1-a de Decembro 1934
Mortas la esploristo Fanny Hesse. Ŝi inkludis agaron kiel solidigilon en la kulturmedioj por la kreskigo de mikroorganismoj en la laboratorioj
2-a de Decembro 1913
En la Nacia Muzeo de Natursciencoj de Hispanio estas inaŭgurita la elmontrado de Dippi, kopio de 27-metra skeleto de diplodoko, kiu kontribuis al popularigo de paleontologio en Hispanio
3-a de Decembro 1910
La kemiisto kaj inventinto Georges Claude prezentis sian neonlampon ĉe la Pariza Aŭtosalono: li elmontris du tubojn el ruĝa neono, ĉiu 12-metrojn longa
4-a de Decembro 1899
Naskiĝas geologo Ethel Currie. Ŝi esploris en la kampo de paleontologio, studante fosiliojn de eĥinoj kaj goniatitidoj (formortinta ordo kiu evoluis el naŭtiloidoj)
5-a de Decembro 1624
Mortas la botanikisto kaj kuracisto Caspar Bauhin. Li enkondukis dunoman nomenklaturon en la klasifiko de organismoj. La ileocekuma valvo estas konata kiel la Bauhin-valvo je lia honoro
6-a de Decembro 1883
Naskiĝas ornitologo kaj etologo Margaret Morse Nice. Ŝi estas konata pro sia esplorado pri paseroj, estiel la verkinto de la laboro Studoj pri la vivhistorio de la kantpasero
7-a de Decembro 1924
Naskiĝis matematikisto Mary Ellen Rudin. Ŝi estas konata pro siaj konstruoj kaj kontraŭekzemploj al famaj konjektoj; la plej konata el ili estas la spaco de Dowker
8-a de Decembro 1919
Naskiĝis matematikistino Julia Robinson. Ŝi studis diofantajn ekvaciojn kaj decidebloteorion: ŝi kontribuis al la pruvo de la teoremo de Matijaseviĉ pri la nesolveblo de la deka problemo de Hilbert
9-a de Decembro 1906
Naskiĝas komputikisto Grace Murray Hopper. Pioniro en la mondo de komputiko, ŝi estis la unua programisto kiu uzis la komputilon Mark I
10-a de Decembro 1897
Naskiĝas oceanografo Carmen Aldecoa. Ŝi estis la unua sciencisto dungita fare de la Hispana Instituto de Oceanografio, en 1918. Forlasinte sian postenon pro malsano, ŝi dediĉis sian vivon al instruado
11-a de Decembro 1909
Naskiĝas nuklea fizikisto Toshiko Yuasa. En 1954 ŝi publikigis artikolon avertante pri la danĝeroj de testado de la hidrogenbombo sur Bikini atolo
12-a de Decembro 1918
Naskiĝis sciencisto Oleg Gazenko. Li partoprenis la sovetian programon pri kosmobestoj, kie li elektis kaj trejnis la hundon Laika, la unuan beston kiu orbitis la Teron
13-a de Decembro 1867
Naskiĝas fizikisto kaj inventinto Kristian Birkeland. Li esploris la nordlumojn kaj inventis industrian sistemon por fiksi nitrogenon el la aero kaj uzi ĝin por la produktado de sterkaĵo
14-a de Decembro 2000
Estas kompletigita la genarsekvenco de la unua planto, Arabidopsis thaliana, specio kiu estis establita kiel esplormodelo
15-a de Decembro 1612
Germana astronomo Simon Marius faras la unuan observadon de la Andromeda galaksio, priskribante ĝin kiel similan al la flamo de kandelo vidita tra korno
16-a de Decembro 1905
Naskiĝas la inĝeniero, inventisto kaj poeto Piet Hein. Li dizajnis novajn ludojn, kiel la Kubo Soma (mekanika puzlo) aŭ Hex (abstrakta ludo kun profundaj matematikaj fundamentoj)
17-a de Decembro 1913
Naskiĝis komputikisto Mary Kenneth Keller. Ŝi estis kunprogramisto de la BASIC-programlingvo kaj kunfondinto de la Asocio de uzantoj de malgrandaj komputiloj en Edukado (angle ASCUE)
18-a de Decembro 1852
Naskiĝas inĝeniero Leonardo Torres Quevedo. Li inventis la ŝakludiston, la unuan mekanikan komputilon kapablan ludi ŝakon, kaj la telekinon, por kontroli aparatojn uzante radiondojn
19-a de Decembro 1945
Naskiĝas fizikisto Claudine Hermann. Specialisto pri solidstata fiziko, ŝi laboris je institucia nivelo por plibonigi la situacion de virinoj en scienco ĝenerale kaj en fiziko precipe
20-a de Decembro 1919
Laŭ la julia kalendaro naskiĝas profesoro pri biokemio kaj verkisto Isaac Asimov. Li publikigis konatajn verkojn de popularscienco kaj sciencfikcio, kiel la serio Fondaĵo aŭ Mi, Roboto
21-a de Decembro 1898
Marie kaj Pierre Curie malkovras radiumon. Foriginte la uranion el specimeno de uraninito, ili observis, ke ĝi ankoraŭ estas radioaktiva pro la ĉeesto de radiumo, nova kemia elemento
22-a de Decembro 2015
La Ĝenerala Asembleo de Unuiĝintaj Nacioj aprobas krei ĉiujaran Internacian Tagon por agnoski la kritikan rolon de virinoj kaj knabinoj en scienco kaj teknologio: la 11-an de februaro
23-a de Decembro 1857
Naskiĝis kemiisto Helen Abbott Michael. Ŝi estas konata kiel la fondinto de fitokemio, esploranta la rilaton inter la kemia komponaĵo de plantoj kaj ilia kresko
24-a de Decembro 1906
Kanada inĝeniero Reginald Fessenden faras la unuan radielsendon kiu inkludis muzikon. Reginald mem ludis per violono la kristnaskan kanton Ho Sankta Nokto
25-a de Decembro 1883
Naskiĝas kemiisto kaj statistikisto Frances Wood. Ŝi komencis labori pri la polimerigo kaj fermentado de vinberoj, poste modifante siajn interesojn direkte al medicina statistiko
26-a de Decembro 2004
Okazas la seismo de Sumatro-Andamanoj (Indonezio), unu el la plej gravaj iam registritaj (9,3 Mw t.e. momant-magnituda skalo). Sekvis giganta cunamo kun pli ol 280 000 mortoj
27-a de Decembro 1924
Naskiĝas la programisto Betty Jean Jennings Bartik. Ŝi estis unu el la originaj programistoj de la ENIAC-komputilo
28-a de Decembro 1890
Naskiĝas biologo Berthe Kolochine-Erber. Ŝi estis fama specialisto pri leptospirozo, zoonoza malsano kaŭzita de la bakterio Leptospira interrogans
29-a de Decembro 1899
Naskiĝas astronomo Vera Fedorovna Gaze. Ŝi studis emisiajn nebulozojn kaj etplanedojn