Laborategi klinikoko zientzien Afrikako sozietatea (ASLM) jarri zen abian. Afrikan, kalitatezko laborategiko medikuntza eta diagnostikoko zerbitzuetarako sarbidea hobetzea du xede

Heinrich Olbers mediku eta astronomoa hil zen. Olbers paradoxa planteatu zuen: unibertso estatiko eta infinitu batean, gaueko zeruak erabat distiratsua izan beharko zukeen, argirik gabeko eskualderik gabe

Anita Hoffmann Mendizábal biologoa jaio zen. Aitzindaria izen zen araknidoen eta akaroen azterketan Mexikon, eta ehun mila akaro aleko bilduma akarologikoa egin zuen

Duni Sawadogo zientzialariak Harambee saria jaso zuen. Hematologian espezialista da, eta ezaguna zen nagusiki emakumeak eta adingabeak kaltetzen dituzten botika faltsuen trafikoaren aurka borrokatzeagatik

Laurent Schwartz matematikaria jaio zen. XX. mendeko frantziar matematikari handietako bat izan zen, eta Fields domina eskuratu zuen lehena (banaketen teoriari buruz egin zituen lanengatik)

Kunihiko Kodaira matematikaria jaio zen, Fields dominaren irabazlea. Geometria aljebraikoan eta barietate konplexuaren teorian egindako ekarpenagatik da ezaguna

John Herschel matematikari eta astronomoa jaio zen. Argazkigintzaren arloan ere aurrerapenak egin zituen, hala nola zianotipia asmatu zuen, Prusiako urdin kolorean egindako argazki prozedura monokromoa

Luz María Villarreal de Puga botanikaria jaio zen. Zea perennis arto iraunkorrak aurkitu zituen Ciudad Guzmánen, eta Zea diploperennis Manantlán mendilerroan

Nancy Atkinson bakteriologoa jaio zen. Salmonella bakterioaren ikerketan espezializatu zen. Halaber, antibiotikoen eta txertoen garapenean lan egin zuen, baita poliomielitisaren birusa isolatzen ere

Josefina Oliva Teixell geografo, arkeologo eta historialaria jaio zen. Historiari eta geografiari buruzko zenbait liburu idatzi zituzten, eta Laurette Sejourné antropologoaren obrak itzuli zituen gaztelaniara

Harald zur Hausen medikua jaio zen. Nobel saria jaso zuen umetoki lepoko minbiziaren eragile nagusia den giza papilomaren birusa aurkitzeagatik

Aida González de Infante biologoa jaio zen. Limnologian espezializatu zen, eta Amerika kontinenteko ur kontinentaletako planktonari buruzko azterlan nabariak egin zituen

Percival Lowell astronomo afizionatua jaio zen. Urte askoz behatu zuen Marte. Gainera, X Planeta bilatzeko ahaleginak egin zituen, Neptunotik haragoko planeta hipotetikoa

Stephen Hawking fisiko teorikoa, kosmologoa eta dibulgatzaile zientifikoa hil zen. Zulo beltzei buruzko ikerketengatik da ezaguna

Wasaburo Oishi meteorologoa jaio zen. Altitude altuetako jet korronteak aurkitzeagatik da ezaguna. Nazioarteko audientziara iristeko asmoz, txostenak esperantoz argitaratzen zituen

Lelio Olchese Zeno medikua jaio zen. Traumatologian espezializatu zen, eta, besteak beste, adingabeetan ukondoko hausturak tratatzeko metodoak garatzeagatik da ezaguna

Alexandre Quintanilha biofisikaria Ezpataren Done Jakueren Ordena Militarraren Ofizial Nagusi aitortu zuten. Egoera solidoaren fisikan doktore bihurtu ondoren, biologiara bideratu zuen bere ibilbidea

Karl Wilhelm Reinmuth astronomoak Aralia (973) asteroidea aurkitu zuen. Jatorriz Asiakoa eta Amerikakoa den aralia landareari zor dio izena

Gertrud Dorka arkeologoa jaio zen. 1950eko hamarkadan, Berlingo indusketak zuzendu zituen. Hiri hori berreraikuntza fasean zegoen oraindik, Bigarren Mundu Gerraren ostean

Aho-hortzen Osasunaren Mundu Eguna. Hortzen Nazioarteko Federazioak egun hori ezarri zuen ahoko gaixotasunek osasun orokorrean eta ongizatean dituen inpaktuei buruz kontzientziatzeko

Gabrielle Donnay kristalografoa eta zientziaren historialaria jaio zen. Kristalen egituran eta kimikan aditua zen, eta bere ibilbidearen zati handi bat kristalografiako ikerketak biltzera bideratu zuen

Heather Zar pediatra eta epidemiologoari L’Oréal-UNESCO saria eman zioten haurren osasunaren arloan egindako ikerketengatik, bereziki asma, pneumonia eta antzeko arnas gaixotasunetan

Amelia Tonon entomologoa jaio zen. Zelula bitelinoen bilakaera eta fisiologia aztertu zituen, anomalia enbrionarioak landu zituen eta albinismoaren fenomenoa ikertu zuen

Josefa Cuevas Aguilar ingeniari geologoa jaio zen. Ibilbide profesionala mikropaleontologiara bideratu zuen, bereziki Mexikoko Petrolioaren Institutuan

Charlotte Davis Mooers informatikaria jaio zen. Zato kodetzearen bitartez informazioa berreskuratzeko erabiltzen ziren txartel zulatuak hautatzeko gailu bat asmatu zuen, beste batzuekin batera

Odile Schweisguth medikua hil zen. Europako onkologia pediatrikoaren sortzailetzat hartzen da. Lehenengo haurren minbizi saila sortu zuen Gustave Roussy Institutuan

Stanisław Lem zientzia-fikziozko lanen idazlea hil zen. Lemen liburuek gizateriak unibertsoan duen lekua eta haren mugak aztertzen dituzte, baita beste izaki batzuekin komunikatzeko arazoak ere

Suzanne Leclercq paleobotanikaria jaio zen. Devoniar garaiko landareak ikertzeagatik da ezaguna funtsean

Aleš Hrdlička antropologoa jaio zen. Besteak beste, gizakiak Amerikara Asiatik Bering itsasartetik iritsi zirelako teoria egin zuen

Alexandra Olaya Castro fisikari teorikoa jaio zen. Fisika kuantiko biomolekularrean egindako lanagatik eta fotosintesiaren efektu kuantikoei buruzko ikerketagatik da ezaguna

Lipodistrofiaren Mundu Eguna. Lipodistrofiek eragiten duten osasun publikoko arazoei buruzko sentsibilizatzea da asmoa. Lipodistrofiak ehun adiposoa galtzea dakarten gaixotasunen multzoa da