Helen Murray Free kimikari eta asmatzailea hil zen. Alfred senarrarekin batera, murgiltzeko eta irakurtzeko lehen zerrenda erreaktiboak egin zituen, diagnostiko-probetan erabiltzeko

Ofizialki ireki zuten Ghanako Zientzia eta Teknologia Espazialeko Institutua (GSSTI), astrofisikari, teledetekzioari, baliabide naturalen kudeaketari edo eguraldiaren iragarpenari buruz ikertzeko

Iliá (Élie) Méchnikov zoologoa jaio zen. Aitzindaria immunologia eta gerontologia arloetan. Probiotiko kontzeptuaren oinarriak ezarri zituen eta baita osasuna, hesteetako mikrobiota eta dietaren arteko erlazioan ere

Maria Matilde Principi entomologoa jaio zen. Intsektu neuropteroideoak aztertu zituen, inurri lehoiak deitutakoak barne, beste intsektu txikiago batzuez elikatzen direnak

Europa kontinentaleko lehen trenbidea inauguratu zen Belgikan: Brusela-Malinas linea

Wifredo Ricart ingeniaria jaio zen. Hegazkin-motorren zein kamioien eta automobilen diseinuan eta fabrikazioan lan egin zuen, Pegaso Z-102 kirol-auto mitikoan esterako

Allan MacLeod Cormack fisikaria hil zen. Godfrey Newbold Hounsfidelekin batera, Fisiologia edo Medikuntzako Nobel saria jaso zuen 1979an, ordenagailu bidezko tomografia axiala (OTA) garatzeagatik

Flora Murray medikua jaio zen. Louisa Garrett Anderson bikotekidearekin batera, emakumeen ospitale-erakundea sortu zuen Lehen Mundu Gerran zauritutako soldaduak artatzeko

CSICek Margarita Salas domina sortu zuen. Harrezkero, ikertzaileen ikuskaritzan edo zuzendaritzan egindako ibilbide onena saritzen du urtero domina horrek

Jean Augustin Fresnel fisikaria jaio zen. Funtsezko eginkizuna izan zuen argiaren uhinen teoriaren onarpenean, eta Fresnelen lentea asmatu zuen, oso egokia itsasargietan, semaforoetan edo telebistetan erabiltzeko

Hubertine Rose Éholie akademikoa hil zen. Kimikan espezializatua zen, eta mundu akademikoan genero-arrakala murrizteko egin zuen ahaleginagatik da ezaguna

NASAk iragarri zuen landareak haz daitezkeela ilargi-erregolitoan. Ilargi-lur mota horren laginak Apolo misioko astronautek ekarri zituzten Lurrera

Inge Lehmann sismologoa jaio zen. Kanpoko nukleoa barne-nukleotik bereizten duen etena aurkitu zuen, eta bere izena darama bere omenez: Lehmannen etena

Magnus Hirschfeld medikua jaio zen. Sexu-orientazioa sortzetikoa dela defendatu zuen, eta ez hautu bat, eta sexualitatea zientifikoki ulertzeak gutxiengo sexualekiko tolerantzia sustatzen duela

Helen Alma Newton Turner genetista eta estatistikaria jaio zen. Ardi hazkuntzan liderra izan zen, eta genetika kuantitatiboa aplikatu zuen ardi-artile merinoaren kalitatea eta ekoizpena hobetzeko

Johannes Georg Bednorz fisikaria jaio zen. Karl Alexander Müllerrekin batera, Fisikako Nobel saria jaso zuen material zeramikoen supereroankortasunaren alorrean egindako aurkikuntzengatik

Sebsebe Demissew botanikariak Smithsonian Erakundearen Botanika Tropikaleko Bikaintasunaren Cuatrecasas domina jaso zuen, askotariko flora etiopiarra kontserbatzeko egindako lanagatik

Christopher Strachey informatikari teorikoa hil zen. Besteak beste, konputagailurako lehen musika-programetako bat egin zuen

Mary Louisa Willard jaio zen. Mikrokimikan espezializatu zen, eta ilearen eta odolaren analisia sartu zuen, hilketetan erabilitako armak identifikatzeko. Lady Sherlock deitzen zioten

Turkanan (Kenya) 3,3 milioi urteko harrizko tresnak aurkitu zituztela argitaratu zen. Mendebaldeko Turkana Proiektu Arkeologikoak (WTAP) gizateriaren jatorria ikertzen du 1996tik

Rayyanah Barnawi ikertzailea Saudi Arabiako lehen emakume astronauta bihurtu zen. Zelula amek zero grabitatean zer-nolako portaera zuten aztertu zuen Nazioarteko Espazio Estazioan

22q11 Sindromearen Nazioarteko Eguna. Helburua da gaixotasun arraro horren inguruan sentsibilizatzea eta haren diagnostikoan eta tratamenduetan ikerketa eta aurrerapenak sustatzea

Myra Keen malakologoa jaio zen. Bere ikerketak moluskuen sistematika eta itsas moluskuen paleontologia izan zituen ardatz, bai eta Panamica probintziako itsas moluskuen fauna ere

Antonina Rodrigoren Una mujer silenciada liburua argitaratu zen. María Teresa Toral zientzialariaren bizitza eta erbesteratzea kontatzen ditu. Elementu kimikoen pisu atomikoen zehaztapena aztertu zuen Toralek

Louise Jensen Stakman fitopatologoa jaio zen. Besteak beste, zerealen patogenoak diren onddo inperfektuak ikertu zituen

Thomas R. Odhiambo entomologo eta ingurumen-ekintzailea hil zen. Gaixotasunen bektore-intsektuen kontrola ikertu zuen eta Intsektuen Fisiologia eta Ekologiako Nazioarteko Zentroa (ICIPE) sortu zuen

Sibyl Taite Widdows kimikaria jaio zen. Emakumeen esnearen konposizioari eta jariatzeari buruz ikertu zuen

Joseph Greenberg hizkuntzalaria jaio zen. Hizkuntzak sailkatzen eta unibertsal linguistikoak bilatzen lan egin zuen. Afrikako hizkuntzak lau unitate filogenetikotan sailkatzea proposatu zuen

Ibn al-Samh matematikari eta astronomoa hil zen. Ekuatorioa asmatu zuen, Eguzkiak, Ilargiak eta planetek zerumugan dituzten posizioak zehazteko erabiltzen zen tresna astronomikoa

Louis Hjelmslev hizkuntzalaria hil zen. Hans Jørgen Uldall-ekin batera glosematika garatu zuen, glosarioak kalkulu matematikoaren antzeko ikuspegi zientifikoarekin aztertzen dituena

Angelo Moriondo asmatzaile eta enpresaria hil zen. Kafe espresoaren lehen makina modernotzat hartu dena patentatu izanagatik da ezaguna