Abu’l-Wafa matematikari eta astronomoa hil zen. Tangente funtzioa proposatu zuen, trigonometria taulak kalkulatzeko metodoak hobetu zituen eta geometria esferikorako sinuaren formula aurkitu zuen

Mário Schenberg jaio zen, Brasilgo fisikari teorikorik garrantzitsuena. Bereziki ezagunak dira izarrak ulertzeko egin zituen oinarrizko ekarpenak

Karl Benzek ofizialki Benz Patent Motorwagen patentea egin zuen, barne errekuntzako motor bidez autopropultsatutako lehenengo automobilarena

Carme Torras Genís matematikaria jaio zen. Aditua da adimen artifizialean eta robotikan; robotika asistentzialari buruzko ikerketa uztartu du idazketa literarioarekin eta teknoetikarekin

Ljudmila Dolar Mantuani petrologoa jaio zen. Hainbat argitalpen kaleratu zituen hormigoiaren teknologiari eta agregakinaren kalitatearekin lotutako eragileei buruz

Nairobin (Kenya) Afrikako Zientzia Akademia (AAS) sortu zen, Afrikan zientzia sustatzera bideratutako erakunde panafrikano gisa

Anna Baetjer fisiologo eta toxikologoa jaio zen. Industria lanak emakumeen osasunean duen eragina ikertu zuen, eta segurtasunean eta ordutegietan hobekuntzak proposatu zituen (etxeko erantzukizunak direla eta)

Noël N’Guessan ingeniari kimikoak Ingeniaritzako Berrikuntzaren Afrika Saria irabazi zuen Kubeko sistemarekin; uzta azpiproduktuak kudeatu eta konpost eta gas bihurtzeko balio du sistemak

Mathilde Krim medikua jaio zen. Jaio aurretik sexua zehazteko metodoa lehenengo aldiz garatu zuen taldeko kidea izan zen

Eva Ekeblad agronomoa eta zientzialaria jaio zen. Patatekin irina eta alkohola nola egin deskubritu zuen, goseteari aurre egiten lagunduz. Suediako Zientzien Akademian sartu zen lehenengo emakumea izan zen

Amedeo Avogadro zientzialariak gasen eduki molekularrari buruzko saiakera argitaratu zuen. Bere hipotesiak Avogadroren Legea ekarri zuen, kimika modernorako funtsezkoa dena

Albert Calmette medikua jaio zen. Camille Guerín albaitariarekin batera Mycobacterium tuberculosis bakterioaren forma arindua aurkitu zuen, tuberkulosirako txertoan erabili zena

Sara García Alonsok Emakume Teknologoaren Ada Byron saria jaso zuen. Biologia molekularreko ikertzaile hori, gainera, astronauten erreserbako kidea da Europako Espazio Agentzian

Jane Goodall Gombe Streameko (Tanzania) erreserbara iritsi zen, aske dauden txinpantzeen jarreraren inguruko bere ikerketa iraultzailearekin hasteko

Almira Lincoln Phelps botanikaria jaio zen. Botanikari buruzko bere idazkiek eragina izan zuten garai hartan zientzia horretan jardun zuten beste emakume batzuengan, hala nola Eunice Newton Footerengan

Michel Siffre esploratzailea kobazulo batean sartu zen, kronobiologiari eta denboraren hautemateari buruzko esperimentu aitzindaria egiteko. Bi hilabete ondoren atera zen, 35 egun baino ez zirela igaro pentsatuz

Marcelle Lapicque neurofisiologoa jaio zen. Ezaguna da nerbio bulkaden (kronaxia) eta pozoiek, batez ere estrikninak, kronaxiaren gainean duten eraginaren inguruan egin zituen ikerketak direla eta

Hendrik Lorentz fisikaria jaio zen. 1902an Nobel saria eman zioten, fenomeno elektrikoetan magnetismoak duen eraginari buruz egin zituen ikerketengatik

Fruta euli baten (Drosophila melanogaster) garunaren lehenengo mapa osoa argitaratu zen, bereizmen nanometrikokoa, 7.000 milioi ebaki eta 21 milioi irudi erabiliz

Ellen Louise Mertz geologoa jaio zen. Ikerketa aitzindaria egin zuen Danimarkako Estatu Trenbideetarako, Belt Txikiaren zubi zaharra eraikitzeko oinarri gisa balio izan zuena

Fermilaben DONUT esperimentuak lehenengo aldiz emultsio plaketan hartutako tau neutrinoaren interakzioak erakutsi zituen, partikula hori existitzen zela egiaztatuz

Osasun publikoa hobetzeko mundu mailako erakunde gisa Osasunaren Mundu Erakundea (OME) sortzea erabaki zen Nazioarteko Batzarra egin zen

Eileen Collins NASAren transbordadore espazial baten misio bateko lehenengo emakume liderra izan zen (Columbia-ren STS-93 misioa)

Ruth Pirret kimikaria jaio zen. Frederick Soddyrekin batera, elementu erradioaktiboen kimika ikertu zuen. Bere ikerketa lagungarria izan zen desintegrazio erradioaktiboa ulertzeko

Bennet Omalu mediku patologo forentseak futbol amerikarreko jokalarietan ematen den entzefalopatia traumatiko kronikoari (CTE) buruzko aurkikuntza argitaratu zuen, kirol medikuntzan mugarria ezarriz

James Ephraim Lovelock jaio zen; medikua, meteorologoa, idazlea, asmatzailea, kimikari atmosferikoa eta ekintzaile ekologista izan zen, Gaia hipotesiari esker ospetsu egin zena. Hipotesi horren arabera, Lurra autoerregulatutako sistema da

Frederick Banting eta Charles Best medikuek txakurraren pankreatik intsulina isolatu eta araztea lortu zuten. Patentea askatu zuten, gizarte osoaren onerako

Sossina M. Haile kimikaria jaio zen. Ikertzailea da materialen zientziaren arloan, eta ezaguna da azido solidoekin lehenengo pilak edo erregai gelaxkak garatzeagatik

Marion J. Lamb. biologoa jaio zen. Ingurumen baldintzek –hala nola beroa, erradiazioa edo kutsadura– Drosophila euliaren jarduera metabolikoan eta aldakortasun genetikoan duten eragina ikertu zuen

Isabel Ovín Camps lizentziatu zen, Sevillako Unibertsitatean ikasketak burutu ondoren; kimika zientzietan lizentziatu zen lehenengo emakume espainiarra izan zen

Marvalee Hendricks Wake zoologoa jaio zen. Ezaguna da zezilien (gorputz adarrik gabeko anfibio mota) garapen, anatomia eta ugalketari buruz egin duen ikerketagatik