La Pasteur-Instituto kreas la unuan centron por senpaga produktado kaj distribuado de la BCG-vakcino kontraŭ tuberkulozo

Naskiĝas pionira ekologo kaj limnologo Maria Rosa Miracle. Ŝi estis la unua profesorino pri Ekologio en Hispanio (1981) kaj la unua prezidantino de la Hispana Asocio de Limnologio (1993-2002)

Naskiĝas industria dezajnisto Benjamin Bowden. Li faris multajn novigojn en la aŭtomobila kaj bicikla industrioj. Lia plej konata dezajnaĵo estas la futureca biciklo Spacelander

Naskiĝas virologo Mario Rizzetto. Li identigis la deltan antigenon, rekonitan kiel proteinan komponenton de nova virusagento, la hepatito-delta-viruso (HDV)

Naskiĝas kuracisto kaj bakteriologo Hélène Sparrow. Ŝi estis pioniro en tutmonda popola sankuracado kaj laboris pri la disvolvigo de la unua vakcino kontraŭ tifo

Naskiĝas biologo Francisco Bozinovic. Li disvolvis la koncepton de integriga biologio. La specio de marsupia montsimieto Dromiciops bozinovici estis tiel nomata honore al li

Naskiĝas kuracisto Arturo Belleza Rotor. Li priskribis Rotor-sindromon, benignan heredan malsanon, kiu karakteriziĝas per altaj koncentriĝoj de bilirubino en la sango

Lynn Margulis prezentis sian laboron On the Origin of Mitosing Cells. Ĉi tiu biologistino iĝis mondfama pro siaj studoj pri la origino de eŭkariotaj ĉeloj

Unuan fojon oni okazigis la Feston Grace Hopper de Virinoj en Komputiko. Iniciatita de sciencistino Anita Borg, ĝi estas konsiderata la plej granda monda renkontiĝo de komputikistaj virinoj

Naskiĝas kemiistino Margot Becke-Goehring. Ŝia laboro pri tetrasulfura tetranitrido (S4N4) estas rimarkinda. Ŝi ankaŭ malkovris la heptasulfidimidon (S7NH)

Naskiĝas mara zoologo Mary J. Rathbun. Ŝi laboris ĉe la Smithsoniana Instituto, kie ŝi pristudis kaj katalogis marajn senvertebrulojn, priskribante multajn novajn speciojn

Naskiĝas biokemiisto Fritz Albert Lipmann. Li estis kunmalkovrinto de koenzimo A. Pro tio, li ricevis la Nobelpremion pri Fiziologio aŭ Medicino, kune kun Hans Adolf Krebs

Naskiĝas mikrobiologisto Jules Bordet. Li malkovris la bakterion Bordetella pertussis, kiu kaŭzas kokluŝon, ekstreme akutan malsanon de la supra spirsistemo

Naskiĝas biologisto Karl Landsteiner. Li eltrovis kaj identigis sangajn grupojn, pro kio ricevis Nobel-premion

Winifred Mary Beard, fakulino pri la romia civilizo, ricevis la premion Wolfson. La libroj de ĉi tiu elstara disvastiganto alproksimigis klasikaĵojn al la ĝenerala publiko

La kemiisto Henry Roscoe anoncis la izoligon de vanado unuafoje laŭ ĝia pura stato

Nederlanda kartografo kaj esploristo Willem Barentsz eltrovas la arktan insularon Spicbergon (Spitsbergen)

Michael Pariza kaj liaj kunlaborantoj verkis sciencan artikolon priskribanta, unuafoje, la kontraŭkancerogenan efikon de konjugaciita linoleika acido ĉeestanta en la graso de remaĉuloj

Naskiĝas kemiisto Thérèse Tréfouël. Ŝi kun-eltrovis la terapiajn trajtojn de sulfonamidoj, komencante per Prontosil, la unua sinteza medikamento kun ampleksa kontraŭbakteria efiko

Naskiĝas astronomo María Luisa Aguilar Hurtado. Ŝi estis la unua profesia ina astronomo en Peruo, kie ŝi fondis la Seminarion pri Astronomio kaj Astrofiziko, kies direktoro ŝi estis

Nur 22-jaraĝa, Odón de Buen kreis la unuan hispanan laboratorion pri oceanografio. Li instalis ĝin sur la fregato La Blanca

Fizikistoj Tsung-Dao Lee kaj Chen Ning proponis ke kelkaj partikloj estas maldekstrumaj (ilia angula momanto montras direkton kontraŭan al ilia rapido) dum aliaj estas dekstrumaj

Naskiĝas fizikisto Jane Hamilton Hall. Ŝi kontrolis la konstruadon kaj ekfunkciigon de la unua nuklea reaktoro. La nomata Clementine uzis hidrargon kiel fridigaĵon kaj plutonion kiel metalan fuelon

Dolors Planas defendis sian doktorigan tezon Limnologio de la Lago Banyoles: distribuado de fitoplanktono. Tiel ŝi iĝis la unua virino, kiu doktoriĝis pri Ekologio en Hispanio

Mortas komputikisto kaj matematikisto Annie Easley. Ŝi estas konata pro sia laboro en la pluevoluigo de softvaro por la Centaŭro-raketoj de NASA

Mortas Nasir al-Din al-Tusi. Li estas konsiderata la unua matematikisto, kiu taksis trigonometrion kvazaŭ disciplino sendependa de pura matematiko

Naskiĝas patologiistino Dorothy Stuart Russell, pioniro en histokulturo por studi cerbajn tumorojn kaj monda aŭtoritato en la kampo de neŭro-onkologio

Naskiĝas la kuracisto, anatomiisto kaj antropologo Paul Broca. Li eltrovis la centron de parolado –la areon de Broca – ĉe afaziuloj, kaj ke diversaj partoj de la cerbo plenumas diversajn funkciojn

Naskiĝas sunastronomo Ľudmila Pajdušáková. Ŝi eltrovis plurajn periodajn kaj neperiodajn kometojn, tiel kiel 45P/Honda-Mrkos-Pajdušáková, C/1946 K1, C/1951 C1 kaj C/1953 X1

Naskiĝas sciencisto Peter J. Van Soest. Li revoluciis la manieron kiel esploristoj mezuras la nutrovaloron de fibrecaj nutraĵoj por remaĉuloj