Muerre’l matemáticu y astrónomu Abu’l-Wafa. Introduxo la función tanxente, ameyoró los métodos pa calcular les tables de trigonometría y descubrió la fórmula del senu pa la xeometría esférica

Naz Mário Schenberg, reconocíu como’l físicu teóricu más importante de Brasil. Son especialmente conocíes les sos contribuciones fundamentales pa entender les estrelles

Karl Benz patenta oficialmente’l Benz Patent Motorwagen, consideráu’l primer automóvil autopropulsáu por un motor de combustión interna

Naz la matemática Carme Torras Genís. Especialista n’intelixencia artificial y robótica, compaxina la so investigación sobre robótica asistencial cola escritura lliteraria y la teunoética

Naz la petróloga Ljudmila Dolar Mantuani. Espublizó abondo al rodiu de la teunoloxía del formigón y los factores rellacionaos cola calidá del áridu

Créase en Nairobi (Kenia) l’Academia Africana de Ciencies (AAS), como institución panafricana dedicada a impulsar la ciencia n’África

Naz la fisióloga y toxicóloga Anna Baetjer. Investigó cómo’l trabayu industrial afeuta a la salú de les muyeres y propunxo meyores de seguridá y d’horarios pola carga doméstica

L’inxenieru químicu Noël N’Guessan gana’l Premiu África a l’Anovación n’Inxeniería pol sistema Kubeko, pa la xestión de subproductos de les colleches y la so tresformación en compost y gas

Naz la médica Mathilde Krim. Foi miembru del equipu que desenvolvió per primer vegada un métodu pa la determinación prenatal del sexu

Naz l’agrónoma y científica Eva Ekeblad. Descubrió cómo facer fariña y alcohol a partir de patates, ayudando a combatir la fame. Foi la primer muyer n’entrar na Academia de Ciencies de Suecia

El científicu Amedeo Avogadro espubliza un ensayu al rodiu del conteníu molecular de los gases. La so hipótesis xeneraría la llei d’Avogadro, fundamental pa la química moderna

Naz el médicu Albert Calmette. Descubrió, xunto col veterinariu Camille Guérin, una forma amenorgada de Mycobacterium tuberculosis que s’emplegó pa la vacuna contra la tuberculosis

Sara García Alonso recibe’l Premiu Ada Byron a la Muyer Teunóloga. Esta investigadora en bioloxía molecular ye tamién miembru de la reserva d’astronautes de l’Axencia Espacial Europea

Jane Goodall llega a la reserva de Gombe Stream (Tanzania) pa entamar el so estudiu revolucionariu sobre’l comportamientu de los chimpancés en llibertá

Naz la botánica Almira Lincoln Phelps. Los sos escritos sobre botánica influyeron n’otres muyeres de la dómina dedicaes a esta ciencia, como Eunice Newton Foote

L’esplorador Michel Siffre entra nuna cueva pa realizar un esperimentu pioneru sobre cronobioloxía y perceición del tiempu. Salió dos meses dempués pensando que namás pasaren 35 díes

Naz la neurofisióloga Marcelle Lapicque. Conózsela poles sos investigaciones sobre los impulsos nerviosos (cronaxa) y los efeutos de los venenos, especialmente la estricnina, sobre la cronaxa

Naz el físicu Hendrik Lorentz. Recibió’l Premiu Nobel nel 1902 poles sos investigaciones al rodiu de la influencia del magnetismu nos fenómenos eléctricos

Espublízase’l primer mapa cerebral completu d’una mosca de la fruta (Drosophila melanogaster) con resolución nanométrica, usando 7.000 cortes y 21 millones d’imáxenes

Naz la xeóloga Ellen Louise Mertz. Sacó alantre una investigación pionera pa los Ferrocarriles Estatales Daneses que sirvió de base pa la construcción de l’antigua ponte del Pequeñu Belt

L’esperimentu DONUT de Fermilab amuesa per primer vegada interaiciones del neutrín tau captaes en plaques d’emulsión y confirma, asina, la existencia d’esta partícula

Célebrase una Conferencia Internacional na que se decide crear la Organización Mundial de la Salú (OMS) como organización global pa meyorar la salú pública

Eileen Collins conviértese na primer muyer en capitaniar una misión d’un tresbordador espacial de la NASA (la misión STS-93 del Columbia)

Naz la química Ruth Pirret. Xunto con Frederick Soddy, investigó la química de los elementos radioactivos y contribuyó a la comprensión de la desintegración radioactiva

El médicu patólogu forense Bennet Omalu espubliza’l so descubrimientu de la encefalopatía traumática crónica (CTE) en xugadores de fútbol americanu, marcando un fitu na medicina deportiva

Naz James Ephraim Lovelock, médicu, meteorólogu, escritor, inventor, químicu atmosféricu y ambientalista, famosu pola hipótesis Gaia, que representa la Tierra como un sistema autorreguláu

Los médicos Frederick Banting y Charles Best consiguen aisllar y purificar insulina a partir de páncrees de perru. Lliberaron la patente pal beneficiu de la humanidá

Naz la química Sossina M. Haile. Investigadora nel área de ciencia de los materiales, ye conocida por desenvolver les primeres piles o celdes de combustible d’ácidos sólidos

Naz la bióloga Marion J. Lamb. Estudió los efeutos de condiciones ambientales —como la calor, la radiación o la contaminación— sobre l’actividá metabólica y la variabilidá xenética de la mosca Drosophila

Llicénciase Isabel Ovín Camps, la primer española llicenciada en Ciencies Químiques, tres de completar los sos estudios na Universidá de Sevilla

Naz la zoóloga Marvalee Hendricks Wake. Conózsela pola investigación sobre la bioloxía del desenvolvimientu, l’anatomía y la reproducción de les cecilies, un tipu d’anfibios ensin estremidaes