Naskiĝas aviada pioniro Amy Johnson. Ŝi atingis plurajn longdistancflugajn rekordojn, ekzemple fariĝinte la unua virino kiu flugis sola de Britio al Aŭstralio

Mortas la humanisto Elio Antonio de Nebrija. Li estas unu el la plej elstaraj lingvistoj de la hispana lingvo. En 1492 li publikigis la unuan gramatikon de tiu ĉi lingvo

Japanaj esploristoj evoluigas hepaton el praĉeloj kaj sukcese transplantas ĝin en musojn

La surterigilo de la kosmoveturilo Mars Pathfinder (NASA) alteriĝas sur Marson. La surterigilo poste liberigis esplorveturilon, kiu faris multajn eksperimentojn sur la marsa surfaco

Naskiĝis astronomo Louise Freeland Jenkins. Ŝi estis konata pro sia esplorado pri la trigonometria paralakso de proksimaj steloj. Ŝi ankaŭ studis variajn stelojn

Naskiĝas biokemiisto Mária Wollemann. Ŝi fakiĝis pri neŭrokemio kaj neŭrofarmakologio kaj esploris, interalie, opioidajn ricevantojn

Naskiĝas biologo Rose Epstein Frisch. Ŝi eltrovis, ke malalta nivelo de korpa graso estas faktoro kontribuanta al malfekundeco

Naskiĝas farmacia kemiisto John Stith Pemberton. Li inventis trinkaĵon bazitan sur kokafolioj kaj kolanukso por vendado en apotekoj, kvankam ĝi fariĝos pli fama kiel refreŝigaĵo: Kokakolao

Naskiĝas matematikisto Kathleen Booth. Inter ŝiaj multaj kontribuoj, ŝi kundezajnis unu el la unuaj funkciantaj komputiloj kaj verkis unu el la unuaj libroj pri komputildezajno

La unua prototipo de la raketo Troposphère estas lanĉita. La programo Troposphère, centprocente disvolvita en la Demokratia Respubliko Kongo, celas povi lanĉi satelitojn el tiu lando

Oni oficiale anoncas la arkeologian eltrovon de la armeo de terakotaj militistoj gardantaj la tombon de Qin Shi Huang, proksime de la urbo Xi’an (Ĉinio)

Kemiistoj William Ramsay kaj Morris Travers malkovras ksenonon (atomnumero 54) en restaĵoj de likvigita aero. Ĝi elsendis bluan brilon kiam estiĝis sparko en vakutubo

Naskiĝas astronomo Mary Lea Heger. Ŝi faris gravajn eltrovojn pri la interstela medio. Ŝi estis la eltrovinto, en 1922, de la interstelaj difuzaj bendoj

La firmao por esplorado, evoluo kaj distribuo de videoludoj Nintendo premiere prezentas Mario Bros. Ĉi tiu ludileja videoludo estis kreita de Mijamoto Ŝigeru kaj Jokoi Gunpei

Fondiĝas la Reĝa Nacia Akademio de Medicino de Hispanio. Inter ĝiaj celoj estas konsili instituciojn pri aferoj ligitaj al medicino, sano kaj sanservo

Usona registaro efektivigas la teston Trinity. Ĝi estis la unua provo de nuklea armilo en la historio. La loĝantoj de la areo ne estis avertitaj aŭ evakuitaj malgraŭ la ebla risko

Naskiĝas geologo kaj paleontologo Amanz Gressly. Li estas konsiderata unu el la fondintoj de moderna stratigrafio kaj paleoekologio

Naskiĝas sciencisto Satō Nobuhiro. Li provis integri la okcidentan sciencon (precipe astronomion) kun japana politika kaj filozofia penso

Publikiĝas la unua tridimensia rekonstruo de homa kranio uzanta komputilan tomografion (KT)

Mortas matematikisto John Playfair. Li publikigis komentitan eldonon de Elementoj de Eŭklido en 1795 en kiu li uzis algebran notacion por mallongigi pruvojn

La aerospaca stacio en Fresnedillas (Madrido) fariĝas la unua ricevanta la signalon de la surluniĝo de Apollo 11. El tie la signalo estis plusendata al NASA en Houston (Usono)

Monda Tago de la Cerbo. Ĝi celas konsciigi pri la prizorgado de ĉi tiu esenca organo de la homa korpo kaj pri la graveco de preventado de malsanoj kaŭzantaj ĝian difektadon

Astronaŭto Sally Ride mortas. Kune kun sia amatino, Tam O’Shaughnessy, ŝi fondis la firmaon Sally Ride Science por antaŭenigi edukadon en scienco kaj teknologio, kun speciala fokuso sur knabinoj

Naskiĝas genetikisto Trefor Jenkins. Li estas konata pro sia laboro pri genetikaj markoj, kio helpis klarigi la originojn de diversaj indiĝenaj grupoj en Afriko

Kosmonaŭto Svetlana Savickaja iĝas la unua virino kiu eksterveturile eliris en la spacon. Ŝia kosmopromenado daŭris tri horojn kaj tridek kvin minutojn

Naskiĝas scienca ilustristo Pauline Rifer de Courcelles. Ŝiaj pentraĵoj de birdoj ilustras ornitologiajn verkojn de zoologo Anselme Gaëtan Desmarest kaj natursciencisto Coenraad Jacob Temminck

Naskiĝas Marguerite Augusta Marie Löwenhielm. Ŝi studis la efikecon de novaj vinberaj varioj por postvivado je la filoksera plantopesto, kiu en ŝia epoko ruinigadis la vinberajn kultivojn

Naskiĝas Nobelpremiito Baruch S. Blumberg. Li identigis la viruson de hepatito B kaj evoluigis ties vakcinon. En lia honoro estas festata hodiaŭ la Monda Tago de Hepatito

Naskiĝas botanikisto George C. Clerk. Li estis pioniro de plantpatologio en Ganao kaj la tuta Okcidentafriko. Li ankaŭ esploris la fungologion kaj ekologion de tiu ĉi regiono

Naskiĝas botanikisto kaj ilustristo Matilda Smith. Ŝi estis precipe admirata pro sia kapablo krei kredindajn ilustraĵojn el sekigitaj, platigitaj, kaj foje neperfektaj specimenoj

Mortas agronomo Melaku Worede. Li konstruis unu el la plej bonaj semkonservadcentroj en la mondo, protektante la genetikan riĉecon de Etiopio, kiu inkludas sekec-tolerajn kultivaĵojn