1-a de Aprilo 1937
Naskiĝas antropologo Teresa del Valle. Ŝi enfokusigis sian esploradon al feminisma kritiko en antropologio, etnografio de memoro, kaj kvalitaj metodologioj
2-a de Aprilo 1935
Fizikisto Robert Watson-Watt akiras patenton por la radarsistemo. Lia esplorado igis radaron esenca instrumento en la Dua Mondmilito
3-a de Aprilo 1841
Entomologo kaj scienca ilustristo Emily L. Morton naskiĝas. Ŝi priskribis la vivciklojn de lepidopteroj, akirante, bredante kaj ilustrante la diversajn vivstadiojn de ĉi tiuj insektoj
4-a de Aprilo 1908
Mikologo Catherine Gross Duncan naskiĝas. Ŝi studis diversajn aspektojn de lignovoraj fungoj, kiel ekzemple sunlumon kaj ĝian efikon sur ĉelan spiradon, la efikon de konserviloj kaj humidecon
5-a de Aprilo 1929
Fizikisto Ivar Giaever naskiĝas. Li demonstris kiel okazas la fenomeno de superkonduktivo kaj ricevis la Nobel-premion pro sia laboro en solidstata fiziko
6-a de Aprilo 1954
Naskiĝas la filozofo Eulalia Pérez Sedeño. Ŝia esplorado fokusiĝis al studoj pri scienco, teknologio kaj genro
7-a de Aprilo 2022
La Linnea Londona Societo premias profesoron Sebsebe Demissew (ĉe Adis-Abeba Universitato) pro lia laboro pri etiopia flaŭro kaj la konservado de tradicia scio
8-a de Aprilo 1896
Konkologiisto Joyce Allan naskiĝas. En 1950 ŝi publikigis Australian Shells (Aŭstraliaj Konkoj), la unuan libron kiu priskribis grandan parton de aŭstraliaj moluskoj
9-a de Aprilo 1921
Biokemiisto Marion Webster naskiĝas. Ŝi izolis la Vi-antigenon de tifo kaj determinis ĝian strukturon
10-a de Aprilo 1899
Forpasas la botanikisto, natursciencisto kaj inĝeniero Mariano de la Bárcena y Ramos. Li estis multfaceta homo, kiu interalie priskribis novajn plantspeciojn kaj nomis du fosiliajn speciojn
11-a de Aprilo 1904
Naskiĝas la biokemiisto kaj neŭrosciencisto Elizabeth Roboz-Einstein. Ŝi rafinis kaj karakterizis la bazan proteinon de mjelino kaj studis ĝian rilaton al malsanoj kiel multobla sklerozo
12-a de Aprilo 1925
Naskiĝas la botanikisto Aino Marjatta Henssen. Ŝi faris gravajn progresojn en la taksonomia scio pri cianolikenoj (simbiozaj asocioj de fungoj kaj cianobakterioj)
13-a de Aprilo 1931
Klinika psikologo Martha E. Bernal naskiĝas. Ŝia klinika laboro ĉefe fokusiĝis al la taksado kaj traktado de infanoj kun kondutaj problemoj
14-a de Aprilo 1896
Naskiĝas la astronomo Priscilla Fairfield Bok. Ŝia libro La Lakta Vojo (1941) estis unu el la plej sukcesaj ĝeneralinteresaj astronomiaj tekstoj iam verkitaj
15-a de Aprilo 1765
La erudiciulo Miĥail Lomonosov mortas. Interalie, li formulis la leĝon de konservo de materio, elstaris en la geografia studo de glaĉeroj kaj fondis la unuan rusan universitaton
16-a de Aprilo 1820
Naskiĝas la matematikisto kaj astronomo Victor Alexandre Puiseux. Li enkondukis novajn metodojn por algebraj funkcioj (ekzemple, la serioj kaj la teoremo de Puiseux) kaj kontribuis al ĉiela mekaniko
17-a de Aprilo 2014
La kosmoteleskopo Kepler de NASA konfirmas la malkovron de la unua planedo samgranda kiel la Tero en la loĝebla zono de alia stelo. Ĝi nomiĝas Kepler-186f
18-a de Aprilo 2013
Sciencisto Azwinndini Muronga ricevas la Premion por Eminenta Internacia Gvidado de la Universitato de Minesoto. Lia esplorado fokusiĝas al relativisma fluidodinamiko
19-a de Aprilo 2023
La Biomedicina Esplorinstituto de la Universitato Stellenbosch, la plej granda biosekureca laboratorio de Afriko, estas inaŭgurita. Oni tie esploras la genetikan kaj molekulan bazon de tuberkulozo kaj aidoso
20-a de Aprilo 1865
Naskiĝas la biokemiisto Mary Louise Foster. Ŝi fondis la Laboratorion Foster ĉe la Rezidejo por Fraŭlinoj (Madrido) por instrui kemiajn teknikojn kaj mildigi la mankon de praktika sperto ĉe la universitato
21-a de Aprilo 1914
Profesoro kaj primatologo Satsue Mito naskiĝas. En 1954 ŝi malkovris la originon kaj disvastiĝon de lavado de batatoj fare de simioj
22-a de Aprilo 1904
Naskiĝas la teoria fizikisto Robert Oppenheimer. Li faris rimarkindajn progresojn en la kampo de fiziko, sed lia nomo estas nedisigeble ligita al la disvolvo de la unuaj nukleaj armiloj
23-a de Aprilo 1907
Geologo kaj pri-korala fakulo Dorothy Hill mortas. Ŝi estis la unua profesorino ĉe aŭstralia universitato, kaj ankaŭ la unua virino kiu prezidis la Aŭstralian Akademion de Sciencoj
24-a de Aprilo 1911
Naskiĝas Irene Sänger-Bredt, fizikisto kaj aerspaca inĝeniero. Dum sia kariero, ŝi konsiladis civilajn kaj armeajn organizaĵojn, esplorinstitutojn kaj universitatojn pri kosmorilataj aferoj
25-a de Aprilo 1903
Naskiĝas la matematikisto Andrej Kolmogorov. Li verkis La Fundamentojn de Probabloteorio kaj influis probabloteorion, aro-teorion kaj nombroteorion
26-a de Aprilo 1920
Memlerninta matematikisto Srinivāsa Aiyangār Rāmānujan mortas. Lia konjekto pri la taŭ-funkcio malfermis novajn esplorvojojn
27-a de Aprilo 2005
La unua flugo de la Airbus A380 okazas en Tuluzo. Ĝi estas konsiderata la plej granda pasaĝera aviadilo de la mondo ĝis nun, estante 73 metrojn longa kaj 24 metrojn alta
28-a de Aprilo 1907
Naskiĝas mikrobiologo Ramona Vaamonde. En septembro 1975, ŝi rapide detektis la komencon de ĥolera epidemio en Santiago-de-Kompostelo, tiel evitante epidemion
