Carl Linnaeusen Species Plantarum lana argitaratu zen. Lan hori hartzen da gaur egun erabiltzen den landareen taxonomiaren abiapuntu ofizialtzat, nazioarteko kodearen arabera

Gladys Isabel Harper fisikaria jaio zen. X izpiak ikertu zituen, eta erradiazio konposatua aztertzeko eta sorta monokromatikoak sortzeko teoria bat garatu zuen; bere lana gakoa da espektroskopia modernoan

Odón de Buen naturalista eta ozeanografoa hil zen. Bere ekarpenen artean gehien zabaldu dena 1914an Espainiako Ozeanografia Institutua sortzea izan zen

Agnes Fay Morgan kimikaria jaio zen. Bere lanak hezur dentsitatearen murrizketa eta adinean gora egitea erlazionatu zuen, eta kolesterolaren odoleko mailak eta dietako gantzak korrelazioan jarri zituen

Sonny Jiménez de Tejada ingeniaria hil zen. Kolonbiako unibertsitatean emakumeak sartzea ahalbidetzeagatik da gogoratua. Herrialde horretako ingeniaritza zibileko eta meatzaritza ingeniaritzako lehenengo emakume lizentziatua izan zen

Elizabeth Joan Stokes jaio zen. Antibiotikoekiko sentikortasuna probatzeko metodo estandarizatu bat garatu zuen, Stokes metodoa, eta hori izan zen proba estandarra 1980ko hamarkadara arte

Giuseppe Veronese matematikaria jaio zen. “Veronese azalera” aurkitu zuen, dimentsio gehiagotako espazioetako formak aztertzen dituen geometriako funtsezko ideia

Yiau-Min Huang entomologoa hil zen. Dengearen, Chikungunyaren, Zikaren eta sukar horiaren transmisioan parte hartzen duten eltxoei buruz egin zituen ikerketak nabarmentzen dira

Albert Kapikian birologoa jaio zen. Norwalk birusa (norobirus mota bat) identifikatu zuen, eta errotabirusaren aurkako lehenengo txertoa garatu zuen. Bi birusek gastroenteritisa eragiten dute

28 Txinako Han dinastiako astronomoek eguzki orban bat dokumentatu zuten; fenomeno astronomiko horren lehenengo erregistro idatzietako bat da

Anna Marguerite McCann jaio zen. Aitzindaria izan zen urpeko arkeologiaren arloan 1960ko hamarkadatik. Jacques Cousteaurekin hasi zen urpean igeri egiten, erromatarren antzinako naufragioak aztertuz Marseillatik hurbil

Ana María Cano González filologoa jaio zen. Somiedo haraneko asturiera hizkuntzari buruz egin zituen ikerketak nabarmentzen dira. Academia de la Llingua Asturiana akademiaren burua izan zen 16 urtez

MarumaSat I zunda igorri zen NOSA hezkuntza proiektuaren esparruan (Axencia Espacial Escolar Galega). Zunda 25.000 metroraino igo zen, eta, ondoren, arrakastaz berreskuratu ahal izan zen

Jessica Watkins geologoa eta NASAko astronauta jaio zen. 2022an Nazioarteko Estazio Espazialean misio luze bat egin zuen lehenengo emakume beltza izan zen

n Amadou Hampâté Bâ historialaria hil zen. Ikerketa etnologikoak egin eta afrikar tradizioak bildu zituen. Esaldi hau esan zuelako da gogoratua: “adineko pertsona bat hiltzen denean, liburutegi bat erretzen da”

an, Nikola Tesla ingeniari elektriko eta asmatzaileak korronte alternoa sortzeko eta transmititzeko sistema aurkeztu zuen, eskala handiko elektrifikazioaren oinarria

Mary Kenner asmatzailea jaio zen. Konpresetarako poltsiko iragazgaitza zeukan gerriko sanitarioa garatzeagatik da ezaguna; horri esker, hilekoaren odolak ez zituen arropak zikintzen

Museoen Nazioarteko Eguna. Zientzia gizarte osora iristeko museo zientifikoek duten funtsezko eginkizuna gogoratzeko egun ona da

“Juan de la Cierva” Ikerketa Teknikoko Saria eman zioten Piedad de la Cierva Viudesi, arroz mintzarekin egindako adreilu erregogorren fabrikazioari buruz egin zuen lanagatik

Abraham Ortelius kartografoak Theatrum Orbis Terrarum argitaratu zuen, munduko mapa koherenteak bildu zituen lehenengo atlas modernoa, eta kartografia zientifikoaren hasiera ezarri zuen

Emily Dix paleobotanikaria jaio zen, Karboniferoko landare fosiletan aditua. Galeseko hegoaldean egin zituen ikerketek ikatzaren formazioa eta Lurreko landareen historia ulertzen lagundu zuten

Dibertsitate Biologikoaren Nazioarteko Eguna ospatzen da, Lurreko bizitzaren aniztasuna eta berau sostengatzen duten ekosistemak babestearen garrantzia gogorarazteko

Olumbe Bassir zientzialaria hil zen. Bere ikerketen ardatza nutrizioa eta elikadura toxinak izan ziren. Bakerako eta garapenerako tresnatzat aldarrikatu zuen zientzia

Ynes Mexia botanikaria jaio zen. 145.000 landaretik gora bildu zituen Amerikan. Bere lanari esker, ehunka espezie berri aurkitu eta munduko botanikaren arloko ezagutza handitu ahal izan ziren

Raymond Smullyan matematikari eta logikaria jaio zen. Bere igarkizunengatik, filosofiagatik eta magiagatik da ezaguna, zenbait belaunaldiren inspirazio iturri izan ziren liburuetan dibertsioa eta arrazoiketa uztartzen baitzituen

Felipe Poey Aloy naturalista jaio zen. Kubako arrainak aztertu zituen 50 urtez. Bere Ictiología Cubana lana 2000. urtean argitaratu zen osorik, eta funtsezkoa da zoologiarako

Ibn Jaldún historialari, soziologo, geografo eta filosofoa jaio zen. Soziologiaren gurasotzat hartzen da, eta bere Al-Muqaddimah lanak gizarteek, ekonomiak eta politikak nola funtzionatzen duten aztertu zuen

Xu Xiaobai kimikaria jaio zen. Material fluoreszenteak eta konposatu kimiko konplexuak ikertu zituen, eta luminarietan eta hidrokarburo aromatikoen ikerketan aurrera egiten lagundu zuen

Kathleen. E. Carpenter ekologoa eta limnologoa hil zen. Meatzaritzako kutsadurak uretako organismoetan dituen efektuak ikertzeagatik nabarmendu zen. 1928an limnologiari buruzko lehengo liburu britainiarra argitaratu zuen

Helen Patricia Sharman jaio zen, kimikaria eta kosmonauta. 1991n espaziora bidaiatu zuen lehenengo pertsona britainiarra izan zen, bai eta Mir estazio espaziala bisitatu zuen lehenengo emakumea ere

Ethel Mary Doidge mikologoa jaio zen. Bakterioei eta onddoei buruz zituen ezagutzei esker, nekazaritzako arazo handiak konpontzea lortu zuen