuya Fujita. Les sos investigaciones revolucionaron el conocimientu que se tenía sobre tormentes llétriques, tornaos, furacanes y tifones severos

El químicu János Irinyi patenta les cerilles silencioses y non esplosives. L’inventu ta basáu na mezcla de fósforu con dióxidu de plomu na cabeza de les cerilles

Naz la inxeniera industrial Elena García Armada. Creó’l primer exoesqueletu biónicu infantil, que permite que neñes y neños con parálisis puedan volver a caminar

El matemáticu Andrew Wiles anuncia la resolución del Gran Teorema de Fermat

Naz l’inventor y cineasta José Val del Omar. Incorporó anovamientos téunicos a filmes como Tríptico elemental de España

Naz la médica Morjory Warren. Ta considerada como la madre de la medicina xeriátrica moderna

Naz la botánica Anne Kingsbury Wollstonecraft. Estudió la flora de Cuba y, a mediaos de la década de 1820, creó un manuscritu ilustráu, Specimens of the plants and fruits of the island of Cuba

Naz el físicu Homi J. Bhabha. Plantegó l’usu de les reserves de toriu de La India, sustituyendo les poques reserves d’uraniu, pa empezar el programa d’enerxía atómica

Naz el médicu, neurólogu, fisiólogu y antropólogu Paolo Mantegazza. Aisló la cocaína a partir de la coca ya investigó los efectos anestésicos que tenía n’humanos