1-a de Marto 2011
Lanĉo de la Afrika Societo por Klinikaj Laboratoriaj Sciencoj (ASLM). Ĝia celo estas plibonigi la aliron al altkvalita laboratoria medicino kaj diagnozaj servoj en Afriko
2-a de Marto 1840
Kuracisto kaj astronomo Heinrich Olbers mortas. Li prezentis la paradokson de Olbers: en statika kaj senfina universo, la nokta ĉielo devus esti tute hela, sen mallumaj regionoj
3-a de Marto 1919
Biologo Anita Hoffmann Mendizábal naskiĝas. Ŝi estis pioniro en la studo de araneoidoj kaj akaroj en Meksiko kaj kunmetis kolekton de pli ol 100 000 akaraj specimenoj
4-a de Marto 2021
Sciencisto Duni Sawadogo ricevas la premion Harambee. Specialiĝinte pri hematologio, ŝi estas konata pro batalado kontraŭ komerco de falsaj medikamentoj, kiuj damaĝas ĉefe virinojn kaj infanojn
5-a de Marto 1915
Naskiĝas la matematikisto Laurent Schwartz. Li estis unu el la grandaj francaj matematikistoj de la 20-a jarcento kaj la unua, kiu ricevis la Medalon Fields (pro sia laboro pri teorio de distribucioj)
6-a de Marto 1915
Naskiĝas la matematikisto Kunihiko Kodaira, gajninto de la Medalo Fields. Li estas konata pro siaj kontribuoj al algebra geometrio kaj la teorio de kompleksa sternaĵo
7-a de Marto 1792
La matematikisto kaj astronomo John Herschel naskiĝas. Li faris progresojn ankaŭ en la fako fotografio, kiel ekzemple la inventon de cianotipo, unukolora fotografia procezo en prusa bluo
8-a de Marto 1913
Naskiĝas la botanikisto Luz María Villarreal de Puga. Ŝi malkovris la plurjarajn maizvariaĵojn Zea perennis en Ciudad Guzmán kaj Zea diploperennis en la montaro Manantlán
9-a de Marto 1910
Bakteriologo Nancy Atkinson naskiĝas. Ŝi specialiĝis pri la studo de la bakterio Salmonella. Ŝi ankaŭ laboris pri la disvolvo de antibiotikoj kaj vakcinoj kaj la izolado de la poliomjelito-viruso
10-a de Marto 1912
Naskiĝas la geografo, arkeologo kaj historiisto Josefina Oliva Teixell. Ŝi verkis plurajn librojn pri historio kaj geografio kaj ankaŭ tradukis verkojn de la antropologo Laurette Sejourné en la hispanan
11-a de Marto 1936
D-ro Harald zur Hausen naskiĝas. Li ricevis Nobel-premion pro malkovro, ke la homa papiloma viruso estas la ĉefa kaŭzo de uterkola kancero
12-a de Marto 1940
Naskiĝas biologo Aida González de Infante. Ŝi fariĝis specialisto pri limnologio, kaj faris elstarajn studojn pri planktono en la kontinentaj akvoj de la amerika kontinento
13-a de Marto 1855
Naskiĝas la amatora astronomo Percival Lowell. Li dediĉis jarojn al observado de Marso. Li ankaŭ dediĉis siajn klopodojn al serĉado de Planedo X, la hipoteza planedo preter Neptuno
14-a de Marto 2018
Forpasas teoria fizikisto, kosmologo kaj scienca komunikisto Stephen Hawking. Li estis plej konata pro sia esplorado pri nigraj truoj
15-a de Marto 1874
Naskiĝas la meteologo Wasaburo Oishi. Li estas konata pro la malkovro de alt-altitudaj ĵetfluoj. Celante atingi internacian publikon, li publikigis siajn raportojn en Esperanto
16-a de Marto 1890
Naskiĝas Lelio Olchese Zeno, kuracisto. Fakulo pri traŭmatologio, li estas konata, interalie, pro la disvolvo de metodoj por trakti kubutajn frakturojn ĉe infanoj
17-a de Marto 1993
Biofizikisto Alexandre Quintanilha estas agnoskita kiel Granda Oficiro de la Militista Ordeno de Sankta Jakobo de la Glavo. Post akiro de sia doktoreco pri solidstata fiziko, li redirektis sian karieron al biologio
18-a de Marto 1922
Astronomo Karl Wilhelm Reinmuth malkovras la asteroidon Aralia (973). Ĝi estas nomita laŭ la planto aralio, indiĝena en Azio kaj Ameriko
19-a de Marto 1893
Naskiĝas arkeologo Gertrud Dorka. Dum la 1950-aj jaroj, ŝi direktis elfosadojn en Berlino, urbo ankoraŭ en procezo de rekonstruo post la Dua Mondmilito
20-a de Marto 2026
Monda Tago de Buŝ-denta Sano. La Internacia Dentista Federacio adoptis ĉi tiun tagon por levi konscion pri la efiko de buŝaj malsanoj sur ĝenerala sano kaj bonfarto
21-a de Marto 1920
Naskiĝas la kristalografo kaj scienchistoriisto Gabrielle Donnay. Fakulo pri strukturo kaj kemio de kristaloj, ŝi dediĉis parton de sia kariero al kompilado de esploroj pri kristalografio
22-a de Marto 2018
Pediatro kaj epidemiologo Heather Zar estas agnoskita per la premio L’Oréal-UNESKO pro sia esplorado pri infana sano, precipe pri spiraj malsanoj kiel astmo kaj pulminflamo
23-a de Marto 1899
Naskiĝas entomologo Amelia Tonon. Ŝi analizis la evoluon kaj fiziologion de vitelĉeloj, pritraktis embriajn anomaliojn, kaj studis la fenomenon albinismon
24-a de Marto 1920
Naskiĝas la geolog-inĝeniero Josefa Cuevas Aguilar. Ŝi dediĉis sian profesian karieron al mikropaleontologio, precipe ĉe la Meksika Nafto-Instituto
25-a de Marto 1924
Naskiĝas komputikisto Charlotte Davis Mooers. Ŝi estis kuninventinto de aparato por selekti trukartojn uzatajn por informserĉado uzante zato-kodadon
26-a de Marto 2002
Doktoro Odile Schweisguth mortas. Ŝi estas konsiderata la fondinto de pediatria kancerologio en Eŭropo. Ŝi kreis la unuan porinfanan kancersekcion ĉe la Instituto Gustave Roussy
27-a de Marto 2006
Sciencfikcia verkisto Stanisław Lem mortas. Liaj libroj esploras la lokon de la homaro en la universo kaj ĝiajn limojn, inkluzive de la defioj de komunikado kun aliaj estaĵoj
28-a de Marto 1901
Naskiĝas la paleobotanikisto Suzanne Leclercq. Ŝi estas konata ĉefe pro sia studo de plantoj el la devonia periodo
29-a de Marto 1869
Naskiĝas la antropologo Aleš Hrdlička. Interalie, li formulis la teorion, laŭ kiu homoj alvenis en Amerikon el Azio transirante la Beringan Markolon
