Wilhelmine Mimi Johnson jaio zen. Norvegiako lehenengo emakume geologoa izan zen; Kongsbergeko meatzeak fotografiatu zituen eta Tøyengo Museo Geologikoko kontserbatzailea izan zen. Bidea urratu zuen gizonek menperatutako mundu batean

Karl Whilhlem Reinmuth astronomoak Aethusa (1064) asteroidea deskubritu zuen, Marte eta Jupiter arteko gerriko nagusian dagoena. Europako landare toxiko baten izena du

Carmenza Duque Beltrán kimikaria jaio zen. Batez ere ezaguna da fruten aromari buruz eta itsasoko organismoetan dauden konposatu kimikoei buruz egindako ikerketengatik

Eeva Therman-Patau jaio zen. Argitalpen ugari egin zituen minbiziaren genetikari, X kromosomaren anomaliei eta sexu garapenari buruz, besteak beste

Ivar Aasen filologo, hizkuntzalari eta naturalista jaio zen. Norvegieraren (landsmål) idazkera estandarra ezarri zuen herrialdeko mendebaldeko hizkeretatik abiatuta. Estandarra ofizialtzat jo zen 1885ean

Ana Gligić birologoa jaio zen. Ekarpen garrantzitsuak egin zituen sukar hemorragiko biralak ulertu eta kontrolatzeko, Marburg birusari buruzkoak barne

Elly Cordiviola iktiologoa jaio zen. Aitzindaria izan zen Paraná ibaiko arrainak, horien migrazioak eta ugalketa ikertzen. Bere lana ekarpen handia izan zen Argentinako uretako biodibertsitatea kontserbatzen laguntzeko

Jeanne Renaud-Mornant biologoa jaio zen. Dozenaka tardigrado espezie deskubritu zituen; tardigradoak muturreko baldintzetan bizirauteko gai diren animalia mikroskopikoak dira

Edmond Albius baratzezaina hil zen. 12 urte zituela, Vanilla planifolia orkidea polinizatzeko metodoa asmatu zuen; gaur-gaurkoz, metodo hori erabiltzen jarraitzen da, landarea bere habitat naturaletik kanpo modu errentagarrian haztea ahalbidetzen baitu

Mary Alice McWhinnie biologoa jaio zen. Antartikoan nabigatu zuen lehenengo emakumea izan zen, bi hilabetez. Bere helburua uraren tenperaturaren eta krillaren fisiologiaren arteko lotura ikertzea zen

Ruth Wynne-Davies medikua jaio zen. Espezialista zen ortopedian, eta, besteak beste, hankaokerra eta eskoliosiaren genetikari buruz ikertu eta idatzi zuen

Eguzki eklipse osoa egongo da. Siberiaren iparreko muturretik, Islandiako mendebaldeko muturretik, Groenlandiatik eta Espainiako iparralde ia osotik ikusi ahalko da

Maureen Muggeridge geologoa jaio zen. 1979an Argyleko diamanteen metakina deskubritu zuen Mendebaldeko Australiaren iparraldean, mundu osoko handienetako bat da

Carlos de Sigüenza y Góngora polimata jaio zen. Espainia Berrian matematiken sustatzaileetako bat izan zen eta 1675ean Teotihuacánen egin ziren indusketak zuzendu zituen, Mexikoko erregeorderrian egin ziren lehenetako batean

Andromache Papanicolau laborategiko laguntzailea jaio zen. 21 urtez, boluntarioa izan zen George senarrak egunero zitologiak egin ziezazkion, umetokiko minbiziaren proba baten bila

Arthur Cayley jaio zen, matematikari britaniarra, aljebra linealaren oinarri den matrizeen kalkuluaren sortzailea. 900 artikulutik gora argitaratu zituen, eta geometria guztiz eraldatu zuen

Philiswa Nomngongok Hegoafrikako Zientziako Emakumeen Saria jaso zuen. Ingurumeneko kimika analitikoa eta urak tratatu eta aztertzeko nanomaterialen erabilera ikertzen ditu

Arkeologiaren Nazioarteko Eguna. Giza Zientzien arloko zientzia horri esker, gure iragana eta oraina uler ditzakegu. Datak Khaled al Asaad arkeologo siriarraren erailketa oroitzen du

Belka eta Strelka txakurrek kanpo espaziora bidaiatu zuten, Korabl-Sputnik 2 satelitean, hainbat sagu, arratoi eta landarerekin. Espaziorako bidaia batean biziraun zuten lehenengo izaki bizidunak izan ziren

Ronald Rossek malariaren parasitoa behatu zuen Anopheles eltxo batean. Aurkikuntza horri esker, gaixotasuna nola transmititzen zen ulertu ahal izan zen. 1902an Fisiologia edo Medikuntzako Nobel saria irabazi zuen

Charles Frédéric Gerhardt kimikaria jaio zen. Formula kimikoen notazioaren erreforman egin zuen lan. Halaber, besteak beste, aspirinaren oinarria den azido azetilsalizilikoaren sintesia ikertu zuen

Christopher J. Chetsanga biokimikaria jaio zen. Ekarpen aitzindariak egin zituen DNA konpontzeko ikerketan, eta minbiziaren aurkako borrokan funtsezkoa den prozesu horretako entzima gakoak deskubritu zituen

Anna Mani fisikari eta meteorologoa jaio zen. Eguzki-erradiazioa, ozonoa eta haizea neurtzeko tresnak diseinatu zituen, zeinak gakoak diren klima eta energia garbiak ulertzeko

1884 Annette Braun entomologoa jaio zen. Aditua izan zen mikrolepidopteroetan: sits txikiak dira, zeinen larbak hostoen barruan bizi diren. 340 espezie baino gehiago deskribatu zituen, eta entomologia irauli zuen

Eugénio dos Santos arkitekto eta ingeniaria hil zen. 1755eko lurrikararen ondoren Lisboa berreraikitzeaz arduratu zen, ingeniaritzan mugarria ezarri zuten irizpide antisismikoak erabiliz

Karen Spärck Jones programatzailea jaio zen. IDF adierazlea garatu zuen; testu batean hitz batek duen garrantzia neurtzen duena, dokumentu digitaletan informazio gakoa identifikatzeko

Carrie Jane Everson asmatzailea jaio zen. Mineralak olio burbuilak erabiliz banatzeko metodoa patentatu zuen, apar bidezko flotazioaren oinarria. Bere teknikak meatzaritza modernoa goitik behera aldatu zuen

Turnerren Sindromearen Nazioarteko Eguna; Henry Turnerrek 1938an deskribatu zuen anomalia kromosomikoa. Emakumezkoei eragiten die, eta, besteak beste, garaiera txikia edo antzutasuna eragin dezake

Maria Goyri filologoa jaio zen. Aitzindaria izan zen filologian eta espainiar literaturan. Emakumeen hezkuntza aldarrikatu zuen eta herri erromantzeak ikertu zituen Ramón Menéndez Pidalekin batera

NBEk mundu mailan beruna duen gasolina desagerraraztea berretsi zuen. Lorpen horri esker, urtean 1,2 milioi heriotza saihesten dira, eta 2,4 bilioi dolar baino gehiago aurrezten dira

Maria Montessori mediku eta pedagogoa jaio zen. Bere heziketa metodoak, mundu osoan erabiltzen denak, haurren autonomia eta ikasketa sustatzen du, esperientziaren bidez