Amy Johnson abiazioaren aitzindaria jaio zen. Distantzia luzeko hegaldien hainbat errekor ezarri zituen, adibidez, Britainia Handitik Australiara berak bakarrik hegan egin zuen lehen emakumea izan zen

Elio Antonio de Nebrija humanista hil zen. Gaztelaniako hizkuntzalari nabarmenetako bat da. 1492an argitaratu zuen hizkuntza horren lehen gramatika

Japoniako ikertzaile batzuek gibel bat garatu zuten zelula ametatik abiatuta, eta arrakastaz transplantatu zuten saguetan

Mars Pathfinder espazio-ontziaren lurreratze-modulua (NASA) Marten lurreratu zen. Ondoren, rover ibilgailua askatu zuen lurreratze-moduluak, eta hainbat esperimentu egin zituen Marteren gainazalean

Louise Freeland Jenkins astronomoa jaio zen. Gertuko izarren paralaje trigonometrikoari buruz egindako ikerketengatik izan zen ezaguna. Izar aldakorrak ere aztertu zituen

Mária Wollemann biokimikaria jaio zen. Neurokimikan eta neurofarmakologian espezializatu zen, eta hartzaile opioideak ikertu zituen, besteak beste

Rose Epstein Frisch biologoa jaio zen. Ohartu zen antzutasunari laguntzen dion faktorea dela gorputzeko gantz-maila txikia izatea

John Stith Pemberton kimikari farmazeutikoa jaio zen. Koka-hostoetan eta kola-intxaurretan oinarritutako edaria asmatu zuen farmazietan saltzeko, baina freskagarri gisa ezagunago egin zen: Coca-Cola

Kathleen Booth matematikaria jaio zen. Bere ekarpen ugarien artean, lehen ordenagailu operatiboetako bat diseinatu zuen beste batzuekin batera, eta ordenagailuen diseinuari buruzko lehen liburuetako bat idatzi zuen

Troposphère suziriaren lehen prototipoa jaurti zuten. Troposphère programa Kongoko Errepublika Demokratikoan garatu da % 100ean, eta herrialde horretatik sateliteak jaurti ahal izatea du helburu

Ofizialki iragarri zuten Qin Shi Huangen hilobia zaintzen duen terrakotazko gudarien armadaren aurkikuntza arkeologikoa egin zela Xi’an hiritik gertu (Txina)

William Ramsay eta Morris Travers kimikariek xenoia aurkitu zuten (54 zenbaki atomikoa du) aire likidotuaren hondakinetan. Distira urdina ateratzen zuen huts-hodi batean txinparta bat jalgiaraztean

Mary Lea Heger astronomoa jaio zen. Aurkikuntza garrantzitsuak egin zituen izarrarteko inguruneari buruz. 1922an, izarrarteko banda lausoak aurkitu zituen

Mario Bros estreinatu zuen Nintendo bideojokoen ikerketa, garapen eta banaketako enpresak. Shigeru Miyamotok eta Gunpei Yokoik sortu zuten Arcade bideojoko hori

Espainiako Medikuntzako Errege Akademia Nazionala sortu zuten. Bere helburuen artean dago medikuntzarekin, osasunarekin eta sanitatearekin lotutako gaietan erakundeei aholkularitza ematea

Estatu Batuek Trinity proba egin zuten. Historiako arma nuklear baten lehen proba izan zen. Inguruko biztanleei ez zitzaien jakinarazi, eta ez zituzten ebakuatu ere, arriskua egon zitekeen arren

Amanz Gressly geologo eta paleontologoa jaio zen. Estratigrafia modernoaren eta paleoekologiaren sortzaileetako bat da

Nobuhiro Satō zientzialaria jaio zen. Saiatu zen mendebaldeko zientzia (batez ere astronomia) pentsamendu politiko eta filosofiko japoniarrarekin integratzen

Giza garezur baten hiru dimentsioko lehen berreraikitzea argitaratu zuten, ordenagailu bidezko tomografiaren (OTA) bidez

John Playfair matematikaria hil zen. 1795ean Euklidesen Elementuak liburuaren edizio oharduna argitaratu zuen, non notazio aljebraiko bat erabili zuen frogapenak laburtzeko

Fresnedillaseko (Madril) estazio aeroespaziala Apolo 11ren ilargiratzearen seinalea jasotzen lehena izan zen. Handik NASAra birbidali zen, Houstonera (Estatu Batuak)

Garunaren Mundu Eguna. Giza gorputzaren bizi-organo horren zaintzaz eta hura hondatzen duten gaixotasunen prebentzioak duen garrantziaz kontzientziatzea du helburu

Sally Ride astronauta hil zen. Tam O 'Shaughnessy neska-lagunarekin batera, Sally Ride Science enpresa sortu zuen zientzia eta teknologiako hezkuntza sustatzeko, neskei arreta berezia eskainiz

Trefor Jenkins genetista jaio zen. Markatzaile genetikoen inguruan egindako lanarengatik da ezaguna, eta horrek lagundu du Afrikako jatorrizko hainbat talderen jatorria argitzen

Espazio irekira irtenaldia egin zuen lehen emakume bihurtu zen Svetlana Savítskaya kosmonauta. Hiru ordu eta hogeita hamabost minutu iraun zuen espazioan egin zuen ibilaldiak

Pauline Rifer de Courcelles ilustratzaile zientifikoa jaio zen. Anselme Gaëtan Desmarest zoologoaren eta Coenraad Jacob Temminck naturalistaren ornitologiako lanak ilustratu zituzten bere hegazti-pinturek

Margarita Augusta Marie Löwenhielm mikologoa jaio zen. Mahatsondo-barietate berrien eraginkortasuna aztertu zuen, bere garaian mahats-uztak suntsitzen zituen filoxera intsektuen izurriteari aurre egiteko

Baruch S. Blumberg Nobel sariduna jaio zen. B hepatitisaren birusa identifikatu eta haren aurkako txertoa egin zuen. Bere omenez ospatzen da gaur Hepatitisaren aurkako Mundu Eguna

George C. Clerk botanikaria jaio zen. Landare-patologiaren aitzindaria izan zen Ghanan eta mendebaldeko Afrika osoan, eta eskualde horretako mikologia eta ekologia ere ikertu zituen

Matilda Smith botanikari eta ilustratzailea jaio zen. Bereziki miretsia izan zen espezimen lehor, zapal eta batzuetan inperfektuetatik abiatuta ilustrazio sinesgarriak sortzeko zuen trebetasunagatik

Melaku Worede agronomoa hil zen. Munduko haziak kontserbatzeko zentrorik onenetako bat eraiki zuen, etiopiarren aberastasun genetikoa babestuz, lehorteak jasaten dituzten laboreak barne