Muerre la etóloga Jane Goodall. Ta reconocida internacionalmente por estudiar, a lo llargo de seis décades, les interaiciones sociales y familiares de los chimpancés en llibertá en Tanzania

El químicu Manuel Ballester Boix recibe’l Premiu Príncipe d’Asturies d’Investigación Científica y Téunica. El xuráu destacó los sos estudios sobre radicales llibres d’alta estabilidá

Naz el veterinariu James Alfred Wight, conocíu pol seudónimu James Herriot. Los sos llibros con anéudotes de la so vida como veterinariu rural inspiraron numberoses vocaciones en tol mundu

Fírmase en Madrid l’Alcuerdu pol que se declara l’Antártida reserva natural pa la paz y la ciencia; nun se permite la minería nun siendo pa investigación y regúlase l’impautu ambiental

Naz la bioquímica Elizabeth Bugie Gregory. Xunto con Selman Waksman y Albert Schatz identificó la estreptomicina, el primer antibióticu eficaz contra la tuberculosis

Naz la bioquímica Nine Choucroun. Collaboradora de Jean Perrin, desenvolvió, ente otres, la téunica de la eleutroforesis, que permite separar molécules como proteínes o ADN

Naz el físicu Niels Bohr. Ye conocíu por desenvolver la teoría atómica y la mecánica cuántica. Recibió’l Premiu Nobel de Física nel 1922 polos sos estudios sobre la estructura del átomu

Naz Emily Blackwell. Foi cofundadora y motor principal del Hospital de Muyeres y Neños de Nueva York, y promovió la formación médica femenina

Obsérvase la supernova SN 1604, conocida como supernova de Kepler, la última vista na nuesa galaxa. Nel momentu de la so observación yera l’oxetu más brillante nel cielu, sacante’l Sol

Naz Eugen Wüster, consideráu’l padre de la terminoloxía como disciplina autónoma. Tamién trabayó en bibliografía y nel sistema de Clasificación Decimal Universal

Ahmed Zewail recibe’l Premiu Nobel de Química poles sos investigaciones pioneres en femtoquímica, disciplina qu’estudia les reaiciones químiques n’escales de tiempu estremadamente curties

Llánzase oficialmente la Sociedá Africana de Xenética Humana (AfSHG) pa promover la investigación xenética nel continente y fomentar la collaboración científica

Naz la esploradora y etnógrafa Mary Henrietta Kingsley. El so trabayu contribuyó a dar forma a les perceiciones occidentales de la cultura d’África y el colonialismu

Naz la física Wang Yening. Espublizó más de 200 artículos científicos y ye especialmente reconocida poles sos investigaciones en superconductividá d’alta temperatura

Allan M. Cormack y Godfrey Hounsfield reciben el Premiu Nobel de Medicina por asentar les bases teóriques y construir el primer escáner de tomografía computarizada, revolucionando’l diagnósticu médicu

William Rowan Hamilton concibe los cuaterniones, una estensión de los númberos complexos que nun cumple la propiedá conmutativa. Escribió la fórmula base nuna ponte de Dublín

Naz la microbióloga y nutricionista Audrey Josephine Cahn. Foi una de les primeres espertes en recomendar el consumu de grases poliinsaturaes y el so trabayu foi clave pa compilar tables de caloríes

La Real Escuela de Veterinaria de Madrid abre les sos puertes, convirtiéndose na primer institución estatal n’España dedicada a la enseñanza veterinaria reglada

Max Planck formula una nueva llei de radiación pa cuerpos negros al asumir que la enerxía s’emite en paquetes o quanta, marcando l’entamu de la teoría cuántica

Naz la teunóloga de los alimentos Mary Earle. Formó parte de la xunta direutiva del Institutu d’Investigación de Cultivos y Alimentos de Nueva Zelanda y presidió la Xunta de la Industria Porcina

Muerre na batalla de Trafalgar el científicu y marín Cosme de Churruca, home que fixo aportes importantes en cartografía, xeografía y matemátiques aplicaes a la navegación

Naz l’arqueóloga Annette Laming Emperaire. Dedicó gran parte de la so vida a la prospeición arqueolóxica de Suramérica, onde descubrió nel 1975 el fósil humanu más antiguu del continente

La ecológa Sandra Díaz recibe’l Premiu Ramón Margalef d’Ecoloxía por desenvolver el conceutu de diversidá funcional y demostrar cómo’l cambéu ambiental global afeuta los ecosistemes vexetales

Naz la médica Tsai-Fan Yu. Codesarrolló una esplicación sobre la causa de la gota y esperimentó colos primeros medicamentos pa tratala, dalgunos inda n’usu anguaño

Naz la química Marjorie J. Vold. La so investigación, centrada en coloides (mezcles non homoxénees de dos o más fases), reconocióse cola Medaya Garvan-Olin de l’American Chemical Society

La NASA llanza la misión STEREO, dos sondes qu’estudien el Sol en 3D, revelando cómo se producen les erupciones solares y ayudando a prevenir daños en satélites y redes eléctriques

Naz la médica, escritora y activista política exipcia Nawal El Saadawi. Doctora en psiquiatría, ta reconocida por denunciar la práutica de la mutilación xenital femenina

Descúbrese que nes agües de Dallol (Etiopía) nun sobreviven nin los microbios más resistentes. Dellos minerales imiten formes orgániques y dan pistes sobre falsos positivos na busca de vida estraterrestre

Naz el médicu y biólogu Baruj Benacerraf Lasry. Ganó’l Nobel por descubrir xenes que regulen la respuesta inmunolóxica, clave pa entender tresplantes y enfermedaes autoinmunes

En Nueva Zembla (océanu Árticu) tien llugar la detonación de la bomba d’hidróxenu soviética bautizada como Bomba del Zar, la mayor arma nuclear construyida hasta’l momentu

Según cálculos estadísticos aproximaos, naz l’habitante númberu 7.000 millones del planeta Tierra. Estímase que n’ochobre de 2026 habrá 1.300 millones más