1-a de Aŭgusto 1992
La Monda Organizaĵo pri Sano kaj la Fonduso de Unuiĝintaj Nacioj por Infanaro (UNICEF) establas Mondan Semajnon de Patrina Mamnutrado. Ĉiujare ĝi estas festata en pli ol 120 landoj
2-a de Aŭgusto 1882
Naskiĝas arkeologo Juan Cabré Aguiló. Elstaras liaj studoj pri la popoloj de kelta kulturo kaj la roka arto de centra Hispanio. Ekzistas muzeo en lia honoro en Calaceite (Aragono)
3-a de Aŭgusto 1811
Naskiĝas inventinto Elisha Graves Otis. Li evoluigis sekurecan aparaton por liftoj, malhelpante ilian koliziadon kun la grundo en la okazo de falo
4-a de Aŭgusto 1918
Naskiĝas kristalografo Lieselotte Templeton. Ŝi laboris pri la programo de analiza alsorbado AGNOST (poste nomata ABSOR), kiu helpis eltrovi kristalajn strukturojn de kunmetaĵoj de pezaj elementoj
5-a de Aŭgusto 1991
Forpasas inĝeniero Sōichirō Honda. Amanto de motorcikloj, li fondis en 1946 la Instituton Honda por Teknika Esploro kaj, du jarojn poste, la kompanion Honda Motor, por fabriki motorciklojn
6-a de Aŭgusto 2015
Oni inaŭguras la ampleksigon de la Suez-kanalo (Egiptio). Ĉi tiu elstara laboro de inĝenierado faciligas vojaĝadon inter Mediteraneo kaj Hinda Oceano, reduktante la koston kaj mediajn sekvojn de komerco
7-a de Aŭgusto 1925
Naskiĝas agronomo Mankombu Sambasivan Swaminathan. Li estas tutmonde agnoskata kiel unu el la gvidantoj de la Verda Revolucio
8-a de Aŭgusto 1786
La Blanka Monto en Alpoj estas grimpata por la unua fojo, fare de Michael-Gabriel Pacard kaj Jacques Balma. Pacard volis observi la funkciadon de aneroida barometro ĉe tia alteco
9-a de Aŭgusto 1602
Naskiĝas matematikisto Gilles Personne de Roberval. Li inventis la Roberval-pesilon, du-vektan pesilon en kiu la tasoj estas lokigitaj super la vekto
10-a de Aŭgusto 1913
Naskiĝas fizikisto Wolfgang Paul. Li evoluigis la jonkaptilon kune kun Hans Georg Dehmelt. Ĉi tiu tekniko ebligas la studon de elementaj partikloj kaj kompreni radioaktivajn frekvencojn
11-a de Aŭgusto 1930
Naskiĝas geologo Urve Miller. Ŝi estis pioniro en uzado de skana elektrona mikroskopo por la studo de diatomeoj kaj en determinado de la ĉeesto de antaŭglaciepokaj sedimentoj en Svedio
12-a de Aŭgusto 1944
Arabisto Miguel Asín Palacios mortas. Li studis islaman filozofion kaj la rilatojn kiuj ligis islaman kaj kristanan kulturojn
13-a de Aŭgusto 1866
Naskiĝas arkeologo Madeleine Colani. Ŝi malkovris la Hoabinhan kulturon en Vjetnamio kaj esploris la Plataĵon de la Kruĉoj en Laoso
14-a de Aŭgusto 1910
Naskiĝas astronomo Nüzhet Gökdoğan. Ŝi kunfondis la Turkan Matematikan Societon, la Turkan Astronomian Asocion, kaj la Turkan Asocion de Universitataj Virinoj
15-a de Aŭgusto 1927
Naskiĝas statistikisto Kimiko Osada Bowman. Ŝi estas precipe memorata pro sia helpo al handikapuloj per la uzado de statistikaj raportoj
16-a de Aŭgusto 1905
Naskiĝas mikrobiologo Sarah Stewart. Pioniro en la kampo de virus-onkologia esplorado, ŝi pruvis, ke kancer-kaŭzantaj virusoj povas propagiĝi de unu besto al alia
17-a de Aŭgusto 1881
Naskiĝas geologo Anna Jonas Stose. Ŝi mapis la Apalaĉan Montaron, kie ŝi dokumentis la strukturon kaj elmetadon de rokformacioj, kaj spuris kristalajn ŝtonojn
18-a de Aŭgusto 1994
Mortas biokemiisto Richard L. M. Synge. Kune kun Archer Martin, li ricevis la Nobelpremion pri Kemio pro la evoluigado de dispartiga kromatografio
19-a de Aŭgusto 2014
Forpasas kuracisto Ameyo Stella Adadevoh. Ŝi kontrolis la propagiĝon de la Ebola viruso en Niĝerio per sia firmeco en la kvarantenigo de nulpaciento, Patrick Sawyer. Ŝi mortis pro lia kontaĝo
20-a de Aŭgusto 1955
Dorothy Crowfoot Hodgkin kaj kunlaborantoj publikigas en revuo Nature la tridimensian strukturon de vitamino B12. Tio estis ŝlosila por kompreni ĝiajn funkciojn kaj igis ŝin gajni la Nobel-premion
21-a de Aŭgusto 2024
Mortas instruisto pri matematiko William Smith. Li estas konata pro sia scienceduka programo The learning channel (La lernkanalo)
22-a de Aŭgusto 1919
Naskiĝas matematikisto Vera Martha Winitzky. Ŝi sistemigis, studis kaj disvastigis la koncepton de metala nombro (kiu ĝeneraligas la koncepton de la ora nombro) kaj ankaŭ laboris pri fraktala geometrio
23-a de Aŭgusto 1984
Kamoya Kimeu, membro de la teamo de paleoantropologoj direktitaj de Richard Leakey, eltrovas la tiel nomatan infanon de Turkana aŭ infanon de Nariokotome. Oni kredas ke temas pri ekzemplero de Homo ergaster
24-a de Aŭgusto 1948
Naskiĝas matematikisto María Inés Baragatti. Ŝiaj videoj pri matematiko sensacias ĉe Jutubo kaj Tiktoko kaj atingas milionon kaj duonon da spektadoj
25-a de Aŭgusto 1910
Naskiĝas inventinto Arnold Neustadter. Specialisto pri oficeja teknologio, li inventis la rolodex, alfabetigitan sliparon el rotaciantaj slipoj, kaj la swivodex, neelverŝeblan inkujon
26-a de Aŭgusto 1918
Naskiĝas matematikisto Katherine Johnson. Konata pro sia precizeco pri astronomia navigado, ŝi kalkulis la trajektorion por Projekto Mercury (1961) kaj por la flugo de Apollo 11 al la Luno (1969)
27-a de Aŭgusto 1958
Naskiĝas kosmonaŭto kaj mekanika inĝeniero Sergej Krikaljov. Li estas konata kiel la lasta civitano de Sovetunio ĉar li travivis ĝian falon dum li troviĝis en la kosmostacio Mir
28-a de Aŭgusto 1902
Naskiĝas inĝeniero Arthur Casagrande. Pioniro pri grunda mekaniko, li dezajnis la Casagrande-kuleron, instrumenton por determini la likvan limon de grunda specimeno
29-a de Aŭgusto 1831
Fizikisto Michael Faraday faras la eksperimenton kiu markas la eltrovon de elektromagneta indukto. El tiuj observoj rezultis la leĝo de Faraday
