1-a de Oktobro 2025
Forpasas la etologo Jane Goodall. Ŝi estas internacie rekonata pro tio, ke ŝi dum ses jardekoj studis la sociajn kaj familiajn interagojn de sovaĝaj ĉimpanzoj en Tanzanio
2-a de Oktobro 1982
La kemiisto Manuel Ballester Boix ricevas la Premion Princo de Asturio pri Scienca kaj Teknika Esploradoj. La ĵurio elstarigis liajn studojn pri tre stabilaj liberaj radikaloj
3-a de Oktobro 1916
Naskiĝas la veterinaro James Alfred Wight, konata sub la plumnomo James Herriot. Liaj libroj kun anekdotoj el lia vivo kiel kampara bestkuracisto inspiris multajn alvokiĝojn tra la mondo
4-a de Oktobro 1991
Oni subskribas en Madrido la Interkonsenton, laŭ kiu Antarkto estas deklarita natura rezervejo por paco kaj scienco; oni malpermesas minadon krom por esplorado kaj reguligas la median efikon
5-a de Oktobro 1920
Naskiĝas la biokemiisto Elizabeth Bugie Gregory. Kune kun Selman Waksman kaj Albert Schatz ŝi identigis la streptomicinon, la unuan efikan antibiotikon kontraŭ tuberkulozo
6-a de Oktobro 1896
Naskiĝas la biokemiisto Nine Choucroun. Kunlaboranto de Jean Perrin, ŝi interalie evoluigis la teknikon de elektroforezo, kiu ebligas apartigon de molekuloj kiel proteinoj aŭ DNA
7-a de Oktobro 1885
Naskiĝas la fizikisto Niels Bohr. Li estas konata pro la evoluigo de la atomteorio kaj kvantuma mekaniko. En 1922 li ricevis la Nobel-premion pri Fiziko pro siaj esploroj pri la atoma strukturo
8-a de Oktobro 1826
Naskiĝas Emily Blackwell. Ŝi estis kunfondinto kaj ĉefa motoro de la kresko de la Hospitalo por Virinoj kaj Infanoj en Novjorko, kaj ŝi antaŭenpuŝis la medicinan edukadon de virinoj
9-a de Oktobro 1604
Oni observas la supernovaon SN 1604, konatan kiel la supernovao de Kepler, la lastan viditan en nia galaksio. Dum sia observado ĝi estis la plej brila objekto en la ĉielo krom la Suno
10-a de Oktobro 1898
Naskiĝas Eugen Wüster, konsiderata la patro de terminologio kiel memstara scienco. Li ankaŭ laboris pri problemoj de Bibliografio kaj la sistemo de Universala Dekuma Klasado
11-a de Oktobro 1999
Ahmed Zewail ricevas la Nobel-premion pri Kemio pro siaj pioniraj esploroj en femtokemio, kiu studas kemiajn reagojn en ekstreme mallongaj tempaj skaloj
12-a de Oktobro 2003
Oficiale lanĉiĝas la Afrika Societo pri Homa Genetiko (AfSHG) por progresigi esploradon en homa genetiko en Afriko kaj stimuli sciencan kunlaboradon
13-a de Oktobro 1862
Naskiĝas la esploristo kaj etnografiisto Mary Henrietta Kingsley. Ŝia laboro kontribuis al la formiĝo de okcidentaj perceptoj pri la afrika kulturo kaj koloniismo
14-a de Oktobro 1926
Naskiĝas la fizikisto Wang Yening. Ŝi publikigis pli ol 200 sciencajn artikolojn kaj estas aparte rekonata pro siaj esploroj pri alt-temperatura superkonduktiveco
15-a de Oktobro 1979
Allan M. Cormack kaj Godfrey Hounsfield ricevas la Nobel-premion pri Medicino pro starigo de la teoriaj fundamentoj kaj konstruo de la unua komputila tomografia skanilo, kio revoluciis la medicinan diagnozadon
16-a de Oktobro 1843
William Rowan Hamilton konceptas la kvarternionojn, etendon de la kompleksaj nombroj kiu ne obeas la komuteblecon. Li skribis sian bazan formulon sur ponto en Dublino
17-a de Oktobro 1905
Naskiĝas la mikrobiologo kaj nutradisto Audrey Josephine Cahn. Ŝi troviĝis inter la unuaj fakuloj kiuj rekomendis la konsumadon de polinesaturitaj grasoj, kaj ŝia laboro estis kerna por kompilado de kaloriaj tabeloj
18-a de Oktobro 1793
La Reĝa Lernejo pri Bestokuracado malfermiĝas en Madrido. Ĝi estis la unua ŝtata institucio en Hispanio dediĉita al reguligita veterinara instruado
"19-a de Oktobro 1900
Max Planck formulas novan leĝon pri radiado de nigraj korpoj. Per la hipotezo, ke energio elsendiĝas en pakoj aŭ kvantumoj, li starigis la fundamenton de la kvantuma teorio
20-a de Oktobro 1929
Naskiĝas la nutroteknologiisto Mary Earle. Ŝi membris en la estraro de la Nov-Zelanda Instituto pri Esploro de Kultivaĵoj kaj Nutraĵoj, kaj gvidis la Konsilion de la Porkindustrio
21-a de Oktobro 1805
En la Batalo de Trafalgar mortas la sciencisto kaj maristo Cosme de Churruca. Li grave kontribuis al kartografio, geografio kaj matematiko aplikita al navigado
22-a de Oktobro 1917
Naskiĝas la arkeologo Annette Laming Emperaire. Ŝi dediĉis grandan parton de sia vivo al arkeologia esplorado en Sudameriko, kie ŝi malkovris en 1975 la plej malnovan homan fosilion en la kontinento
23-a de Oktobro 2017
La ekologiisto Sandra Díaz ricevas la Premion Ramón Margalef pri Ekologio pro tio, ke ŝi disvolvis la koncepton pri funkcia diverseco kaj demonstris kiel la tutmonda media ŝanĝiĝo efikas sur vegetaĵajn ekosistemojn
24-a de Oktobro 1911
Naskiĝas la medicinisto Tsai-Fan Yu. Ŝi kundisvolvis eksplikon pri la kaŭzo de podagro kaj eksperimentis pri la unuaj medikamentoj por trakti tiun malsanon; tiuj sanigaj rimedoj ankoraŭ estas uzataj nuntempe
25-a de Oktobro 1913
Naskiĝas la kemiisto Marjorie J. Vold. Ŝia esplorado, fokusita je koloidoj, t.e. nehomogenaj miksaĵoj de du aŭ pli da fazoj, estis premiita per la Medalo Garvan-Olin de la Usona Kemia Societo
26-a de Oktobro 2006
NASA lanĉas la mision STEREO. Temas pri du sondiloj kiuj studas la Sunon tri-dimensie, malkaŝante kiel okazas sunaj erupcioj kaj helpante preventi damaĝojn al satelitoj kaj elektroretaj sistemoj
27-a de Oktobro 1931
Naskiĝas la kuracisto, verkisto kaj politika aktivulo Nawal El Saadawi. Ŝi estas doktoro pri psikiatrio rekonata pro sia kuraĝa kondamno al la praktiko de virina seksa mutilado
28-a de Oktobro 2019
Oni malkovras ke eĉ la plej rezistemaj mikroboj ne sukcesas vivi en la akvo de kratero Dalolo (Etiopio). Tie, iuj mineraloj imitas organikajn formojn kaj donas indikojn pri malveraj pozitivaj signoj en la serĉado de ekstertera vivo
29-a de Oktobro 1920
Naskiĝas la medicinisto kaj biologo Baruj Benacerraf Lasry. Li ricevis la Nobel-premion pro la malkovro de genoj kiuj regulas la imunreagon, kio estas ŝlosila por kompreni transplantadojn kaj aŭtoimunajn malsanojn
