1-a de Novembro 1755
Okazas la Granda Lisbona Tertremo. La serĉado de scienca klarigo kunigis gravan aron de specialistoj kaj kreis la fundamentojn de la moderna seismologio
2-a de Novembro 1954
Naskiĝas biologo Pere Alberch. Li direktis la Nacian Muzeon de Natursciencoj de Hispanio, reformis la esplordepartementojn, instigis la modernigon de la kolektoj kaj organizis stimulajn ekspoziciojn
3-a de Novembro 1887
Naskiĝas geologo Eileen Hendriks. Kvankam ŝi ne povis aliri profesian kategorion akorde kun sia trejnado, ŝi estis premiita pro sia laboro pri la geologio de Devono kaj Kornvalo (Britio)
4-a de Novembro 1933
Naskiĝas elektrinĝeniero kaj nobelpremiito Charles Kuen Kao. Li estis pioniro en la evoluo kaj uzado de optika fibro en telekomunikado
5-a de Novembro 1947
Naskiĝas marbiologo kaj oceanografo Sallie W. Chisholm. Kuneltrovinto de la plej abunda mara fitoplanktono, Prochlorococcus, ŝi estas fakulo pri la ekologio kaj evoluo de oceanaj mikroboj
6-a de Novembro 1886
Naskiĝas astronomo Ida Barney. Ŝi estas konata pro siaj 22 volumoj da astrometriaj mezuradoj de 150 000 steloj
7-a de Novembro 2019
Mortas la biokemiisto Margarita Salas. Ŝi antaŭenigis molekulan biologion en Hispanio kaj izolis la enzimon DNA-polimerazon de bakteriofago fio-29. Tiu eltrovaĵo ebligis la multigadon de DNA
8-a de Novembro 1917
Naskiĝas sciencisto Kamal Ranadive. Ŝi establis la unuan histokulturan esplorlaboratorion de Barato kaj estas konata pro sia laboro pri la rilato inter kanceroj kaj virusoj
9-a de Novembro 1850
Naskiĝas Ignacio Bolívar, unu el la plej brilaj entomologoj de sia tempo. Kiel direktoro de la Nacia Muzeo de Natursciencoj de Hispanio, li rehavigis al ĝi la brilon, kiun ĝi ĝuis en siaj komencoj
10-a de Novembro 1935
Naskiĝas teoria astrofizikisto kaj kosmologo Igor Novikov. Li formulis la Novikov-principon de memkohero, por solvi la problemojn de paradoksoj rilate la tempovojaĝadon
11-a de Novembro 1930
Patento US1781541 estas havigita al Albert Einstein kaj Leó Szilárd por ilia invento: la Ejnŝtejn-fridujo. Dum jaroj, ambaŭ fizikistoj laboris por plibonigi hejmmalvarmigan teknologion
12-a de Novembro 1926
Naskiĝas biokemiisto kaj nutristo Taneko Suzuki. Ŝi estis fakulo pri proteinkemio kaj en la evoluo de manĝaĵoj el fiŝproteinoj, kiel la Marinbeef-koncentraĵo
13-a de Novembro 1893
Naskiĝas botanikisto kaj bibliotekisto Mary Ellinor Lucy Archer. Ŝi instigis la enkondukon de universala dekuma klasifiko ĉe la aŭstralia esplorinstitucio CSIRO kaj pioniris la koncepton de interbibliotekaj pruntoj
14-a de Novembro 1962
Naskiĝas Fang Fang Kullander. Rekonita pro siaj kontribuoj al akvokulturo en Ĉinio kaj al scio pri la enlandaj akvoj de Mjanmao, ŝi fondis la ĉin-eŭropan projekton ECOCARP
15-a de Novembro 1888
Naskiĝas bestkuracisto Agnes Sjöberg. Ŝi estas konsiderata la unua eŭropanino, kaj verŝajne la unua virino en la mondo, kiu defendis sian doktorigan tezon pri veterinara medicino (pri ĉevala okulsekrecio)
16-a de Novembro 1974
La Arecibo-Mesaĝo estas sendita en kosman spacon el la Areciba Radioteleskopo (en Porto-Riko). Ĝi inkluzivas datumojn pri la situacio de la sunsistemo, la Tero kaj la homo
17-a de Novembro 1935
Doktoro Matilda Evans mortas. Ŝi aktivis por pli bona sanservo por afrik-usonanoj, precipe geinfanoj
18-a de Novembro 1863
Naskiĝas la naturisto kaj oceanografo Odón de Buen. Inter liaj multnombraj kontribuoj, tiu, kiu plej transdaŭris, estas la kreado de la Hispana Instituto pri Oceanografio en 1914
19-a de Novembro 1847
Naskiĝas mikrobiologo Carl Friedländer. Li identigis la bakterion Klebsiella pneumoniae, kiu kaŭzas pulminflamon. Ĉi tiu bakterio estas konata kiel la bacilo de Friedlander
20-a de Novembro 1984
Fondiĝas la Instituto SETI, neprofitcela organizaĵo dediĉita al la serĉado de inteligenta vivo en la Universo
21-a de Novembro 1871
Naskiĝas la kuracisto Clotilde-Camille Deflandre. Ŝi estas konata pro malkovro, kune kun Paul Carnot, de eritropoetino, la ĉefa natura stimulilo de produktado de ruĝaj globuloj (eritrocitoj)
22-a de Novembro 1880
Naskiĝas kemiisto Pauline Ramart. Ŝiaj verkoj pritraktas la rilaton inter la spektro de ultraviola radiado kaj kemiaj reakcioj ligitaj al radiologio
23-a de Novembro 1927
Kemia inĝeniero Erik Rotheim patentas la unuan aerosolujon kun valvo, kiu kapablis enteni kaj liveri produktojn kaj propulsajn sistemojn. Ĝi estis la antaŭulo de la moderna ŝprucigilo
24-a de Novembro 1914
Naskiĝas fizioterapiisto Bessie Blount Griffin. Ŝi instruis novajn manierojn plenumi ĉiutagajn taskojn al iamaj soldatoj kun handikapitaj manoj kaj inventis manĝsistemon por amputitoj
25-a de Novembro 1937
Naskiĝis statistikisto Martha Bilotti-Aliaga. Ŝi disvolvis novigajn metodojn por instruado de statistiko, vekante la kritikan spiriton kaj rezonadon inter siaj studentoj
26-a de Novembro 1907
Naskiĝas botanikisto kaj limnologo Ruth M. Patrick. Ŝi estis pioniro en uzado de diatomeoj por diagnozi la sanon de dolĉakvaj ekosistemoj
27-a de Novembro 2021
La kverko (Quercus robur L.) de la Arbaro de la Bankedo de Conxo gajnas la konkurson Arbo de la Jaro en Hispanio 2022. Pli ol 250-jara, ĝi estis defendita de verkistino Rosalía de Castro en pionira ekologia iniciato
28-a de Novembro 1924
Naskiĝas agrikultura inĝeniero Johanna Döbereiner. Ŝi pristudis la biologian nitrogenfiksadon, helpante redukti dependecon de nitrogensterkaĵo en sojfabkultivaĵoj en Brazilo